കൊട്ടാരക്കര : കേരള കോൺഗ്രസ് -എം ചെയർമാനും മുൻ മന്ത്രിയുമായിരുന്ന കെ.എം മാണിയുടെ തൊണ്ണൂറാം ജന്മദിനാഘോഷവും കാരുണ്യ ദിനാചരണവും കേരള കോൺഗ്രസ്-എം ജില്ലാ കമ്മിറ്റിയുടെ നേതൃത്വത്തിൽ സംഘടിപ്പിച്ചു.
പുത്തൂർ സായന്തനം ഗാന്ധിഭവൻ അഭയകേന്ദ്രത്തിൽ നടന്ന ജില്ലാതല പരിപാടികളുടെ ഉദ്ഘാടനം ഡെപ്യൂട്ടി മേയർ കൊല്ലം മധു നിർവഹിച്ചു. ജില്ലാ പ്രസിഡന്റ് വഴുതാനത്ത് ബാലചന്ദ്രന്റെ അധ്യക്ഷതയിൽ ചേർന്ന യോഗത്തിൽ സംസ്ഥാന നിർവാഹക സമിതി അംഗം ഉഷാലയം ശിവരാജൻ, സ്റ്റിയറിംഗ് കമ്മിറ്റി അംഗം രഞ്ജിത്ത് തോമസ്, സംസ്ഥാന സെക്രട്ടറിയേറ്റംഗം ജി.മുരുകദാസൻ നായർ, എ.ഇക്ബാൽകുട്ടി, ആദിക്കാട് മനോജ്, മാത്യു സാം, സജിമോൻ കുറ്റിയിൽ എന്നിവർ പ്രസംഗിച്ചു.
പത്തനാപുരം :കേരളാ കോൺഗ്രസ് -എം ചെയർമാനും മന്ത്രിയുമായിരുന്ന കെ എം മാണിയുടെ 90-ാം ജന്മദിനം കാരുണ്യദിനമായി ആചരിച്ചു. കേരളാ കോൺഗ്രസ് -എം പത്തനാപുരം നിയോജക മണ്ഡലം കമ്മിറ്റിയുടെ നേതൃത്വത്തിൽ കാരുണ്യദിനാചാരണത്തിന്റെ ഭാഗമായി പത്തനാപുരം താലൂക്ക് ആശുപത്രിയിൽ കിടപ്പ് രോഗികൾ ഉൾപ്പെടെയുള്ളവർക്ക് ഭക്ഷണപൊതി വിതരണം ചെയ്തു.
കാരുണ്യദിനാചാരണം പത്തനാപുരം ഗ്രാമപഞ്ചായത്ത് പ്രസിഡന്റ് എസ് തുളസി ഉദ്ഘാടനം ചെയ്തു. പത്തനാപുരം നിയോജകമണ്ഡലം പ്രസിഡന്റ് മാങ്കോട് ഷാജഹാൻ അധ്യക്ഷത വഹിച്ച യോഗത്തിൽ പാർട്ടി ഉന്നതധികാര സമിതി അംഗം ബെന്നി കക്കാട് മുഖ്യ പ്രഭാഷണം നടത്തി.
യോഗത്തിൽ പെന്ഷനേഴ്സ് ഫ്രണ്ട് സംസ്ഥാന പ്രസിഡന്റ് വി എം മോഹനൻപിള്ള, സംസ്ഥാന കമ്മിറ്റി അംഗങ്ങളായ മുഹമ്മദ് കാസിം, നവാസ് തേമ്പാവിൻ മൂട്ടിൽ,സുനറ്റ് കെ വൈ,പ്രഭാകരൻ നായർ,മുഹമ്മദ് നാദർഷ എ, എബി എബ്രഹാം,പി വി ബഷീർ, റെജി ചെങ്കിലാത്, ഷാജി കക്കാട്, തോമസ് കുളമാകുഴി എന്നിവർ പ്രസംഗിച്ചു.