ഐവർകാല: സെന്‍റ് തോമസ് ഇവാൻജലിക്കൽ ചർച്ച് ഓഫ് ഇന്ത്യ യൂത്ത് ബോർഡിന്‍റെ നേതൃത്വത്തിൽ ഐവർകാല ബദാം മുക്കിന് സമീപം ആരംഭിക്കുന്ന ശ്രദ്ധ പാലിയേറ്റീവ് കെയർ ആന്‍റ് കൗൺസിലിംഗ് സെന്‍ററിന്‍റെ ഉദ്ഘാടനം ഇന്ന് വൈകുന്നേരം 4.30ന് നടക്കും.
ഇവാൻജലിക്കൽ സഭ പ്രിസൈഡിംഗ് ബിഷപ്് ഡോ. തോമസ് ഏബ്രഹാം ഉദ്ഘാടനം ചെയ്യും.
സൗത്ത് കേരള ഡയോസിഷൻ ബിഷപ് ഡോ.എബ്രഹാം ചാക്കോ അധ്യക്ഷതവഹിക്കും. ഓഫീസ് ഉദ്ഘാടനം കുന്നത്തൂർ ഗ്രാമ പഞ്ചായത്ത് പ്രസിഡന്‍റ് കെ.വത്സലകുമാരി നിർവഹിക്കും.
സഭാ സെക്രട്ടറി റവ. ഏബ്രഹാം ജോർജ്, ഡയറക്ടർ റവ.ജോൺ മാത്യു, വൈസ് പ്രസിഡന്‍റ് റവ.അനീഷ് മാത്യു, പ്രഫ. ജോൺ സഖറിയ, എ.പി. ശ്രീകാന്ത്, കെ.ജി. അനീഷ്യ, റവ.റോണി ചെറിയാൻ, പാസ്റ്റർ ബേബി കടമ്പനാട്, രാജൻ നാട്ടശേരി എന്നിവർ പ്രസംഗിക്കും.
വലിച്ചെറിയൽ മുക്ത കേരളം പദ്ധതി:
കുളത്തൂപ്പുഴയിൽ തുടക്കമായി
കുളത്തൂപ്പുഴ: വലിച്ചെറിയൽ മുക്ത കേരളം പദ്ധതിക്ക് കുളത്തൂപ്പുഴ ഗ്രാമപഞ്ചായത്തിൽ തുടക്കമായി. നവകേരള മിഷന്‍റെ ഭാഗമായി നടപ്പാക്കുന്ന പരിപാടിയുടെ ഉദ്ഘാടനം പഞ്ചായത്ത് പ്രസിഡന്‍റ് പി അനിൽകുമാർ നിർവഹിച്ചു.
അഞ്ചൽ കുളത്തൂപ്പുഴ മലയോര ഹൈവേയുടെ ഭാഗങ്ങൾ ശുദ്ധീകരിച്ചു. വൈസ് പ്രസിഡന്‍റ് നദീറ സൈഫുദീന്‍റെ അധ്യക്ഷതയിൽ പഞ്ചായത്ത് അംഗങ്ങളായ ചന്ദ്രകുമാർ, സാബു എബ്രഹാം, പി ആർ സന്തോഷ് കുമാർ, സിപിലാഷ് കുമാർ, ഷീജ റാഫി, പി ലൈലാ ബീവി, പഞ്ചായത്ത് സെക്രട്ടറി എം ഷിബു കുമാർ, എം നജീബ്, ഹരിത കർമ സേനാംഗങ്ങൾ എന്നിവർ പങ്കെടുത്തു.