ADVERTISEMENT

ADVERTISEMENT

അഞ്ചൽ വൈദിക ജില്ലാ കുരിശിന്‍റെ വഴി ഇന്ന്

അഞ്ചൽ: മലങ്കര കത്തോലിക്കാ സഭ അഞ്ചൽ വൈദിക ജില്ലയിലെ 20 ഇടവകകൾ ചേർന്ന് വലിയ നോമ്പുകാലത്ത് നടത്തുന്ന കുരിശിന്‍റെ വഴി ഇന്ന് വൈകുന്നേരം നടക്കും. വൈകുന്നേരം നാലരയോടെ ആലഞ്ചേരി സെന്‍റ്് മേരീസ് ഓർത്ത ഡോക്സ് തീർഥാടന ദൈവാലയത്തിൽ നിന്നും ആരംഭിക്കുന്ന കുരിശിന്‍റെ വഴി പ്രയാണം സെന്‍റ് ജോൺസ് സ്കൂൾ ഗ്രൗണ്ടിൽ സമാപിക്കും.
വഴിയിൽ ക്രമീകരിച്ചിരിക്കുന്ന പതിനാല് ഇടങ്ങളിൽ പ്രത്യേക പ്രാർഥന നടക്കും. ഫാ. ഷോജി വെച്ചൂർക്കരോട്ട് സമാപന സന്ദേശം നൽകും. വൈദിക ജില്ലാ എംസിഎ, എംസിവൈഎം, മാതൃവേദി എന്നിവ കുരിശിന്‍റെ വഴിക്ക് നേതൃത്വം നൽകുമെന്ന് വൈദിക ജില്ലാ വികാരി റവ.ഫാ. ബോവസ് മാത്യു അറിയിച്ചു.

ADVERTISEMENT

കുളത്തൂപ്പുഴയിൽ കാട്ടാനക്കൂട്ടം കൃഷി നശിപ്പിച്ചു

കുളത്തൂപ്പുഴ: ജനവാസമേഖലയി ലെത്തിയ കാട്ടാനക്കൂട്ടം വ്യാപക കൃഷി നാശം വരുത്തി. കുളത്തൂപ്പുഴ വട്ടക്കരിക്കം പെരുവഴിക്കാലയിൽ കഴിഞ്ഞ ദിവസം രാത്രിയിലാണ് കാട്ടാനക്കൂട്ടം ഇറങ്ങിയത്. ഓണവിപണി ലക്ഷ്യമാക്കി കൃഷിയിറക്കിയ പുളിമൂട്ടിൽ വീട്ടിൽ ശശി -രാധ ദമ്പതികളുടെ വാഴത്തോട്ടവും കൃഷികളുമാണ് ഒറ്റ രാത്രി കൊണ്ട് കാട്ടാനകൾ നശിപ്പിച്ചത്. വാഴകൾക്ക് പുറമെ തെങ്ങുകൾ, കമുക് ഉൾപ്പെടെയുള്ള കൃഷികളും നശിപ്പിച്ചു. കോളനികൾക്ക് ചുറ്റുമായി വർഷങ്ങൾക്ക് മുൻപ് ലക്ഷങ്ങൾ ചെലവിട്ട് നിർമിച്ച സൗരോർജ വേലികൾ പൂർണമായും തകർന്നു. മനുഷ്യ- വന്യ ജീവി സംഘർഷം കുറയ്ക്കുവാൻ വേണ്ടി ആവിഷ്കരിച്ച വനാവരണം പദ്ധതി പൂർത്തിയാകാതെ ഒതുങ്ങുകയും ചെയ്തതോടെ കാട്ടുമൃഗ ശല്യം രൂക്ഷമായി. ഇതിനിടെ വനാതിർത്തികളിൽ ആനക്കിടങ്ങുകൾ എടുക്കുമെന്ന അധികൃതരുടെ ഉറപ്പും ജലരേഖയായി മാറിയതായി കർഷകർ പറയുന്നു. അമ്പലക്കടവിൽ നിന്നും ആദിവാസി മേഖലയിലേക്കു കടന്നുപോകുന്ന റോഡുകൾ കാട്ടുമൃഗങ്ങളായ ആനയുടെയും കാട്ടുപോത്തിന്‍റെയും സഞ്ചാര പാത ആയിരിക്കുകയാണ് .ഈ പ്രദേശങ്ങളിലെ ജനജീവിതം വളരെ ദുരിതത്തിലാണ്. കാട്ടുമൃഗശല്യം വർധിക്കുന്പോൾ ഫോറസ്റ്റ് ഉദ്യോഗസ്ഥർ നിസംഗത പാലിക്കുകയാണ്. യാത്രക്കാർ പേടിച്ചാണ് ഈ വഴിയിൽ കൂടി ജോലി കഴിഞ്ഞ് വീടുകളിൽ എത്തുന്നത് . വന്യമൃഗങ്ങളുടെ കൈകളിൽ നിന്നും തങ്ങളുടെ കൃഷിസ്ഥലങ്ങളെ സംരക്ഷിക്കണമെന്ന് ആവശ്യപ്പെട്ട് പ്രദേശവാസികൾ പല നിവേദനങ്ങൾ നൽകിയിട്ടും ഫലമുണ്ടായില്ല.

കേരളത്തിന്‍റെ വിദ്യാഭ്യാസ നയം രാജ്യത്തിന് മാതൃക: മന്ത്രി ജെ.ചിഞ്ചുറാണി

അഞ്ചല്‍ : വിദ്യാഭ്യാസ രംഗത്തെ സമഗ്രമുന്നേറ്റം ലക്ഷ്യമിട്ടുള്ള കേരളത്തിന്‍റെ വിദ്യാഭ്യാസ നയം രാജ്യത്തിന് മാതൃകയാണെന്ന് മന്ത്രി ജെ.ചിഞ്ചുറാണി. കേരളത്തിലെ മുഴുവന്‍ കുട്ടികള്‍ക്കും വിദ്യാഭ്യാസം ഉറപ്പാക്കിയിട്ടുണ്ട്. സംസ്ഥാനത്തെ സ്കൂളുകളില്‍ പഠിച്ചിറങ്ങി സിവില്‍ സര്‍വീസ് അടക്കം ഉന്നത മേഖലകളില്‍ എത്തുന്നവരുടെ എണ്ണം ഓരോ വര്‍ഷവും വര്‍ധിച്ചുവരികയാണ്. കുട്ടികളില്‍ പഠനത്തോടൊപ്പം ലക്ഷ്യ ബോധം കൂടി സൃഷ്‌ടി ക്കുംവിധമാണ് കേരളത്തിന്‍റെ വിദ്യാഭ്യാസ രീതിയെന്നും മന്ത്രി പറഞ്ഞു. അലയമണ്‍ ചണ്ണപ്പേട്ടയില്‍ മാര്‍ത്തോമാ ഹൈസ്കൂളില്‍ സംഘടിപ്പിച്ച വിന്‍സിയര്‍ മെറിറ്റ് അവാര്‍ഡ് ദാനവും അനുമോദനവും ഉദ്ഘാടനം ചെയ്തു പ്രസംഗിക്കുകയായിരുന്നു മന്ത്രി. പഞ്ചായത്ത് പ്രസിഡന്‍റ് എം. ജയശ്രീ പാഠ്യാനുബന്ധ പ്രവര്‍ത്തനങ്ങളുടെ ഉദ്ഘാടനം നിര്‍വഹിച്ചു. പിടിഎ പ്രസിഡന്‍റ് വൈ. ദേവദാസ് അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗങ്ങളായ ഇ.കെ. സുധീര്‍, എം. മനീഷ്, പഞ്ചായത്ത് സ്ഥിരം സമിതി അധ്യക്ഷന്‍മാരായ എം. മുരളി, മിനിദാനിയേല്‍, വാര്‍ഡ് അംഗം ബിനു സി.ചാക്കോ, സ്കൂള്‍ ലോക്കല്‍ മാനേജര്‍ ഫാ. സുനിത് മാത്യു, എച്ച്എം ജി.ലാലി, കെ.ഷീലാമണി, പി.ടി. ഷാജി, ശ്രീധരന്‍, ജെസികെ. റെയ്ച്ചല്‍, ബാബു തടത്തില്‍, ജിബിന്‍ തുടങ്ങിയവര്‍ പ്രസംഗിച്ചു. സ്കൂളില്‍ ഇക്കഴിഞ്ഞ പത്താം ക്ലാസ് പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ കുട്ടികളെ അടക്കം മുഴുവന്‍ വിദ്യാര്‍ഥികളേയും ചടങ്ങില്‍ അനുമോദിച്ചു.

താത്കാലിക നിയമനത്തെച്ചൊല്ലി തർക്കം : പുനലൂർ നഗരസഭ കൗൺസിൽ യോഗം പ്രതിപക്ഷം ബഹിഷ്കരിച്ചു

പുനലൂർ: താത്കാലിക നിയമനത്തെച്ചൊല്ലി തർക്കമുണ്ടായതി നെ തുടർന്ന് പുനലൂർ നഗരസഭ കൗൺസിൽ യോഗത്തിൽ നി ന്നും പ്രതിപക്ഷം ഇറങ്ങിപോ യി. നഗരസഭയിൽ ദിവസവേതനക്കാരായ ആറു കണ്ടിജന്‍റ് ജീവനക്കാര്‍ തങ്ങളെ പകരക്കാരുടെ പട്ടികയിൽ ഉൾപ്പെടുത്തുന്നതിന് വേണ്ടി ഹൈക്കോടതിയെ സമീപിച്ച് നേടിയ ഉത്തരവ് കൗൺസിൽ യോഗത്തിൽ അംഗീകരിക്കുന്നതിനായി അജണ്ട വച്ചിരുന്നു. എന്നാൽ ഇതിന്‍റെ മറവിൽ നഗരസഭയിലെ താത്കാലിക ഡ്രൈവറേയും വാച്ചറേയും കൂടി പകരക്കാരുടെ പട്ടികയിൽ ഉൾപ്പെടുത്തുന്നതിനായി ഭരണനേതൃത്വം അജണ്ട കൊണ്ടുവന്നതോടെയാണ് പ്രതിപക്ഷം പ്രതിഷേധവുമായി രംഗത്ത് വന്നത്. 2020 ജനുവരിയിൽ മറ്റ് കണ്ടിജന്‍റ് ജീവനക്കാരോടൊപ്പം ഇവരെയും ദിവസ വേതനത്തിൽ നിയമിക്കുന്നതിന് കൗൺസിൽ അംഗീകാരം നൽകിയിരുന്നതായും അതിനാൽ ഇവരെ കൂടി പകരക്കാരുടെ ലിസ്റ്റിൽ ഉൾപ്പെടുത്തണമെന്ന് ഭരണ നേതൃത്വം ആവശ്യപ്പെട്ടു. എന്നാൽ അവർ രണ്ടുപേരും കണ്ടിജന്‍റ് ജീവനക്കാരായിട്ടല്ല നിലവിൽ ജോലി ചെയ്യുന്നതെന്നും ഡ്രൈവറേയും വാച്ചറേയും നിയമിക്കുന്നതിന് എംപ്ലോയ്മെന്‍റ് വഴിയാണ് ഇന്‍റർവ്യൂ നടത്തി എടുക്കേണ്ടതെന്നും പ്രതിപക്ഷം അറിയിച്ചു. വർഷങ്ങളായി ഡ്രൈവർ എന്ന പേരിലും വാച്ചർ എന്ന പേരിലും ശമ്പളം എഴുതി വാങ്ങുന്ന രണ്ടുപേരെ നിയമം മറികടന്ന് പകരക്കാരുടെ പട്ടികയിൽ ഉൾപ്പെടുത്താൻ കഴിയില്ലെന്നും കോടതിയെ സമീപിച്ച് ഉത്തരവ് വാങ്ങി വരുമ്പോൾ ആ കാര്യത്തിൽ നടപടി എടുക്കാവുന്നതാണെന്നും പ്രതിപക്ഷ കൗൺസിൽ അംഗങ്ങൾ അറിയിച്ചു.എന്നാൽ ഇവർക്ക് നിയമനം നൽകണോ വേണ്ടയോ എന്നത് സർക്കാരിലേക്ക് കത്തെഴുതി ചോദിക്കാമെന്ന് ഭരണപക്ഷം അറിയിച്ചു. ഈ വിഷയത്തിൽ നഗരസഭാ സെക്രട്ടറിയുടെ അഭിപ്രായം എന്താണെന്ന് അറിയണമെന്ന് യുഡിഎഫ് അംഗങ്ങൾ കൗൺസിൽ യോഗത്തിൽ ചോദിച്ചു. ഈ വിഷയത്തിൽ സെക്രട്ടറി അഭിപ്രായം പറയാൻ അനുവദിക്കാതെ ഭരണപക്ഷ അംഗങ്ങൾ പ്രതിഷേധവുമായി രംഗത്തുവന്നു. സെക്രട്ടറിക്ക് പറയാനുള്ളത് എന്താണെന്നറിയാൻ തങ്ങൾക്ക് അവകാശം ഉണ്ടെന്നും അതിന് സംസാരിക്കാന്‍ അവരെ അനുവദിക്കണമെന്നും ആവശ്യപ്പെട്ടു പ്രതിപക്ഷ അംഗങ്ങൾ സെക്രട്ടറിയുടെ അടുത്തുചെന്ന് സംസാരിച്ചു. ഡ്രൈവറേയും വാച്ചറേയും പകരക്കാരുടെ പട്ടികയിൽ ഉൾപ്പെടുത്താൻ എടുക്കുന്ന തീരുമാനം നിയമവിരുദ്ധമാണെന്ന് സെക്രട്ടറി പ്രതിപക്ഷ അംഗങ്ങളെ അറിയിച്ചു. ഇതോടെ ഈ തീരുമാനത്തിൽ നിന്നും പിന്മാറണമെന്ന് യുഡിഎഫ് അംഗങ്ങൾ ആവശ്യപ്പെട്ടുവെങ്കിലും തങ്ങൾക്കുള്ള ഭൂരിപക്ഷം ഉപയോഗിച്ചുകൊണ്ട് പകരക്കാരുടെയും പട്ടികയിൽ ഉൾപ്പെടുത്തുന്ന വിവരം സർക്കാരിന്‍റെ അനുമതി തേടുകയാണെന്ന് ഭരണപക്ഷ അംഗങ്ങൾ അറിയിച്ചു. അതോടെ തീരുമാനത്തിൽ വിയോജിപ്പ് അറിയിച്ചുകൊണ്ട് പ്രതിപക്ഷ അംഗങ്ങൾ കൗൺസിൽ യോഗത്തിൽ നിന്നും വാക്കൗട്ട് നടത്തി പുറത്തിറങ്ങി. തങ്ങൾക്ക് ഭൂരിപക്ഷം ഉള്ളതുകൊണ്ട് പുനലൂർ പട്ടണത്തിലെ മുഴുവൻ ജനങ്ങളെയും ഇടതു പക്ഷം വെല്ലുവിളിക്കുകയാണെന്നും ഇതിനു മറുപടി നൽകാൻ പുനലൂരിലെ ജനങ്ങൾ തയാറെടുത്തിരിക്കുകയാണെന്നും യുഡിഎഫ് പാർലമെന്‍ററി പാർട്ടി ലീഡർ ജി.ജയപ്രകാശ് ,കൗൺസിലർമാരായ എൻ .സുന്ദരേശൻ, എസ്. പൊടിയൻപിള്ള, കെ .കനകമ്മ, ബീന സാമുവൽ ,എം .പി .റഷീദ് കുട്ടി, ഷെമി.എസ്.അസീസ്, ജ്യോതി സന്തോഷ്, നിർമല സത്യൻ, റംലത്ത് സഫീർ, ഷഫീല ഷാജഹാൻ എന്നിവർ അറിയിച്ചു.

ജില്ലാകോടതി സമുച്ചയം സമയബന്ധിതമായി പൂര്‍ത്തിയാക്കും: മന്ത്രി കെ.എന്‍.ബാലഗോപാല്‍

കൊല്ലം : കോടതി സമുച്ചയ നിര്‍മാണം സമയബന്ധിതമായി പൂര്‍ത്തിയാക്കാന്‍ ആകുമെന്ന് മന്ത്രി കെ. എന്‍. ബാലഗോപാല്‍. നിര്‍മാണ പ്രവര്‍ത്തനങ്ങള്‍ വിലയിരുത്തി പുരോഗതി വേഗത്തിലാക്കാന്‍ ബന്ധപ്പെട്ടവര്‍ക്ക് അദ്ദേഹം നിര്‍ദ്ദേശം നല്‍കി. അടിസ്ഥാന സൗകര്യങ്ങള്‍ മെച്ചപ്പെടുത്താനും സ്ഥല പരിമിതിയുടെ പ്രശ്‌നങ്ങള്‍ പരിഹരിക്കാനും പുതിയ കോടതി സമുച്ചയം സഹായകമാകും. 100 കോടിയിലധികംരൂപ ചെലവ് പ്രതീക്ഷിക്കുന്ന പദ്ധതി 2026 മാര്‍ച്ചിനുള്ളില്‍ പൂര്‍ത്തീകരിക്കുമെന്നാണ് പ്രതീക്ഷ. പുതുതായി വരുന്ന കോടതികളും സമുച്ചയത്തില്‍ പ്രവര്‍ത്തിക്കും. നാല് നിലകളിലായി ഉയരുന്ന കെട്ടിടത്തില്‍ 17 കോടതികളും 25 അനുബന്ധ ഓഫീസുകളും ഉണ്ടാകും. കോടതി ഹാള്‍, ചേംബര്‍ ഏരിയ, വെയിറ്റിങ് എരിയ, ഓഫീസ് ഹാള്‍ എന്നിവയാണ് നിര്‍മിക്കുന്നതെന്നും മന്ത്രി വ്യക്തമാക്കി. എം .മുകേഷ് എം എല്‍ എ, ഡെപ്യൂട്ടി മേയര്‍ എസ് .ജയന്‍, നഗരസഭ സ്ഥിരം സമിതി അധ്യക്ഷന്‍ എ. കെ .സവാദ്, എ ഡി എം ജി .നിര്‍മല്‍ കുമാര്‍, ബാര്‍ അസോസിയേഷന്‍ ഭാരവാഹികള്‍, പൊതുമരാമത്ത് വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

പുറ്റിംഗൽ ദുരന്ത കേസ്: കുറ്റപത്രം സംബന്ധിച്ച പ്രാഥമിക വാദം മൂന്നിന്

കൊല്ലം: പരവൂർ പുറ്റിങ്ങൽ വെടിക്കെട്ട് ദുരന്തക്കേസിൽ പ്രതികൾക്ക് എതിരേയുള്ള കുറ്റപത്രം സംബന്ധിച്ച പ്രാഥമിക വാദം കേൾക്കുന്നതിനായി കേസ് ജൂലൈ മൂന്നിലേക്കു മാറ്റി. കേസിൽ നിന്നു പൂർണമായോ ഭാഗികമായോ ഒഴിവാക്കണമെന്നു കാണിച്ചു പ്രതികൾ നൽകുന്ന അപേക്ഷയുടെ (ഡിസ്ചാർജ് പെറ്റീഷൻ) പകർപ്പ് സ്പെഷൽ പ്രോസിക്യൂട്ടർക്ക് നൽകാനും കോടതി നിർദേശിച്ചു. വെടിക്കെട്ട് അപകടത്തെക്കുറിച്ച് അന്വേഷിച്ചു ക്രൈംബ്രാഞ്ച് സംഘം തയാറാക്കിയ കുറ്റപത്രത്തിന്‍റെ അടിസ്‌ഥാനത്തിൽ കോടതി വിവിധ വകുപ്പുകൾ ചുമത്തുന്നതുമായി ബന്ധപ്പെട്ടാണു പ്രാഥമിക വാദം കേൾക്കുന്നത്. പുറ്റിംഗൽ കേസുമായി ബന്ധപ്പെട്ട പ്രത്യേക കോടതിയുടെ അധികച്ചുമതല വഹിക്കുന്ന മൂന്നാം അഡീഷനൽ സെഷൻസ് കോടതി ജഡ്‌ജി ആന്‍റണി മുൻപാകെയാണ് ഇന്നലെ കേസ് പരിഗണിച്ചത്. കേസിന്‍റെ വിചാരണയ്ക്കായി ആരംഭിച്ച പ്രത്യേക കോടതിയിൽ സ്‌ഥിരം ജഡ്‌ജിയെ നാളെ നിയമിച്ചേക്കുമെന്ന് സൂചനയുണ്ട്. വെടിക്കെട്ട് അപകടക്കേസിൽ 59 പ്രതികൾ ആണ് ഉണ്ടായിരുന്നത്. ഇവരിൽ 14 പേർ വിവിധ ഘട്ടങ്ങളിലായി മരണപ്പെട്ടു. ശേഷിക്കുന്ന 45 പ്രതികളിൽ പത്തനംതിട്ട അടൂർ ഏറത്ത് രാജ് ഭവനിൽ അനുരാജിനെ (അനു) പിടികിട്ടാപുള്ളിയായി പ്രഖ്യാപിച്ചിട്ടുണ്ട്. മറ്റു 44 പ്രതികൾക്കെതിരെയാണ് വിചാരണ നടപടികൾ തുടങ്ങാൻ പോകുന്നത്. 2010 ഏപ്രിൽ 10നു പുലർച്ചെ രണ്ടിനായിരുന്നു വെടിക്കെട്ട് അപകടം. 110 പേർ മരിക്കുകയും 656 പേർക്ക് പരുക്കേൽക്കുകയും ചെയ്തുവെന്നാണ് ഔദ്യോഗിക കണക്ക്. പ്രോസിക്യൂഷനു വേണ്ടി സ്പെഷൽ പബ്ലിക് പ്രോസിക്യൂട്ടർ കെ.പി.ജബ്ബാർ, അഡ്വ. അമ്പിളി ജബ്ബാർ എന്നിവർ കോടതിയിൽ ഹാജരായി.

വയനദിനാചരണം

അഞ്ചല്‍ : ഏരൂര്‍ ആർച്ചൽ ടി. കെ. ഷാഹുൽ ഹമീദ് ഗ്രന്ഥശാലയുടെ നേതൃത്വത്തിൽ വായന പക്ഷാചരണവും പി .എൻ.പണിക്കർ അനുസ്മരണ ദിനവും ആചരിച്ചു. പരിപാടികളുടെ ഭാഗമായി കുട്ടികളുടെ ക്വിസ് , ചിത്രരചന മത്സരങ്ങൾ എന്നിവ സംഘടിപ്പിച്ചു. ഗ്രന്ഥശാല പ്രസിഡന്‍റ് ടി .അജയൻ അധ്യക്ഷത വഹിച്ച ചടങ്ങില്‍ താലൂക്ക് ലൈബ്രറി കൗൺസിൽ സെക്രട്ടറി പ്രദീപ് കണ്ണങ്കോട് ചടങ്ങ് ഉദ്ഘാടനം ചെയ്തു. എഴുത്തുകാരന്‍ ഷാർലി ബെഞ്ചമിൻ രചിച്ച "ഉടുമ്പുകളുടെ ഉദ്യാനം"എന്ന കഥാസമാഹാരം ലൈബ്രറിക്ക് കൈമാറി. ബ്ലോക്ക് പഞ്ചായത്ത് പ്രസിഡന്‍റ് ഓമനമുരളി, സെക്രട്ടറി എസ്. ഉദയൻ, ഉണര്‍വ് സംഘം പ്രസിഡന്‍റ്് ആർ.പി. അജികുമാർ, താലൂക്ക് ലൈബ്രറി കൗൺസിൽ അംഗം ഡി. രാധാകൃഷ്ണൻ, എം.എസ് .ബീന എന്നിവര്‍ പ്രസംഗിച്ചു .

പ്രതിഭാസംഗമം നടത്തി

കൊട്ടാരക്കര: കരിക്കം വൈഎംസിഎ പ്രതിഭാ സംഗമവും മോട്ടിവേഷൻ ട്രെയിനിംഗും വിജയാരവം -2025 വൈഎംസിഎ അഖിലേന്ത്യ ട്രഷറർ റെജി ജോർജ് ഇടയാറൻമുള ഉദ്ഘാടനം ചെയ്തു. പ്രസിഡന്‍റ് കെ.ഒ.രാജുക്കുട്ടി അധ്യക്ഷത വഹിച്ചു.സബ് റീജിയൻ ചെയർമാൻ ഡോ.എബ്രഹാം മാത്യു മുഖ്യപ്രഭാഷണവും ജനറൽ കൺവീനർ ഷിബു.കെ.ജോർജ് അവാർഡ് ദാനവും നടത്തി. സെക്രട്ടറി എം.തോമസ്,പി.ജോൺ,പി.എം.ജി.കുരാക്കാരൻ,പി.വൈ.തോമസ്, പി.സി.ബാബുക്കുട്ടി, ടി.ജി.ലൂക്കോസ്,റെജി.പി.ഉമ്മൻ ഷാജി ജോൺ കോട്ടവിള,ലിഖിത മറിയം യോഹന്നാൻ എന്നിവർ പ്രസംഗിച്ചു.

കെഎസ്ആർടിസി ബസുകളുടെ തത്സമയ വിവരങ്ങൾ ‘ചലോ’ആപ്പിൽ ലഭ്യമാകും: മന്ത്രി ഗണേഷ്കുമാർ

കൊല്ലം: കെഎസ്ആർടിസി ബസുകളുടെ തത്സമയ യാത്രാവിവരങ്ങൾ ‘ചലോ' മൊബൈൽ ആപ്പിൽ ഇനി ലഭ്യമാകുമെന്ന് മന്ത്രി കെ.ബി.ഗണേഷ് കുമാർ. പത്തനാപുരം കെഎസ്ആർടിസി ഡിപ്പോയുടെ ഇ-ഓഫീസ് ഉദ്ഘാടനം നിർവഹിക്കുകയായിരുന്നു അദ്ദേഹം. സ്റ്റോപ്പിൽ നിൽക്കുന്ന യാത്രക്കാർക്ക് ബസിനെക്കുറിച്ചും ഒഴിവുള്ള സീറ്റുകളെക്കുറിച്ചും വിവരം ലഭിക്കും. ടിക്കറ്റ് എടുക്കാൻ ഉപയോഗിക്കുന്ന സ്മാർട് കാർഡുകളും മൊബൈൽ ആപ്പ് വഴി ചാർജ് ചെയ്യാനാകും. അച്ചടിച്ച 90,000 കാർഡുകളിൽ 82,000 കാർഡുകൾ വില്പന നടത്തി. അഞ്ചുലക്ഷം കാർഡുകൾകൂടി ഉടൻ സജ്ജമാക്കുമെന്നും മന്ത്രി അറിയിച്ചു. നിലവിൽ 26 കെഎസ്ആർടിസി ഡിപ്പോകൾ ഇ-ഓഫീസ് സംവിധാനത്തിലേക്ക് മാറി. റോഡിലേക്ക് മാലിന്യം വലിച്ചെറിയാതിരിക്കാൻ ബസുകളിൽ ഏർപ്പെടുത്തിയ ഡസ്റ്റ് ബിൻ സൗകര്യം സ്വകാര്യ ബസുകളിലും സജ്ജമാക്കും. ദീർഘദൂര യാത്രയ്ക്ക് കൂടുതൽ സൗകര്യങ്ങളോടുകൂടിയ ബസുകൾ ഉടൻ നിരത്തിലിറക്കുമെന്നും വൈഫൈ സംവിധാനം ഏർപ്പെടുത്തുമെന്നും മന്ത്രി പറഞ്ഞു. 2000 ഡസ്റ്റ് ബിന്നുകളുടെയും ബസ് സ്റ്റേഷനുകളിലേക്ക് ലഭിച്ച 600 ഡസ്റ്റ് ബിന്നുകളുടെയും സംസ്ഥാനതല വിതരണോദ്ഘാടനം, പത്തനാപുരം യൂണിറ്റിൽ പുതുതായി പണികഴിപ്പിച്ച ഗാരേജ് ഷെഡ്, ‘മില്ലറ്റ് മാതൃകാതോട്ടം' പദ്ധതിഎന്നിവയുടെ ഉദ്ഘാടനവും മന്ത്രി നിർവഹിച്ചു. പ്രാദേശിക വികസന ഫണ്ടിൽ നിന്നും 7,24,000 രൂപ വിനിയോഗിച്ചാണ് പത്തനാപുരം ഡിപ്പോ കംപ്യൂട്ടർവൽക്കരിച്ചത്. ചീഫ് ഓഫീസ് ഉൾപ്പെടെ മുഴുവൻ ഓഫീസുകളും ഇ-ഓഫീസ് സംവിധാനത്തിലേക്ക് മാറുകയാണ്. മുത്തുറ്റ് മിനി ഗ്രൂപ്പാണ് ഡസ്റ്റ്ബിന്നുകൾ സ്പോൺസർ ചെയ്തത്. കെഎസ്ആർടിസിയും ജഗൻസ് മില്ലറ്റ് ബാങ്കും സംയുക്തമായി മില്ലറ്റ്/ ചെറുധാന്യങ്ങളുടെ പ്രചരണാർഥം നടപ്പിലാക്കുന്ന പദ്ധതിയാണ് 'മില്ലറ്റ് മാതൃകാതോട്ടം'. പത്തനാപുരം പഞ്ചായത്ത് പ്രസിഡന്‍റ് എൻ. തുളസി അധ്യക്ഷനായി. കെഎസ്ആർടിസി ചെയർമാനും മാനേജിംഗ് ഡയറക്ടറുമായ പി.എസ്.പ്രമോജ് ശങ്കർ, ജില്ലാ പഞ്ചായത്ത് അംഗം സുനിതാ രാജേഷ്, പത്തനാപുരം പഞ്ചായത്ത് വൈസ് പ്രസിഡന്‍റ് നസീമ ഷാജഹാൻ, വികസനകാര്യ സ്റ്റാൻഡിംഗ് കമ്മിറ്റി ചെയർമാൻ എ.ബി. അൻസാർ, ക്ഷേമകാര്യ സ്റ്റാന്‍റിംഗ് കമ്മിറ്റി ചെയർമാൻ കെ.വൈ. സുനറ്റ്, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്‌സൺ ബൽക്കീസ് ബീഗം, ബ്ലോക്ക് പഞ്ചായത്ത് അംഗം ഷീജ ഷാനവാസ്, വാർഡ് മെമ്പർ സലൂജ ദിലീപ്, കെഎസ്ആർടിസി എക്‌സിക്യൂട്ടീവ് ഡയറക്‌ടർ പി.എം. ഷറഫ് മുഹമ്മദ്, കെ എസ്ആർടിസി ജീവനക്കാർ, യാത്രക്കാർ എന്നിവർ പങ്കെടുത്തു.

പഴകിയ 300 കിലോ കോഴിയിറച്ചി പിടികൂടി

കൊല്ലം: കടയ്ക്കലിൽ നിന്ന് 300 കിലോ പഴകിയ കോഴിയിറച്ചി പിടികൂടി. സുരക്ഷാ മാനദണ്ഡങ്ങൾ പാലിക്കാതെ ഓട്ടോറിക്ഷയിൽ വില്പനയ്ക്ക് എത്തിച്ച ഇറച്ചിയാണ് പിടികൂടിയത്. കോഴിയിറച്ചിയുമായെത്തിയ തിരുവനന്തപുരം തിരുവല്ലം സ്വദേശി കൃഷ്ണകുമാറിനെ കടയ്ക്കൽ പോലീസ് കസ്റ്റഡിയിലെടുത്തു. ഇന്നലെ രാവിലെ കുമ്മിളിലാണ് സംഭവം. തിരുവനന്തപുരത്തു നിന്നും ഓട്ടോറിക്ഷയിൽ കൊണ്ടുവന്ന 300 കിലോ കോഴിയിറച്ചി കുമ്മിളിൽ നാട്ടുകാരാണ് തടഞ്ഞുവച്ച് പോലീസിൽ വിവരമറിയിച്ചത്. ഓട്ടോറിക്ഷയ്ക്ക് സമീപം നടന്നുപോയവരാണ് ദുർഗന്ധം വമിക്കുന്നതെന്ന് മനസിലാക്കി പരിശോധന നടത്തിയത്. തുടർന്ന് പഴകിയ മാംസമാണെന്ന് തിരിച്ചറിയുകയും നാട്ടുകാർ കടയ്ക്കൽ പോലീസിൽ വിവരമറിയിക്കുകയും ചെയ്തു. പോലീസെത്തി ആരോഗ്യവകുപ്പിനെ വിളിച്ചുവരുത്തുകയുമായിരുന്നു. ആരോഗ്യവകുപ്പിന്‍റെഅന്വേഷണത്തിൽ കോഴി മാംസത്തിന് ദിവസങ്ങളോളം പഴക്കമുണ്ടെന്നും യാതൊരുവിധ സുരക്ഷ ാനടപടിയുള്ള സർട്ടിഫിക്കറ്റ് മറ്റ് രേഖകൾ ഒന്നുമില്ലാതെയാണ് മാംസം കടത്തിക്കൊണ്ടുവന്നതെന്നും വ്യക്തമായി. ഇറച്ചി വിവിധ പെട്ടികളിലായി അടുക്കി വച്ചിരിക്കുകയായിരുന്നു. കടയ്ക്കലിലേയും ചടയമംഗലത്തേയും പ്രമുഖ ഹോട്ടലുകളിലേക്കും കടകളിലേക്കും ആണ് കൊണ്ടുവന്നതെന്ന് ഓട്ടോറിക്ഷ ഡ്രൈവർ പറഞ്ഞു. പിടിച്ചെടുത്ത മാംസം മുഴുവനും പഞ്ചായത്തിന്‍റെ പരിധിയിൽ കുഴിച്ചിട്ടു. തിരുവനന്തപുരത്തുനിന്ന് ഇത്രയും ദൂരം ഒരു സുരക്ഷാ മാനദണ്ഡവും ഇല്ലാതെ കൊണ്ടുവന്നതിനാലാണ് ഇറച്ചി കേടായതെന്നാണ് ആരോഗ്യവകുപ്പിന്‍റെ വിശദീകരണം.

പായിക്കട റോഡിലെ പോസ്റ്റ് അപകടാവസ്ഥയിൽ

കൊല്ലം: ഏത് നിമിഷവും നിലംപതിക്കാവുന്ന രീതിയിൽ ബിഎസ്എൻഎൽ പോസ്റ്റ് വഴിമുടക്കിയായി നിൽക്കുന്നു. ദിനംപ്രതി ആയിരക്കണത്തിന് ആളുകൾ വരുന്ന മാർക്കറ്റ് റോഡായ പായ്ക്കട റോഡിലാണ് പോസ്റ്റ് നിൽക്കുന്നത്. ക്ലോക്ക് ടവറിന്‍റെ ഭാഗത്ത് നിന്നും സ്വകാര്യ ബസുകൾ സ്റ്റാൻഡിലേക്ക് കയറുന്ന വീതികുറഞ്ഞ റോഡാണിത്. പാർക്കിംഗ് ഏരിയ തീരെ ഇല്ലാത്തതും അപകട സാധ്യത വർധിപ്പിക്കുന്നു. പോസ്റ്റിനു സമീപത്ത് കൂടി യാത്ര ചെയ്യുന്നവർ ഭയപ്പാടിലാണ്. അപകടാവസ്ഥയിൽ നിൽക്കുന്ന പോസ്റ്റ് ഏതുനിമിഷവും നിലംപതിക്കാവുന്ന അവസ്ഥയിലാണ്. ഒഎഫ്സി സംവിധാനം വന്നതോടുകൂടി ഈ പോസ്റ്റുകളുടെ ആവശ്യമില്ലാതെയായി . എന്നിട്ടും അങ്ങോളമിങ്ങോളം ഈ പോസ്റ്റുകൾ എല്ലാം തന്നെ നോക്കുകുത്തികളായി നിൽക്കുകയാണ്. ഇത്തരത്തിൽ കിടന്ന ഒരു പോസ്റ്റിൽ നിന്നും കാസ്റ്റ് അയൺ പൊട്ടിച്ചെടുക്കുവാനായി രണ്ട് യുവാക്കൾ ചേർന്ന് കുണ്ടറയിൽ റെയിൽവേ ട്രാക്കിന് കുറുകെ രണ്ട് പ്രാവശ്യം പോസ്റ്റ്‌ കൊണ്ട് വെച്ചത് ട്രെയിൻ അട്ടിമറി ശ്രമം എന്ന നിലയിൽ വലിയ വാർത്തയായിരുന്നു. ഒരുവർഷമായി അപകടാവസ്ഥയിൽ നിൽക്കുന്ന പോസ്റ്റു മാറ്റി റോഡുകൾ കൂടുതൽ സൗകര്യപ്രദമാക്കാൻ ബന്ധപ്പെട്ടവർ വേണ്ടനടപടി സ്വീകരിക്കണമെന്ന ആവശ്യം ശക്തമായിട്ടുണ്ട്.

കഞ്ചാവ് കേസിലെ പ്രതികളെ വെറുതെവിട്ടു

കൊല്ലം: കഞ്ചാവ് കടത്തി കൊണ്ടുവന്ന് ചില്ലറ വില്പന നടത്താൻ ശ്രമിച്ചു എന്ന് ആരോപിച്ച് കൊല്ലം എക്സൈസ് എൻഫോഴ്‌സ്മെന്‍റ് ആന്‍റ് ആന്‍റി നാർകോട്ടിക്ക് സ്പെഷൽ സ്ക്വാഡ് അറസ്റ്റ് ചെയ്‌ത പെരിനാട് സ്വദേശിയായ സതീഷിനെയും ചാത്തിനാംകുളം സ്വദേശിയായ അഖിൽ രാജിനെയും ജില്ലാ സെക്കന്‍റ് അഡീഷണൽ ഡിസ്ട്രിക്‌ട് ആന്‍ഡ് സെഷൻസ് ജഡ്‌ജ്‌എസ്. ശ്രീരാജ് വെറുതെ വിട്ടു. പട്രോളിംഗ് ഡ്യൂട്ടി നടത്തുകയായിരുന്ന എസൈസ് സംഘം കൊല്ലം താലൂക്ക് സപ്ലൈകോ ഡിപ്പോയുടെ സമീപം ബൈക്കിൽ ഇരിക്കുകയായിരുന്ന പ്രതികളെ കണ്ട് സംശയം തോന്നുകയും തുടർന്ന് പരിശോധന നടത്തി ബാഗിൽ ഒളിപ്പിച്ച നിലയിൽ 1.200 കിലോഗ്രാം കഞ്ചാവ് കണ്ടെത്തു കയായിരുന്നു. പ്രതികൾ സഞ്ചരിച്ച ബൈക്കും കഞ്ചാവും ഉൾപ്പെടെയുള്ള തെളിവുകളും സാക്ഷി മൊഴികളും കോടതിയിൽ പ്രോസി ക്യുഷൻ ഹാജരാക്കിയെങ്കിലും പ്രതികൾ നിരപരാധികളാണെന്ന പ്രതിഭാഗത്തിന്‍റെ വാദവും മറ്റും കോടതി അംഗീകരിക്കുകയായിരുന്നു. പ്രതികൾക്ക് വേണ്ടി അഭിഭാഷകരായ ചവറ ഫ്രാൻസിസ് ജെ നെറ്റോ, സി.എസ്.മനോഹർ മുണ്ടയ്ക്കൽ, പ്രേംനാഥധാര, ബിജു സി. കാവനാട്, മോനിഷ എന്നിവർ കോടതിയിൽ ഹാജരായി.

സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു

കൊല്ലം: ഒ. മാധവൻ ഫൗണ്ടേഷന്‍റെ നേതൃത്വത്തിൽ സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു.പട്ടത്താനം സർവീസ് സഹകരണ ബാങ്ക് ഓഡിറ്റോറിയത്തിൽ നടന്ന ക്യാമ്പ് ജനറൽ സെക്രട്ടറി എം. മുകേഷ് എംഎൽഎ ഉദ്ഘാടനം ചെയ്തു. കെഎസ്എഫ്ഇ ചെയർമാൻ കെ .വരദരാജൻ അധ്യക്ഷത വഹിച്ചു. ഡോക്ടർമാരായ ഗീത ഡാർവിൻ, ശബരി എം നായർ, നിർമിതി തമ്പാൻ, ആതിര ് എന്നിവർ ക്യാമ്പ് നയിച്ചു . 118 പേർക്ക് സൗജന്യ ചികിത്സ നൽകി. ബാങ്ക് പ്രസിഡന്‍റ് എസ്. ആർ രാഹുൽ, ഒ.മാധവൻ ഫൗണ്ടേഷൻ വർക്കിംഗ് ചെയർമാൻ പി.കെ. സുധീർ, ജോ. സെക്രട്ടറി ശ്രീധർ ലാൽ,എക്സിക്യൂട്ടീവ് കമ്മിറ്റി അംഗം രാജ്കുമാർ, എം.മണികണ്ഠൻ, ആർ. വൈശാഖ്, ജി .സുമേഷ്, ഉദേഷ് ശർമ,ബാങ്ക് ഭരണസമിതി അംഗങ്ങൾ എന്നിവർ ക്യാമ്പിന് നേതൃത്വം നൽകി.

പ്രവാസി ക്ഷേമനിധിയിൽ അംഗമാകാൻ സൗജന്യ ഓൺലൈൻ സേവനം

ചാത്തന്നൂർ: പ്രവാസി ക്ഷേമനിധിയിൽ അംഗമാകാൻ സൗജ്യ ഓൺലൈൻ സേവനം ഇന്ന് ലഭ്യമാകും. ചാത്തന്നൂർ റീജണൽ സഹകരണ ബാങ്ക് ഹാളിൽ ഉച്ചകഴിഞ്ഞ് 2.30ന് ക്യാമ്പ് ആരംഭിക്കും. വിദേശത്ത് രണ്ട് വർഷത്തിലധികമായി ജോലി ചെയ്തുവരുന്ന 60 വയസിന് താഴെയുള്ളവർ, വിദേശത്തുനിന്നും മടങ്ങിയെത്തി നാട്ടിൽ താമസിക്കുന്നവർ, കേരളത്തിന് പുറത്ത് ഇന്ത്യയിലെ അന്യസംസ്ഥാനങ്ങളിൽ സ്ഥിരം ജോലി ചെയ്യുന്നവർഎന്നിവർക്ക് ക്ഷേമനിധിയിൽ അംഗമാകാം. നിലവിൽ 3500 രൂപയാണ് പ്രതിമാസ ക്ഷേമ പെൻഷനായി ലഭിച്ചുകൊണ്ടിരിക്കുന്നത്. പ്രവാസികളായ 60 ശതമാനം പേരും ക്ഷേമനിധി അംഗങ്ങളാകാത്ത സാഹചര്യത്തിലാണ് കേരള പ്രവാസി ഫെഡറേഷൻ- ക്യാമ്പ് സംഘടിപ്പിക്കുന്നത്. ക്യാമ്പിന് ശേഷം വൈകുന്നേരം അഞ്ചിനു മ ണ്ഡലം കൺവൻഷൻ ജി. എസ്. ജയലാൽ എംഎൽഎ ഉദ്ഘാടനം ചെയ്യും . മെമ്പർഷിപ്പ് കാർഡ് വിതരണം ഉദ്ഘാടനം കേരള ബാങ്ക് ഡയറക്ടർ ബോർഡ് അംഗം അഡ്വ. ജി. എസ്. ലാലു നിർവഹിക്കും.

സായാഹ്ന സദസ് നടത്തി

ചവറ : ബിജെപി തെക്കുംഭാഗം പഞ്ചായത്ത് സമിതി സായാഹ്ന സദസ് നടത്തി. മോദി സർക്കാരിന്‍റെ 11 വർഷത്തെ ഭരണ നേട്ടങ്ങൾ, കേരള വികസനത്തിൽ മോദി സർക്കാരിന്‍റെ പങ്ക്, കേരളം വീണ പതിറ്റാണ്ട്‌ എന്നീ വിഷയങ്ങൾ ജനങ്ങളിൽ എത്തിക്കുക എന്ന ലക്ഷ്യത്തോടെയാണ് സായാഹ്ന സദസ് നടത്തിയത്. വെസ്റ്റ് ജില്ലാ ജനറൽ സെക്രട്ടറി പ്രകാശ് പാപ്പാടി ഉദ്ഘാടനം ചെയ്തു. പഞ്ചായത്ത് സമിതി പ്രസിഡന്‍റ് കൃഷ്ണപ്രിയ അധ്യക്ഷയായി‌ . ജില്ലാ ഉപാധ്യക്ഷൻ വെറ്റമുക്ക് സോമൻ,മണ്ഡലം പ്രസിഡന്‍റ്് ബിന്ദു ബലരാമൻ, സന്തോഷ് കുമാർ, ശശി താമരാൽ, പഞ്ചായത്ത് ജനപ്രതിനിധി ഉണ്ണികൃഷ്ണപിള്ള,കൃഷ്ണകുമാർ, ശിവകുമാർ എന്നിവർ പ്രസംഗിച്ചു. ബിജെപി തേവലക്കര പഞ്ചായത്ത് കമ്മറ്റിയുടെ നേതൃത്വത്തിലും സായാഹ്ന സദസ് നടത്തി. ബിജെപി കൊല്ലം വെസ്റ്റ് ജില്ലാ സെക്രട്ടറി എസ് . വേണുഗോപാൽ ഉദ്ഘാടനം ചെയ്തു. മണ്ഡലം ജനറൽ സെക്രട്ടറി കെ. സന്തോഷ് കുമാർ അധ്യക്ഷനായി .സെക്രട്ടറി തെക്കടം ഹരീഷ്, മണ്ഡലം പ്രസിഡന്‍റ് ബിന്ദു ബലരാമൻ, ഡോ.വിജയൻ, ഹരികൃഷ്ണൻ, എബി, അജയകുമാർ, തേവലക്കര രാജീവൻ, മധുസുദനൻ പിള്ള, ഹരികുമാർ എന്നിവർ പ്രസംഗിച്ചു .

ദേശീയ സ്റ്റാറ്റിസ്റ്റിക്‌സ് ദിനം ആചരിച്ചു

കൊല്ലം: സാമ്പത്തിക സ്ഥിതിവിവരക്കണക്ക് വകുപ്പിന്‍റെ ആഭിമുഖ്യത്തില്‍ ദേശീയ സ്റ്റാറ്റിസ്റ്റിക്സ് ദിനാഘോഷം ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ സംഘടിപ്പിച്ചു. ഇന്ത്യന്‍ സ്റ്റാറ്റിസ്റ്റിക്സിന്‍റെ പിതാവായ പ്രശാന്തചന്ദ്ര മഹലനോബിസിന്‍റെ ജന്മദിനമാണ് സ്റ്റാറ്റിസ്റ്റിക്സ് ദിനമായി ആചരിക്കുന്നത്. ശ്രീനാരായണഗുരു ഓപ്പണ്‍ യൂണിവേഴ്‌സിറ്റി വൈസ് ചാന്‍സിലര്‍ ഡോ. വി.പി.ജഗതിരാജ് ഉദ്ഘാടനം ചെയ്തു. ഡപ്യൂട്ടി ഡയറക്ടര്‍ എസ്.കിരണ്‍ അധ്യക്ഷനായി. സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍മാരായ എം.മോനിഷ, പി.വി. ഏബ്രഹാം, എം.എല്‍ .നഹാസ്, യു.ചിന്തു, എച്ച്.സബീന എന്നിവര്‍ സ്റ്റാറ്റിസ്റ്റിക്കല്‍ മേഖലയിലെ വിവിധ വിഷയങ്ങളില്‍ സെമിനാര്‍ നയിച്ചു. ജില്ലാ സാമ്പത്തിക സ്ഥിതി വിവരക്കണക്ക് വകുപ്പിന്‍റെ നേതൃത്വത്തില്‍ വെളിയം ഗ്രാമപഞ്ചായത്തില്‍ മണ്ണ് സംരക്ഷണ വകുപ്പ് നടപ്പാക്കിയ 'മാലയില്‍ പരുത്തിയറ' നീര്‍ത്തട സംരക്ഷണ പദ്ധതിയുടെ വിലയിരുത്തല്‍ പഠന റിപ്പോര്‍ട്ട് ഡോ. വി.പി.ജഗതിരാജും സീനിയര്‍ സ്റ്റാറ്റിസ്റ്റിക്കല്‍ ഓഫീസര്‍ ഡോ. ആര്‍.സുഭാഷും ചേര്‍ന്ന് പ്രകാശനം ചെയ്തു. ചടങ്ങിൽ ജില്ലാ, താലൂക്ക് ഓഫീസുകളിലെ ജീവനക്കാരുടെ മക്കളില്‍ എസ്എസ്എല്‍സി, പ്ലസ് ടു പരീക്ഷയില്‍ ഉന്നതവിജയം നേടിയവരെ അനുമോദിച്ചു. ഓണ്‍ലൈന്‍ ക്വിസ് മത്സരവിജയികളായ ജീവനക്കാര്‍ക്ക് സമ്മാനദാനവും നടത്തി. റിസര്‍ച്ച് ഓഫീസര്‍ കെ .സുരേഷ്, സീനിയര്‍ സ്റ്റാറ്റിസ്റ്റിക്കല്‍ ഓഫീസര്‍ ഡോ .ആര്‍. സുഭാഷ്, സ്റ്റാറ്റിസ്റ്റിക്കല്‍ അസിസ്റ്റന്‍റ് ടി.ഫ്‌ളോറന്‍സ് തുടങ്ങിയവര്‍ പങ്കെടുത്തു.

നിരവധി ക്രിമിനല്‍ കേസുകളിലെ പ്രതി കരുതല്‍ തടങ്കലില്‍

കൊല്ലം: നിരവധി ക്രിമിനല്‍ കേസുകളില്‍ പ്രതിയായ യുവാവിനെ കാപ്പാ നിയമപ്രകാരം കരുതല്‍ തടങ്കലിലാക്കി. മീനാട്, താഴം നോര്‍ത്ത്, ഇത്തിക്കര വയലില്‍ പുത്തന്‍ വീട്ടില്‍, സുധിന്‍ (23) ആണ് കരുതല്‍ തടങ്കലിലായത്. ഇയാള്‍ 2021 മുതലുള്ള കാലയളവില്‍ ചടയമംഗലം, ചാത്തന്നൂര്‍, കൊല്ലം വെസ്റ്റ് പോലീസ് സ്റ്റേഷനില്‍ രജിസ്റ്റര്‍ ചെയ്യപ്പെട്ട ആറ് ക്രിമിനല്‍ കേസുകളില്‍ ഉള്‍പ്പെട്ടിട്ടുള്ളയാളാണ്. കൊലപാതകം, വ്യക്തികള്‍ക്ക് നേരെയുള്ള കൈയേറ്റം, കഠിന ദേഹോപദ്രവം ഏല്‍പ്പിക്കല്‍, നരഹത്യാശ്രമം, സ്ത്രീകള്‍ക്കെതിരായ അതിക്രമം, കവര്‍ച്ച എന്നിങ്ങനെയുള്ള ഗുരുതര കുറ്റകൃത്യങ്ങളാണ് ഇയാള്‍ക്കെതിരെ ചുമത്തിയിട്ടുള്ളത്. ജില്ലാ പോലീസ് മേധാവി കിരണ്‍ നാരായണൻ സമര്‍പ്പിച്ച റിപ്പോര്‍ട്ടിന്‍റെ അടിസ്ഥാനത്തില്‍ ജില്ലാകളക്‌ടര്‍ എൻ.ദേവിദാസാണ് കരുതല്‍ തടങ്കലിന് ഉത്തരവിട്ടത്. ഇയാളെ കരുതല്‍ തടങ്കലില്‍ പാര്‍പ്പിക്കുന്നതിനായി പൂജപ്പുര സെന്‍ട്രല്‍ ജയിലിലേക്ക് അയച്ചു.

കവിയരങ്ങും സാംസ്കാരിക സമ്മേളനവും നടത്തി

കൊല്ലം : ഫ്രണ്ട്സ് തരംഗം ചവറ കലാ സാംസ്കാരിക സംഘടനയുടെ ആഭിമുഖ്യത്തിൽ കവിയരങ്ങും സാംസ്കാരിക സമ്മേളനവും പുസ്തക പ്രകാശനവും ആദരിക്കലും കടപ്പാക്കട കാമ്പിശേരി കരുണാകരൻ മെമ്മോറിയൽ ലൈബ്രറി ഹാളിൽ നടന്നു. കവി മണി കെ. ചെന്താപ്പുരിന്‍റെ അധ്യക്ഷതയിൽ കൂടിയ കവിയരങ്ങ് പെരുമ്പുഴ ഗോപാലകൃഷ്ണപിള്ള ഉദ്ഘാടനം ചെയ്തു. തുടർന്ന് ഫ്രണ്ട്സ് തരംഗം പ്രസിഡന്‍റ് ആസാദ് ആശീർവാദിന്‍റെഅധ്യക്ഷതയിൽ കൂടിയ സാംസ്കാരിക സമ്മേളനം കാഥികൻ പ്രഫ. വസന്തകുമാർ സാംബശിവൻ ഉദ്ഘാടനം ചെയ്തു. സാബ് മുകുന്ദപുരം, ചവറ തുളസി, എസ്.ആർ.കെ പിള്ള, അഡ്വ വിജയമോഹൻ, ഡോ. ആശ്രാമം ഉണ്ണികൃഷ്ണൻ, ജോസ് ടൈറ്റസ്, മോഹൻ നിഖിലം, റോസ് ആനന്ദ്, പന്മന തുളസി, ശിവദാസൻ പെരുമ്പുഴ തുടങ്ങിയവർ പ്രസംഗിച്ചു. കവയിത്രി റസീന പത്തനാപുരത്തിന്‍റെ "സഹയാത്രിക" എന്ന കവിതാ സമാഹാരം കഥാകൃത്തും സംവിധായികയുമായ ഷജീല സുബൈദയ്ക്കു നൽകി വസന്തകുമാർ സാംബശിവനും, എൻ.എസ്.വിജയനും ചേർന്ന് പ്രകാശനം ചെയ്തു.

ഏകദിന ശില്പശാല നടത്തി

ചവറ : ശ്രീശങ്കരാചാര്യ സംസ്കൃത സർവകലാശാല പന്മന കാമ്പസിലെ മലയാളവിഭാഗം ഏകദിന ശില്പശാല നടത്തി. കേരള സർവകലാശാല മലയാള വിഭാഗം മേധാവി ഡോ.വി.ശിവദാസ് ഉദ്ഘാടനം ചെയ്തു. മലയാള കവിതയിലെ ഭാവുകത്വ പരിണാമം എന്ന വിഷയത്തെ ആസ്പദമാക്കി ഡോ. എസ് .നൗഷാദ് പ്രഭാഷണം നടത്തി. കവിതയും ഞാനും എന്ന വിഷയത്തെ ആസ്പദമാക്കി ഷീബ.എം.ജോൺ, പ്രിൻസി, രാജികൃഷ്ണ ,തീർഥ, ജോൺസൺ ശൂരനാട് ,ഷാജി ഡെന്നീസ്, അനിൽ ബാബു, വി.വി. ജോസ്,ഡോ. കെ.ബി.ശെൽവമണി, ഡോ.എ.എസ്.പ്രതീഷ് എന്നിവർ പ്രസംഗിച്ചു.

അഖിലകേരള വിശ്വകർമ മഹാസഭ ശാഖാവാർഷികം

ചാത്തന്നൂർ: അഖില കേരളവിശ്വകർമ ചാത്തന്നൂർ ശാഖയുടെ വാർഷിക സമ്മേളനം ശാഖാ പ്രസിഡന്‍റ് രഞ്ജിത്ത് ജനാർദനന്‍റെ അധ്യക്ഷതയിൽ സംസ്ഥാന ട്രഷറർ കെ. മുരളീധരൻ ഉദ്ഘാടനം ചെയ്തു. തദ്ദേശ സ്വയംഭരണ സ്ഥാപന തെരഞ്ഞെടുപ്പിൽ വിശ്വകർമജർക്ക് അർഹമായ പ്രാതിനിധ്യം ലഭിക്കണമെന്നും വിശ്വകർമജരെ സർക്കാർ ഒ ഇ സി ലിസ്റ്റിൽ ഉൾപ്പെടുത്തി വിദ്യാഭ്യാസ ആനുകൂല്യങ്ങൾ നൽകണമെന്നും അദ്ദേഹം ആവശ്യപ്പെട്ടു. യൂണിയൻ സെക്രട്ടറി അനന്തൻ കല്ലുവാതുക്കൽ മുഖ്യപ്രഭാഷണം നടത്തി. എസ് എസ് എൽ സി, പ്ലസ് ടു പരീക്ഷയിൽ ഉന്നത വിജയം നേടിയവർക്ക് കാഷ് അവാർഡും ഒന്നാം ക്ലാസ് മുതൽ പ്ലസ് ടു തലം വരെയുള്ള കുട്ടികൾക്ക് പഠനോപകരണവും ചാത്തന്നൂർ യൂണിയൻ വൈസ് പ്രസിഡന്‍റ് വി. എ. മോഹൻലാൽ നിർവഹിച്ചു. ചടങ്ങിൽ വിശിഷ്ട വ്യക്തികളെ ആദരിച്ചു. യൂണിയൻ നേതാക്കളായ ബിനുകുമാർ ചിറക്കര , വിനോദ് പാണിയിൽ എന്നിവർ പ്രസംഗിച്ചു. ശാഖ ഭാരവാഹികളായി രഞ്ജിത് ജനാർദ്ദനൻ-പ്രസിഡന്‍റ്, കെ.ജയപ്രകാശ് - സെക്രട്ടറി, ഡി.രാമചന്ദ്രൻ- ട്രഷറർ , ശിവസുതൻ -വൈസ്പ്രസിഡന്‍റ്, ഗിരീഷ് -ജോയിന്‍റ് സെക്രട്ടറി , ദീപ്തി- യൂണിയൻപ്രതിനിധി എന്നിവരെ തെരഞ്ഞെടുത്തു.

പുനഃപ്രതിഷ്ഠാ വാർഷികം ഇന്ന്

പരവൂർ : പൂതക്കുളം ഈഴംവിള ഭദ്രകാളീ ദേവീ ക്ഷേത്രത്തിൽ അഷ്ടബന്ധ നവീകരണവും പുനഃ പ്രതിഷ്ഠാ വാർഷികവും ഇന്ന് നടക്കും.ക്ഷേത്രം തന്ത്രി ചെങ്ങന്നൂർ താഴ്മൺ മഠം കണ്ഠരര് രാജീവരര് തന്ത്രിയുടെ മുഖ്യകാർമികത്വത്തിലും ക്ഷേത്രം മേൽശാന്തി എം.കെ .സോമൻ ശാന്തിയുടെ കാർമികത്വത്തിലുമാണ് പൂജാചടങ്ങുകൾ നടക്കുന്നത്. രാവിലെ ആറിന്് ഗണപതി ഹോമം, 7.16നും 7.46നകം അഷ്ടബന്ധ കലശം, തുടർന്ന് കലശാഭിഷേകം, കലശപൂജ, ഉച്ചയ്ക്ക് 12.30ന് അന്നദാനം.വൈകുന്നേരം ആറിന് ശീവേലി എഴുന്നെള്ളത്ത്,6.45 ദീപാരാധന,7.30ന് അത്താഴപൂജ, മംഗളപൂജ.

കെഎസ്ആർടിസി ബസും സ്കൂട്ടറും കൂട്ടിയിടിച്ച് ദമ്പതികൾ മരിച്ചു

കൊല്ലം: ദേശീയ പാതയിൽ കല്ലമ്പലത്തിനു സമീപം വെയിലൂരിൽ കെഎസ്ആർടിസി ബസും സ്കൂട്ടറും കൂട്ടിയിടിച്ച് ദമ്പതികൾ മരിച്ചു. പരവൂർ കൂനയിൽ സുലോചന നിവാസിൽ ശ്യാം (58), ഭാര്യ ഷീന (51) എന്നിവരാണ് മരിച്ചത്. ഇന്നലെ ഉച്ചകഴിഞ്ഞ് 4.30നായിരുന്നു അപകടം. ഗുരുതരമായി പരിക്കേറ്റ ഇരുവരെയും കല്ലമ്പലത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ശ്യാം മരിച്ചു . പിന്നീട് തിരുവനന്തപുരത്തെ സ്വകാര്യ ആശുപത്രിയിൽ എത്തിച്ച ശേഷമാണ് ഷീന മരിച്ചത്. കൊല്ലം ഭാഗത്തേയ്ക്ക് പോകുകയായിരുന്നു ബസ്. ദമ്പതികൾ പാരിപ്പള്ളിയിൽ നിന്ന് ആറ്റിങ്ങൽ ഭാഗത്തേക്കാണ് പോയത്. കല്ലമ്പലം പോലീസ് കേസെടുത്ത് തുടർ നടപടികൾ സ്വീകരിച്ചു.

ഒളിവില്‍ കഴിഞ്ഞിരുന്ന പ്രതി 24 വര്‍ഷങ്ങള്‍ക്കുശേഷം പിടിയില്‍

വലിയതുറ: ഒളിവില്‍ കഴിഞ്ഞിരുന്ന പിടിച്ചുപറി കേസിലെ പ്രതിയെ 24 വര്‍ഷങ്ങള്‍ക്കുശേഷം വലിയതുറ പോലീസ് അറസ്റ്റ് ചെയ്തു. ബീമാപളളി സ്വദേശിയായ മുഹമ്മദ് ഷാഫിയെയാണ് ബീമാപള്ളി ആസാദ് നഗറില്‍നിന്നും അറസ്റ്റ് ചെയ്തത്. പിടിച്ചുപറി കേസുമായി ബന്ധപ്പെട്ട് 2001-ല്‍ വലിയതുറ പോലീസ് രജിസ്റ്റര്‍ ചെയ്ത കേസിലെ പ്രതിയായിരുന്നു ഇയാള്‍. വിചാരണ തുടങ്ങുന്നതറിഞ്ഞു ഷാഫി നാട്ടില്‍ നിന്നും മുങ്ങുകയായിരുന്നു. കഴിഞ്ഞദിവസം ബീമാപളളി ആസാദ് നഗറില്‍ എത്തിയതായി പോലീസിനു ലഭിച്ച രഹസ്യ വിവരത്തെത്തുടര്‍ന്നാണ് ഷാഫിയെ പിടികൂടിയത്.

ലഹരിവിരുദ്ധ ദിനാചരണം

കുളത്തൂപ്പുഴ : ചോഴിയക്കോട് അരിപ്പയിൽപട്ടിക വർഗ വികസന വകുപ്പിന്‍റെ നിയന്ത്രണത്തിൽ കുളത്തുപ്പൂഴയിൽ പ്രവർത്തിക്കുന്ന ഗവ. മോഡൽ റസിഡൻഷൽ സ്കൂൾ അങ്കണത്തിൽ നടന്ന അന്താരാഷ്‌ട്ര ലഹരിവിരുദ്ധ ദിനാചരണത്തിന്‍റെ ഉദ്ഘാടനം സ്കൂൾ സീനിയർ സൂപ്രണ്ട് വി.സുരേഷ് കുമാർ നിർവഹിച്ചു. ലഹരിവിരുദ്ധ പ്രതിജ്ഞ ഹയർ സെക്കൻഡറി വിദ്യാർഥി ശ്യാംചന്ദ്രൻ ചൊല്ലി കൊടുത്തു. കൂടാതെ അധ്യാപകൻ എഫ്.എൽ. ബിനിൽകുമാറിന്‍റെ നേതൃത്വത്തിൽ മുരുകൻ കാട്ടാക്കടയുടെ കണ്ണട കവിതയുടെ ദൃശ്യാവിഷ്ക്കാരം, സ്കിറ്റ്, മൈം എന്നിവ വിദ്യാർഥികൾ അവതരിപ്പിച്ചു. കായിക അധ്യാപകൻ സ്റ്റാലിന്‍റെ നേതൃത്വത്തിൽ ലഹരിക്കെതിരേ സുംബ നൃത്തവും സംസ്ഥാന സർക്കാറിന്‍റെ ലഹരിവിരുദ്ധ പരിപാടികൾ തത്സമയ സംപ്രേക്ഷണം, 'അസംബ്ലി' ഹ്രസ്വ ചിത്രം എന്നിവയുടെ പ്രദർശനവും നടന്നു. സ്കൂൾ മാനേജർ എസ്. ഷാഹിർ, സീനിയർ അസിസ്റ്റന്‍റ് എസ്.ബിനുകുമാർ ,അധ്യാപകരായ എച്ച്.ഹുസൈൻ, സ്മിത ബി ദാസ്, വി.ബി.നിത്യ, സന്തോഷ്, പി.ശ്രീജിത്ത്, വിദ്യാർഥികളായ കാർത്തികേയൻ, അശ്വിൻ, അക്ഷയ് ആനന്ദ്, ലക്ഷ്മണൻ എന്നിവർ പ്രസംഗിച്ചു . സ്കൂളിന്‍റെ നേതൃത്വത്തിൽ ലഹരിക്കെതിരെ ഹ്രസ്വ ചിത്രം നിർമിച്ചു. വിദ്യാലയത്തിലെ അധ്യാപകരും വിദ്യാർഥികളും അഭിനയിച്ച 'അസംബ്ലി ' എന്ന ഹ്രസ്വ ചിത്രം ആർ.ജെ. സജിനാണ് സംവിധാനം ചെയ്തത്. കേവലം രണ്ട് മണിക്കൂർ സമയമെടുത്താണ് ഹ്രസ്വ ചിത്രം നിർമിച്ചത്.

പ്രതിഭാ സംഗമം സംഘടിപ്പിച്ചു

കുളത്തൂപ്പുഴ : കോൺഗ്രസ് മണ്ഡലം പ്രസിഡന്‍റ് ആയിരുന്ന ജി ഉണ്ണികൃഷ്ണന്‍റെ നാലാമത് ചരമവാർഷികവും പ്രതിഭാ സംഗമവും സംഘടിപ്പിച്ചു. ഏഴംകുളം, പതിനൊന്നാം മൈൽ കോൺഗ്രസ് വാർഡ് കമ്മിറ്റികളുടെ ആഭിമുഖ്യത്തിൽ നടന്ന പരിപാടി ഡിസിസി ജനറൽ സെക്രട്ടറി അഡ്വ. എസ്. ഇ. സഞ്ജയ്‌ ഖാൻ ഉദ്ഘാടനം ചെയ്തു. ഉന്നത വിജയം നേടിയ വിദ്യാർഥികൾ, ആശാവർക്കർമാർ, ഹരികർമ സേന അംഗങ്ങൾ എന്നിവരെ ചടങ്ങിൽ ആദരിച്ചു. ഏഴംകുളം വാർഡ് പ്രസിഡന്‍റ് മാത്യൂസ് സ്കറിയ അധ്യക്ഷത വഹിച്ചു. ഡി സിസി എക്സിക്യൂട്ടീവ് അംഗം പി. ബി. വേണുഗോപാൽ, കോൺഗ്രസ് മണ്ഡലം പ്രസിഡന്‍റ് കെ. കെ. കുര്യൻ, പഞ്ചായത്ത് അംഗം സി.സുഭീലാഷ് കുമാർ, ബ്ലോക്ക് കമ്മിറ്റി ഭാരവാഹികളായ പ്ലാവിള ഷെരീഫ്, ഷണ്മുഖൻ പിള്ള, മുഹമ്മദ് ഫൈസൽ, സൈനംബീവി ഷിബു വർഗീസ്, എസ്. ശ്രീലത, സജിൻ നാസർ, ഐസക് പാപ്പച്ചൻ, ജോയ് മാക്കുളത്ത് തുടങ്ങിയവർ പ്രസംഗിച്ചു.

അന്തർസംസ്ഥാന പാതയിൽ അപകടങ്ങൾ പതിവാകുന്നു

കുളത്തൂപ്പുഴ :തിരുവനന്തപുരം - തെങ്കാശി അന്തർ സംസ്ഥാന പാതയിൽ അപകടങ്ങൾ പതിവാകുന്നു. അപകടങ്ങൾ തുടർക്കഥയാകുമ്പോഴും പരിഹാരം കാണാത്ത മലയോര ഹൈവേ ഉദ്യോഗസ്ഥരുടെ അനാസ്ഥക്കിടെ കഴിഞ്ഞ ദിവസവും അപകടം ഉണ്ടായി. മൈലമൂട് ക്ഷേത്രത്തിനു സമീപം കാർ നിയന്ത്രണം വിട്ട് സ്കൂട്ടറിൽ ഇടിച്ചായിരുന്നു അപകടം. ഈ ഭാഗത്ത് സ്വകാര്യ ബസ് റോഡ് സൈഡിൽ തിരിക്കുമ്പോൾ സ്കൂട്ടറിൽ വരികയായിരുന്ന പോണ്ടിച്ചേരി സ്വദേശിയും മൈലമൂട് ഫാം ജീവനക്കാരനുമായ ഡയാൻ സിംഗ് വാഹനം നിർത്തി. ഇതിനിടയിൽ അമിത വേഗതയിൽതിരുവനന്തപുരത്തുനിന്ന് വരികയായിരുന്ന കാർ സ്കൂട്ടറിലിടിക്കുകയായിരുന്നു. ഇടിയുടെ ആഘാതത്തിൽ സ്കൂട്ടർ യാത്രക്കാരൻ റോഡിൽ തെറിച്ചു വീണു . കൈയ്ക്കും വാരിയെല്ലിനും പരിക്കേറ്റ ഡയാൻ സിംഗിനെ നാട്ടുകാർ ചേർന്ന് കടയ്ക്കൽ താലൂക്ക് ആശുപത്രി എത്തിച്ച് പ്രാഥമിക ശുശ്രൂഷ നൽകി തിരുവനന്തപുരം മെഡിക്കൽ കോളജ് ആശുപത്രിയിലേക്ക് മാറ്റുകയായിരുന്നു.

കുണ്ടറ പള്ളിമുക്ക് റോഡിൽ വെള്ളക്കെട്ട് ; കാർ അപകടത്തിൽപ്പെട്ടു

കുണ്ടറ : പള്ളിമുക്ക് റോഡിലെ വെള്ളക്കെട്ട് കാർ അപകടത്തിനിടയാക്കി.ക ുണ്ടറയിലെ പള്ളിമുക്ക് ഗുരുമന്ദിരം ജംഗ്ഷന് സമീപം ശനിയാഴ്ച രാത്രി ആയിരുന്നു അപകടം ഉണ്ടായത്. കുണ്ടറ ഭാഗത്തു നിന്നും കൊട്ടാരക്കരക്ക് പോകുകയായിരുന്ന കാറി െ ന്‍റ മുന്നിൽ പോയ ലോറിയുടെ വേഗത മൂലം റോഡിൽ കെട്ടിനിന്ന വെള്ളം തെറിച്ച് കാറി െന്‍റ ഗ്ലാസിൽ വീണ് നിയന്ത്രണം വിട്ടതാണ് അപകട കാരണമായത്. കാർ ഇലക്‌ട്രിക് പോസ്റ്റിലും തുടർന്ന് മതിലിലും ഇടിച്ചാണ് നിന്നത്. കാറിൽ ഉണ്ടായിരുന്നവർ അത്ഭുതകരമായി രക്ഷപ്പെട്ടു. ദേശീയപാതയിൽ പള്ളിമുക്ക് നെടുംമ്പായിക്കുളം തുടങ്ങിയ ഭാഗങ്ങളിൽ വെള്ളക്കെട്ട് രൂക്ഷമായത് നിത്യവും അപകടങ്ങൾ ഉണ്ടാക്കുകയാണ്. നെടുമ്പായികുളത്തെ വെള്ളക്കെട്ടിനെ കുറിച്ച് കഴിഞ്ഞയാഴ്ച ദീപിക റിപ്പോർട്ട് ചെയ്തിരുന്നു.

വീട് മാറിക്കയറി ഗുണ്ടാ ആക്രമണം; പോലീസ് കേസെടുത്തു

വെള്ളറട : വീട് മാറിക്കയറി ഗുണ്ടാ ആക്രമണം നടത്തി വീടിന്‍റെ ജനലും, കതകും ചവിട്ടി തകര്‍ത്തു 10 അംഗ സംഘത്തിനെതിരെ പോലീസ് കേസെടുത്തു. എള്ളുവിളയില്‍ പ്രവീണിന്‍റെ വീടാണെന്നു കരുതി എള്ളുവിള പ്ലാങ്കാല പുത്തന്‍വീട്ടില്‍ സലിന്‍ കുമാറി(54)ന്‍റെ വീട്ടിലാണു കഴിഞ്ഞ ദിവസം രാത്രി ഒന്പതരയോടെ പത്തംഗ സംഘത്തിന്‍റെ ആക്രണം. ആക്രമണത്തില്‍ വീടിന്‍റെ ജനല്‍, കതക് തുടങ്ങി 25,000 രൂപയിലധികം നഷ്ടം സംഭവിച്ചിട്ടുണ്ട്. വെള്ളറട സര്‍ക്കിള്‍ ഇന്‍സ്‌പെക്ടര്‍ പ്രസാദിന്‍റെ നേതൃത്വത്തിലുള്ള പോലീസ് സംഘം സംഭവസ്ഥലം സന്ദര്‍ശിച്ചു കേസെടുത്തു. ഗുണ്ടകളായ 10 അംഗ സംഘത്തെക്കുറിച്ച് ഊര്‍ജ്ജിത അന്വേഷണം നടത്തി വരികയാണെന്നും എത്രയും വേഗം പ്രതികള്‍ വലയിലാകുമെന്നും സര്‍ക്കിള്‍ ഇന്‍സ്‌പെക്ടര്‍ പ്രസാദ് പറഞ്ഞു.

പനച്ചോട്ടുകടവ് അപകട മരണങ്ങളുടെ കേന്ദ്രമായി മാറുന്നു

പേയാട് : സുരക്ഷാ മുൻകരുതലൊരുക്കാൻ അധികൃതർ വൈകുന്നതോടെ കുണ്ടമൺഭാഗം പനച്ചോട്ടുകടവ് അപകടമരണങ്ങളുടെ കേന്ദ്രമായി മാറുന്നു. കഴിഞ്ഞ ദിവസം ഒട്ടോ ഡ്രൈവർ മുങ്ങി മരിച്ചത് ഈ കടവിലാണ്. വിളവൂർക്കൽ പഞ്ചായത്തിൽ മൂലത്തോപ്പിലാണ് പനച്ചോട്ടുകടവ്. നിരവധിപേർ കുളിക്കാനെത്തുന്നുണ്ടെങ്കിലും കൽപ്പടവുകളുള്ള കുളിക്കടവില്ല. കരമനയാറിന്‍റെ തീരത്തെ കടവിൽ വെള്ളമുയരുന്നതും താഴുന്നതും എപ്പോഴാണെന്നു നാട്ടുകാർക്കുപോലും നിശ്ചയമില്ല. ഈ സാഹചര്യത്തിലാണിവിടെ അപകടങ്ങളുണ്ടാകുന്നതെന്ന് അവർ പറയുന്നു. .അടിയൊഴുക്കും ചുഴികളും പാറയിടുക്കുകളും നിറഞ്ഞ പുഴയിൽ പലയിടവും ആഴമേറിയ കയങ്ങളാണ്. ഇവരിൽ ഭൂരിഭാഗവും യുവാക്കളും കൗമാരക്കാരുമാണ്. മണൽവാരൽ മൂലമുണ്ടായ കയങ്ങൾ, അടിയൊഴുക്കു കാരണം രൂപപ്പെടുന്ന ചുഴികൾ, അടിത്തട്ടിലെ ചെളി നിക്ഷേപങ്ങൾ, പാറക്കൂട്ടങ്ങൾ എന്നിവയാണ് അപകടത്തിനിടയാക്കുന്നത്. നീന്തൽ അറിയാവുന്നവർപോലും ഇത്തരം കയങ്ങളിൽപ്പെടുമ്പോൾ വെള്ളത്തിൽനിന്നു കയറാനാകാതെ കുടുങ്ങും. കാൽവഴുതിയുള്ള വീഴ്ചകളിൽ പാറക്കൂട്ടങ്ങളിൽ തലയിടിച്ച് ബോധരഹിതരാകും. ഇതും അപകടതീവ്രത വർധിപ്പിക്കുന്നു. വിളപ്പിൽ, വിളവൂർക്കൽ പഞ്ചായത്തുകളിൽ കരമനയാറിന്റെ മിക്ക പ്രദേശവും അപകടകരമാണ്. അപകടമുണ്ടാക്കുന്ന മിക്ക കടവുകൾക്കു സമീപത്തും ആൾത്താമസം കുറവാണ്. സ്വകാര്യതയ്ക്കുവേണ്ടി മുതിർന്നവരുടെ കണ്ണുവെട്ടിച്ചും കുട്ടികൾ പല കടവുകളിലും എത്തുന്നുണ്ട്. ആറിലേക്ക് ഇറങ്ങാൻ കഴിയുന്നിടത്തൊക്കെ ഇക്കൂട്ടർ എത്തിപ്പറ്റുന്നതിനാൽ അപകടം തടയാനും കഴിയുന്നില്ല. വിളപ്പിൽ പഞ്ചായത്തിലെ പേയാട് അരുവിപ്പുറം കടവ്, കാവടിക്കടവ് എന്നിവിടങ്ങളിൽ മാത്രം 16 പേർ മരിച്ചിട്ടുണ്ട്. അരുവിപ്പുറം കടവിൽ അപകടമുന്നറിയിപ്പ് ബോർഡ് സ്ഥാപിച്ചതുമാത്രമാണ് നടപടി. വിളവൂർക്കൽ പഞ്ചായത്തിലെ പനച്ചോട്ടുകടവിൽ എട്ടു ജീവനുകളാണ് അസ്തമിച്ചത്. പാപ്പനംകോട് പാറയിൽക്കടവ്, വട്ടിയൂർക്കാവിനു സമീപം മേലേക്കടവ്, ആയിരവില്ലിക്ഷേത്രത്തിനു സമീപം ആറാട്ടുകടവ്, കുലശേഖരം ശങ്കരനാരായണ ക്ഷേത്രത്തിനു സമീപമുള്ള കടവ്, തമലത്തിനു സമീപം ചുള്ളമുക്ക് തെറ്റിക്കുഴി, കരമന കാട്ടാൻവിള, തെറ്റിക്കുഴി, ആറാട്ടുകടവ്, ബലിക്കടവ്, അലക്കുകടവ് എന്നിങ്ങനെ അപകടമേഖലകളുടെ എണ്ണം നീളും. അപകടമൊഴിവാക്കാൻ പലവഴികൾസ്ഥിരം പകടമേഖലകളിൽ മുന്നറിയിപ്പ് ബോർഡുകൾ സ്ഥാപിക്കുക, പ്രദേശവാസികളുടെ സഹായത്തോടെ ജാഗ്രതാ സമിതി രൂപവത്കരിക്കുക എന്നിവയാണ് പരിഹാരമായി നിർദേശിക്കപ്പെടുന്നത്. അപകടകരമായ രീതിയിൽ അപരിചിതരും കൗമാരക്കാരും ആറിലേക്കിറങ്ങുന്നതു തടയാൻ ഇതിലൂടെ കഴിയുമെന്ന് ചൂണ്ടികാട്ടപ്പെടുന്നു. സ്‌കൂൾ, പ്ലസ്ടു വിദ്യാർഥികൾക്ക് അപകടബോധവത്കരണ ക്യാമ്പ് സംഘടിപ്പിക്കുകയാണ് മറ്റൊരു മാർഗം. കുളങ്ങളിലും മറ്റും നീന്തി പരിചയമുള്ളവർക്കുപോലും ആറ്റിലെ ഒഴുക്കിൽ നീന്താൻ കഴിയില്ല. ചെളിയിൽ താഴ്ന്നുപോയാൽ തിരികെ ഉയർന്നുവരാൻ കഴിയില്ല. ഇത്തരം സാഹചര്യങ്ങളിൽ പരിചയമുള്ളവർക്കു മാത്രമേ നീന്തിക്കയറാൻ കഴിയുകയുള്ളൂ. ആറ്റിൽ ഇറങ്ങണമെന്ന് നിർബന്ധമുള്ളവർ ലൈഫ് ജാക്കറ്റ് പോലുള്ള സുരക്ഷാസജ്ജീകരണങ്ങൾ ഉപയോഗിക്കുകയാണ് അപകടമൊഴിവാക്കാനുള്ള മറ്റൊരു മാർഗമെന്ന് നാട്ടുകാർ പറയുന്നു.

എംഡിഎംഎയും കഞ്ചാവുമായി രണ്ട് യുവാക്കൾ റിമാൻഡിൽ

ഓയൂർ: വിദ്യാർഥികൾക്ക് മയക്ക് മരുന്ന് വില്പന നടത്തി വന്നിരുന്ന രണ്ട് യുവാക്കൾ പോലീസിന്‍റെ വലയിലായി. വെളിയം മുട്ടക്കുഴി ചരുവിള വീട്ടിൽ അഭിജിത് ലാൽ (22) , വെളിയം പടിഞ്ഞാറ്റിൻകര ശ്രീഹരിയിൽ ഗോപുകൃഷ്ണൻ ( 21) എന്നിവരെയാണ്അറസ്റ്റ് ചെയ്തത്. ഇവരുടെ പക്കൽ നിന്നും ഒരു ഗ്രാം എംഡിഎംഎയും അഞ്ച് ഗ്രാം കഞ്ചാവും പിടിച്ചെടുത്തു. ശനിയാഴ്ച വൈകുന്നേരം ലഹരിവസ്തുക്കൾ വില്പന നടത്തുന്നതിനായി വെളിയം മുട്ടക്കുഴി ജംഗ്ഷന് സമീപം കാത്ത് നിൽക്കുമ്പോഴാണ് ഇരുവരും പിടിയിലാകുന്നത്. വെളിയം മേഖലയിൽ വ്യാപകമായി മയക്ക്മരുന്ന് കച്ചവടം നടക്കുന്നതായി രഹസ്യവിവരം ലഭിച്ച പോലീസ് കഴിഞ്ഞ കുറെ ദിവസങ്ങളായി പ്രദേശത്ത് നിരീക്ഷണം നടത്തിവരികയായിരുന്നു. പ്രതികളുടെ വാഹവും , ദേഹപരിശോധനയും നടത്തിയാണ് ലഹരിവസ്തുക്കൾ കണ്ടെടുത്തത്. കസ്റ്റഡിയിലെടുത്ത പ്രതികളെ പൂയപ്പള്ളി പോലീസിന് കൈമാറി. കൊല്ലം റൂറൽ ഡാൻസാഫ് എസ്ഐജ്യോതിഷ് ചിറവൂർ, സിപിഒമാരായ കിരൺ, സജീവ്, ദിലീപ്, വിവിൻ എന്നിവരടങ്ങുന്ന പോലീസ് സംഘമാണ് ഇരുവരെയും അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

ജോലി വാഗ്ദാനം ചെയ്ത് 36 ലക്ഷം തട്ടിയെടുത്ത യുവാവ് അറസ്റ്റിൽ

കൊല്ലം: ജോലി വാഗ്ദാനം ചെയ്ത് കൊല്ലം സ്വദേശിയിൽ നിന്നും ലക്ഷങ്ങൾ തട്ടിയ സംഘത്തിൽ ഉൾപ്പെട്ട യുവാവ് കൊല്ലം സിറ്റി സൈബർ പോലീസിന്‍റെ പിടിയിലായി. പാലക്കാട്, പട്ടാമ്പി, വെളുത്തേടത്ത് തൊടി ഹൗസിൽ മുഹമ്മദ് ഫായിസ് (25) ആണ് പിടിയിലായത്. കൊല്ലം സ്വദേശിയുടെ വാട്‌സാപ്പ് അക്കൗണ്ടിലേക്ക് പാർട്ട് ടൈം ജോലി വാഗ്ദാനം ചെയ്ത് സന്ദേശം അയച്ച് ടെലിഗ്രാം ഗ്രൂപ്പിൽ അംഗമാക്കി 36 ലക്ഷം രൂപയാണ് മുഹമ്മദ് ഫായിസ് തട്ടിയെടുത്തത്. മികച്ച വരുമാനം നേടാമെന്നുള്ള സന്ദേശം അയച്ച് വിശ്വസിപ്പിച്ച് ഫോണിക്‌സ് മിൽ എന്ന ടെലിഗ്രാം ഗ്രൂപ്പിൽ യുവാവിനെ അംഗമാക്കുകയായിരുന്നു. തുടർന്ന് കെട്ടിടങ്ങൾക്ക് സ്റ്റാർവാല്യു കൂട്ടി നൽകുന്ന ഓൺലൈൻ പാർട്ട് ടൈം ജോലി ആണെന്നും ഇതിലൂടെ കൂടുതൽ ലാഭമുണ്ടാക്കാമെന്നും പറഞ്ഞു വിവിധ ടാസ്‌ക്കുകൾ പൂർത്തിയാക്കണമെന്നു വിശ്വസിപ്പിച്ച് ടാസ്‌ക്കുകൾക്ക് എന്നപേരിൽ പണം നിക്ഷേപിക്കാൻ പ്രേരിപ്പിച്ചു. ഓരോ ടാസ്‌ക്കുകൾ പൂർത്തിയാക്കുമ്പോഴും നിക്ഷേപിച്ചതിനേക്കൾ അധികം ലാഭം കിട്ടിയതായ് കാണിച്ച് കൂടുതൽ നിക്ഷേപം നടത്താൻ പ്രേരിപ്പിച്ചു. തട്ടിപ്പ് സംഘത്തിന്‍റെ വാഗ്ദാനം വിശ്വസിച്ച യുവാവ് പല തവണകളായി 36 ലക്ഷത്തിലധികം രൂപയാണ് നിക്ഷേപിച്ചത്. എന്നാൽ പിന്നീട് നിക്ഷേപിച്ച തുകയോ ലാഭവിഹിതമോ പിൻവലിക്കാൻ കഴിയാതെ വന്നതോടെ തട്ടിപ്പാണെന്ന് മനസിലാക്കി കൊല്ലം സിറ്റി സൈബർ പോലീസിനെ സമീപിക്കുകയായിരുന്നു. യുവാവിന്‍റെ പരാതിയെ തുടർന്ന് പോലീസ് സംഘം നടത്തിയ അന്വേഷണത്തിൽ യുവാവിൽ നിന്നും തട്ടിയെടുത്ത പണത്തിന്‍റെ ഒരു പങ്ക് മുഹമ്മദ് ഫായിസിന്‍റെ അക്കൗണ്ടിലും എത്തിയതായി പോലീസ് കണ്ടെത്തി. പിന്നീട് നടത്തിയ അന്വേഷണത്തിൽ ഇത്തരത്തിൽ എത്തിയ പണം പ്രതി ബാങ്കിൽ നിന്നും പിൻവലിച്ച് തട്ടിപ്പ് സംഘത്തിലെ മറ്റ് പ്രതികൾക്ക് കൈമാറിയതായും കണ്ടെത്തി. തുടർന്നായിരുന്നു അറസ്റ്റ്. സംഘത്തിൽ ഉൾപ്പെട്ട മറ്റ് പ്രതികൾക്കായുള്ള അന്വേഷണം പോലീസ് നടത്തി വരികയാണ്. കൊല്ലം സിറ്റി പോലീസ് കമ്മീഷണർ കിരൺ നാരായണന്‍റെ നിർദ്ദേശപ്രകാരം കൊല്ലം സിറ്റി ഡി സിആർബി അസി.പോലീസ് കമ്മീഷണർ നസീറിന്‍റെ നേതൃത്വത്തിൽ കൊല്ലം സിറ്റി സൈബർ പോലീസ് സ്റ്റേഷൻ ഇൻസ്‌പെക്ടർ അബ്‌ദുൾ മനാഫ്, എസ്ഐ മാരായ ഗോപകുമാർ, നന്ദകുമാർ, നിയാസ്, സിപിഒമാരായ ജോസ് ജോൺസൺ, അബ്ദുൾ ഹബീബ് എന്നിവരടങ്ങിയ സംഘമാണ് പ്രതിയെ പിടികൂടുന്നത്.

ലഹരിക്കെതിരേ കൊട്ടാരക്കര ബസ്‌ സ്റ്റാൻഡിൽ ബോധപൂർണിമ നടത്തി

കൊട്ടാരക്കര: എപിജെ അബ്‌ദുൾ‍ കലാം സാങ്കേതിക സര്‍വകലാശാലയുടെ കൊല്ലം, പത്തനംതിട്ട മേഖലയിലെ എൻഎസ്എസി െന്‍റ നേതൃത്വത്തില്‍ ബോധപൂർണിമ എന്ന പേരില്‍ കൊട്ടാരക്കര കെഎസ്‌ആര്‍ടിസി ബസ്‌ സ്റ്റാൻഡിൽ ലഹരിവിരുദ്ധ ദിനാചരണം നടന്നു. മുനിസിപ്പല്‍ ചെയര്‍മാന്‍ അഡ്വ. ഉണ്ണികൃഷ്ണ മേനോന്‍ ഉദ്ഘാടനം നിര്‍വഹിച്ചു. റീജണല്‍ കോര്‍ഡിനേറ്റര്‍ പ്രഫ. എച്ച്‌.ഷെറോസ്‌ അധ്യക്ഷത വഹിച്ചു. കൊല്ലം,പത്തനംതിട്ട ജില്ലകളിലെ വിവിധ എൻജിനിയറിംഗ്‌ കോളജുകളില്‍ നിന്നായി ഇരുന്നൂറോളം വിദ്യാർഥികൾ പങ്കെടുത്തു. കൊട്ടാരക്കര എന്‍ജിനിയറിംഗ്‌ കോളജ്‌ പ്രിന്‍സിപ്പല്‍ ഡോ. മനോജ്‌ റേ ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. യുകെഎഫ്‌ കോളജ്‌ അവതരിപ്പിച്ച ഫ്ലാഷ്‌ മോബ്‌, പെരുമണ്‍ കോളജിന്‍റെ സോളോ ഡാന്‍സ്‌, പോസ്റ്റര്‍ പ്രദര്‍ശനം, സിഗ്നേച്ചര്‍ കളക്ഷന്‍ കാമ്പയിൻ, ലൈഫ്‌ ഈസ്‌ ബ്യുട്ടിഫുൾ സന്ദേശ പ്രചാരണം, ലഹരിവിരുദ്ധ പ്ലക്കാര്‍ഡുകളും പോസ്റ്ററുകളുമായി ബോധവത്കരണ റാലി തുടങ്ങിയ പരിപാടികള്‍ നടന്നു. എൻഎസ്‌എസ്‌ കൊല്ലം ജില്ലാ പ്രോഗ്രാം ഓഫീസര്‍ പ്രഫ. എസ്. രതീഷ്‌, പത്തനംതിട്ട ജില്ലാ പ്രോഗ്രാം ഓഫീസര്‍ പ്രഫ. ശ്രീദീപ, പ്രഫ. സുകന്യ, എസ്‌. അന്‍സിയ, പ്രഫ. രാഹുല്‍, പ്രഫ. ശ്രീലക്ഷ്മി എന്നിവർക്ക് പുറമെ വിവിധ കോളജുകളില്‍ നിന്നുള്ള എന്‍എസ്‌എസ്‌ പ്രോഗ്രാം ഓഫീസര്‍മാരും വോളണ്ടിയര്‍ സെക്രട്ടറിമാരും ഏകോപനത്തില്‍ പങ്കാളികളായി. സൈക്കോളജിസ്റ്റും കൗൺസിലറുമായ കെ. സി. പ്രവീണ്‍ ബോധവത്കരണ പ്രഭാഷണം നടത്തി. എക്സൈസ്‌ ഇൻസ്‌പെക്ടർ ജിഞ്ചു ദാസ്‌, സോഷ്യല്‍ വര്‍ക്കര്‍ പത്മജന്‍ എന്നിവര്‍ പ്രസംഗിച്ചു.

എംഎസ്എൻ കോളജിൽ ലഹരിവിരുദ്ധ ദിനാചരണം സംഘടിപ്പിച്ചു

ചവറ: ലഹരിവിരുദ്ധ ദിനത്തോടനുബന്ധിച്ച് ചവറ എം എസ് എൻ കോളജിലെ ഗാന്ധിയൻ സ്റ്റഡീസി െ ന്‍റയും, എൻ എസ് എസ് യൂണിറ്റിന്‍റെയും സംയുക്താഭിമുഖ്യത്തിൽ വിപുലമായ ബോധവൽക്കരണ പരിപാടികൾ സംഘടിപ്പിച്ചു. പരിപാടിയിൽ വിദ്യാർഥികളും അധ്യാപകരും പങ്കെടുത്തു.ലഹരിയുടെ ദൂഷ്യഫലങ്ങളെക്കുറിച്ചും സാമൂഹിക പ്രത്യാഘാതങ്ങളെക്കുറിച്ചും വിദ്യാർഥികളിൽ അവബോധം വളർത്തുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. കോളജ് പ്രിൻസിപ്പൽ ഡോ. ആർ.മധു ഉദ്ഘാടനം ചെയ്തു. തുടർന്ന് നടന്ന സെമിനാറിൽ അധ്യാപകരായ പ്രഫ. അനന്ത കൃഷ്ണൻ, പ്രഫ.അരുൺ അരവിന്ദ്, പ്രഫ. പി. പ്രിയ, പ്രഫ. ഗംഗാ ബാബു, പ്രഫ. ജിഷാ ശശികുമാർ, പ്രഫ. സുധാ രാജീവ്,പ്രഫ. ടിക്കു സ്റ്റീഫൻ, പ്രഫ. സുരേഷ് ബാബു എന്നിവർ പ്രസംഗിച്ചു. പരിപാടിയുടെ ഭാഗമായി വിദ്യാർഥികൾക്കായി ലഹരി വിരുദ്ധ വിഷയത്തെ ആസ്പദമാക്കി സ്കിറ്റും ലഹരിവിരുദ്ധ കവിതാലാപനവും ഉണ്ടായി. വിദ്യാർഥികൾ ലഹരിക്കെതിരെ പ്രതിജ്ഞയെടുത്തു.

അഞ്ചലില്‍ എംഡിഎംഎയുമായി യുവാവ് അറസ്റ്റില്‍

അഞ്ചല്‍ : എംഡിഎംഎയുമായി 25 കാരനെ അഞ്ചല്‍ പോലീസ് പിടികൂടി. അടൂര്‍ മേലോട്ടു സ്വദേശിയും ഏരൂര്‍ ആലഞ്ചേരിയില്‍ വാടകയ്ക്ക് താമസിച്ചുവന്ന നന്ദുകൃഷ്ണനാണ് പിടിയിലായത്. ഇന്നലെ പുലര്‍ച്ചെ അഞ്ചല്‍ പുനലൂര്‍ പാതയില്‍ മാവിളയില്‍ വച്ചാണ് നന്ദു കൃഷ്ണനെ പോലീസ് പിടികൂടുന്നത്. പോലീസിനെ കണ്ടു കാറില്‍ ഇയാള്‍ രക്ഷപെടാന്‍ ശ്രമിച്ചുവെങ്കിലും അഞ്ചല്‍ പോലീസ് പിൻതുടർന്ന് പിടികൂടുകയായിരുന്നു. കാറും പോലീസ് കസ്റ്റഡിയില്‍ എടുത്തിട്ടുണ്ട്. ഇയാള്‍ ആവശ്യക്കാര്‍ക്ക് ചില്ലറയായി മയക്കുമരുന്നു എത്തിക്കുന്നയാളാണെന്ന് പോലീസ് പറഞ്ഞു. അറസ്റ്റ് രേഖപ്പെടുത്തിയ പ്രതിയെ വൈദ്യ പരിശോധനനടത്തി പുനലൂര്‍ കോടതിയില്‍ ഹാജരാക്കി റിമാൻഡ് ചെയ്തു. അടിപിടി കേസുകള്‍ ഉള്‍പ്പെടെ നിരവധി കേസുകളില്‍ഇയാൾ പ്രതിയാണെന്ന് പോലീസ് പറഞ്ഞു.

ഇലക്‌ട്രിക് വീൽചെയർ നൽകി

ചവറ : പൊന്മന ഓലംതുരുത്ത് സ്വദേശിനി രഞ്ജുവിന് ഇലക്‌ട്രിക് വീൽചെയർ നൽകി പൊതുമേഖലാ വ്യവസായ സ്ഥാപനമായ ചവറ കെഎംഎംഎൽ. കസ്റ്റമൈസ്ഡ് ഇലക്‌ട്രിക് വീൽചെയർ വീട്ടിലെത്തി സുജിത് വിജയൻപിള്ള എം എൽഎയാണ് കൈമാറിയത്. നേരത്തെ 2002-ൽ കെഎംഎംഎൽ കൈ കൊണ്ട് പ്രവർത്തിപ്പിക്കുന്ന വീൽചെയർ രഞ്ജുവിന് നൽകിയിരുന്നു. കാലപ്പഴക്കത്താൽ ആ വീൽചെയർ നശിച്ചതിനെ തുടർന്നാണ് പുതിയ വീൽചെയർ നൽകി സഹായിക്കുന്നതിനായി കുടുംബം കെഎം എംഎല്ലിനെ സമീപിച്ചത്. വീൽചെയർ ലഭിച്ചതോടെ രഞ്ജുവും കുടുംബവും കെഎംഎംഎല്ലിന് നന്ദി അറിയിച്ചു. പണ്ട് സ്കൂളിലേക്ക് അമ്മ എടുത്തുകൊണ്ടുപോയതൊഴിച്ചാൽ വീടിനകത്ത് തന്നെ കഴിയേണ്ടി വന്ന അവസ്ഥയിലായിരുന്നു രഞ്ജു. ഇത് തിരിച്ചറിഞ്ഞ കെഎംഎംഎൽ സഹായവുമായി എത്തുകയായിരുന്നു. പൊന്മന പ്രദേശം ഖനനത്തിനായി ഏറ്റെടുത്തപ്പോൾ ഓലം തുരുത്തിലേക്ക് മാറി താമസിച്ച്‌ വരുന്ന പരമ്പരാഗത മത്സ്യതൊഴിലാളി കുടുംബമാണ് രഞ്ജുവിന്‍റേത്. കെഎംഎംഎൽ മാനേജിംഗ് ഡയറക്ടർ പി.പ്രദീപ്കുമാർ, സി എസ്‌ ആർ കമ്മിറ്റി കൺവീനറും എച്ച് ഒ യു എച്ച് ആറുമായ എം.യു .വിജയകുമാർ, ചീഫ് ഫിനാൻഷ്യൽ ഓഫീസറും സിഎസ്‌ആർ കമ്മിറ്റി അംഗവുമായ വി.അനിൽകുമാർ, ഉദ്യോഗസ്ഥരായ ബി. ഹരീഷ്, ജൈസൺ തോമസ്, എം. ടോണി, പി ആർ ഒ പി.കെ. ഷബീർ, യൂണിയൻ നേതാക്കൾ എന്നിവർ ചടങ്ങിൽ പങ്കെടുത്തു.

‘എന്‍റെ ഭൂമി' ഡിജിറ്റല്‍ ലാന്‍ഡ് സര്‍വേ : കേരള മാതൃകയെ നേരിട്ടറിയാൻ ഐഎഎസ് സംഘം ജില്ലയിൽ

കൊല്ലം: ‘എന്‍റെ ഭൂമി' ഡിജിറ്റല്‍ ലാന്‍ഡ് സര്‍വേ വിജയകരമായി നടപ്പാക്കുന്ന കേരള മാതൃകയെ പറ്റി നേരിട്ടറിയാൻ വിവിധ സംസ്ഥാനങ്ങളിലെ ഐഎഎസ് പ്രതിനിധികള്‍ ഉള്‍പ്പെടെയുള്ള ഉന്നതതലസംഘം ജില്ലയിൽ സന്ദർശനം നടത്തി. തിരുവനന്തപുരത്ത് സംഘടിപ്പിച്ച ദേശീയ കോണ്‍ക്ലേവിന്‍റെ ഭാഗമായിട്ടായിരുന്നു സന്ദര്‍ശനം. പ്രതിനിധി സംഘം ഡിജിറ്റല്‍ ലാന്‍ഡ് സര്‍വേ പൂര്‍ത്തീകരിച്ച മീനാട് സ്മാര്‍ട്ട് വില്ലേജ് സന്ദര്‍ശിച്ചു. ചാത്തന്നൂര്‍ പഞ്ചായത്തിന്‍റെ പിന്തുണയോടെ 1,000 കുടുംബശ്രീ പ്രവര്‍ത്തകരെ നിയോഗിച്ച് പഞ്ചായത്തിലെ ഓരോ വീടും സന്ദര്‍ശിച്ച് വിവരങ്ങള്‍ ശേഖരിക്കുകയും, സ്ഥലപരിശോധനയും നടത്തി. 97 ശതമാനം റെക്കോര്‍ഡുകളുടെ കൃത്യതയും സംഘം ഉറപ്പാക്കി. പഴയ റെക്കോര്‍ഡുകളുടെ ഓണ്‍ലൈന്‍ ഡാറ്റാബേസും നിര്‍മിച്ചു. കളക്്‌ടറേറ്റിൽ എത്തിയ സംഘത്തെ സ്വീകരിച്ച ജില്ലാ കളക്‌ടർ‍ എന്‍ .ദേവിദാസ്, പദ്ധതി പ്രവര്‍ത്തങ്ങളും ജില്ലയിലെ ഡിജിറ്റല്‍ ലാന്‍ഡ് സര്‍വേയുടെ പുരോഗതിയെ പറ്റിയും വിശദീകരിച്ചു. ജില്ലയില്‍ ഡിജിറ്റല്‍ സര്‍വെയുടെ ഒന്നാം ഘട്ടത്തില്‍ ഉള്‍പ്പെടുത്തിയ 12 വില്ലേജുകളുടെയും ഫീല്‍ഡ് ജോലികള്‍ പൂര്‍ത്തിയാക്കി സര്‍വേ അതിരടയാളംപ്രസിദ്ധീകരിച്ചിട്ടുണ്ട്. മങ്ങാട് വില്ലേജിന്‍റെ ലഭ്യമായ പരാതികള്‍ കൂടി പരിഹരിച്ച് സര്‍വേ റിക്കാര്‍ഡുകള്‍ അന്തിമമാക്കി റവന്യൂ ഭരണത്തിന് കൈമാറി. രണ്ടാം ഘട്ടത്തില്‍ ഉള്‍പ്പെടുത്തിയ 18 വില്ലേജുകളിലും സര്‍വേ ആരംഭിച്ചു. അറയ്ക്കല്‍, പനയം, ഇരവിപുരം, തേവലക്കര, മൈനാഗപ്പള്ളി, കരുനാഗപ്പള്ളി, മീനാട്, തൃക്കരുവ, പള്ളിമണ്‍ എന്നീ ഒമ്പത് വില്ലേജുകളുടെ ഫീല്‍ഡ് ജോലികള്‍ പൂര്‍ത്തിയാക്കി പ്രസിദ്ധീകരിച്ചു. മൂന്നാം ഘട്ടത്തില്‍ പൂയപ്പള്ളി, ചിറക്കര, ആദിനാട്, എഴുകോണ്‍, തൃക്കോവില്‍വട്ടം വില്ലേജുകളില്‍ സര്‍വേ തുടങ്ങിയതായി അറിയിച്ചിട്ടുണ്ട്. സംഘം ആദിനാട് വില്ലേജ് ഡിജിറ്റല്‍ ക്യാമ്പ് ഓഫീസ് സന്ദര്‍ശിച്ചു. ജില്ലാ സര്‍വേ ആന്‍ഡ് ലാന്‍ഡ് റെക്കോര്‍ഡ്‌സ് ഡെപ്യൂട്ടി ഡയറക്ടര്‍ സലീം ജില്ലയിലെ ഡിജിറ്റല്‍ ലാന്‍ഡ് സര്‍വെ പ്രക്രിയ വിശദീകരിച്ചു. മൂന്ന് ഘട്ടങ്ങളിലായി ജില്ലയില്‍ നടക്കേണ്ട 43 ഫീല്‍ഡ് സര്‍വേകളില്‍ 36 എണ്ണം പൂര്‍ത്തീകരിച്ചു. 21,870.9 ഹെക്ടര്‍ ഭൂമി ഒന്നാം ഘട്ടത്തില്‍ സര്‍വേ നടത്തി. സര്‍വേക്ക് മുന്‍പായി ഓരോ വില്ലേജിലും ജാഗ്രത സമിതികള്‍ രൂപീകരിച്ചു. ഇതുവഴി ജനങ്ങളെ നടപടിക്രമങ്ങള്‍, സാങ്കേതികവിദ്യ സംബന്ധിച്ച് അവബോധം സൃഷ്ടിക്കാനും, സര്‍വെ നടക്കുന്ന സമയത്ത് തത്സമയം വിവരങ്ങള്‍ കൈമാറാനും കഴിഞ്ഞു. ജി.എസ്. ജയലാല്‍ എം എല്‍ എ, എ ഡി എം ജി. നിര്‍മല്‍ കുമാര്‍, സബ് കളക്ടർ നിഷാന്ത് സിന്‍ഹാര, റവന്യൂ, ഭൂരേഖ വകുപ്പിലെ ഉദ്യോഗസ്ഥര്‍ എന്നിവര്‍ സംഘത്തെ അനുഗമിച്ചു.

കുറ്റാന്വേഷണ മികവിനുള്ള ബാഡ്ജ് ഓഫ് ഓണർ എസ്ഐ പി.കെ.പ്രദീപിന് സമ്മാനിച്ചു

കുണ്ടറ : കുറ്റാന്വേഷണ മികവിനുള്ള സംസ്ഥാന പോലീസ് മേധാവിയുടെ ബാഡ്ജ് ഓഫ് ഓണർ ഏറ്റുവാങ്ങി കുണ്ടറ എസ്ഐ പി.കെ. പ്രദീപ്. നൈജീരിയൻ മയക്കുമരുന്ന് സംഘത്തെ പിടികൂടിയ കുറ്റാന്വേഷണ മികവിനാണ് അംഗീകാരം. തിരുവനന്തപുരത്ത് പോലീസ് ട്രെയിനിംഗ് കോളജിലെ മൈൻഡ് ഓഡിറ്റോറിയത്തിൽ നടന്ന ചടങ്ങിൽ സംസ്ഥാന പോലീസ് മേധാവി ഡോ. ഷെയ്ക്ക് ദർവേഷ് സാഹിബിൽ നിന്നും പി.കെ. പ്രദീപ് ബാഡ്ജ് ഓഫ് ഓണർ ഏറ്റുവാങ്ങി. നൈജീരിയൻ മയക്കുമരുന്ന് സംഘത്തെ പിടികൂടിയ നാലംഗ കുറ്റാന്വേഷണ സംഘത്തെ നയിച്ചത് പി.കെ. പ്രദീപ് ആയിരുന്നു. 2023-ൽ ബംഗ്ലൂരിൽ നിന്നും കേരളത്തിലേക്ക് മയക്കുമരുന്ന് കടത്തിക്കൊണ്ടുവന്ന ദമ്പതികൾ അടക്കമുള്ള സംഘത്തെ പിടികൂടുകയും അവർക്ക് മയക്കുമരുന്ന് വിതരണം ചെയ്ത സംഘത്തിലെ പ്രധാനിയായ നൈജീരിയൻ യുവതിയേയും സംഘത്തലവനായ മറ്റൊരു നൈജീരിയക്കാരനെയും പ്രദീപി െ ന്‍റ നേതൃത്വത്തിലുള്ള സംഘം പിടികൂടിയിരുന്നു.

സൗജന്യ ഒപി നിർത്തലാക്കരുതെന്ന്

കൊല്ലം: സർക്കാർ ആശുപത്രികളിൽ കുട്ടികൾക്കുള്ള സൗജന്യ ഒപി ടിക്കറ്റ് നിർത്തലാക്കരുതെന്ന് കേരള കോൺഗ്രസ് - ജേക്കബ് ജില്ലാ ജനറൽ സെക്രട്ടറി കരിക്കോട് ജമീർ ലാൽ ആവശ്യപ്പെട്ടു. സൗജന്യ ഒപി ടിക്കറ്റ് നിർത്തലാക്കാനുള്ള സർക്കാർ തീരുമാനം സാധാരണക്കാരോടുള്ള വെല്ലുവിളിയാണ്. മുതിർന്നവരുടെ ഒപി ടിക്കറ്റിന്‍റെ വില അഞ്ച് രൂപയിൽ നിന്നും 10 രൂപ ആക്കിയപ്പോൾ ചില്ലറ കിട്ടാൻ ഇല്ലെന്നാണ് വകുപ്പ് മന്ത്രി പറഞ്ഞത്. കുട്ടികളുടെ ഒപി ടിക്കറ്റിന് ചാർജ് വാങ്ങുവാനുള്ള തീരുമാനത്തിൽ നിന്നും സർക്കാർ പിൻമാറണമെന്ന് കരിക്കോട് ജമീർ ലാൽ ആവശ്യപ്പെട്ടു.

വൈസ്മെൻ ഇന്‍റർനാഷണൽ ഡിസ്ട്രിക്‌ട് കൺവൻഷൻ നടന്നു

കൊട്ടാരക്കര : വൈസ് മെൻ ഇന്‍റർനാഷണൽ ഡിസ്ട്രിക്്‌ട് കൺവൻഷനും ഡിസ്ട്രിക്‌ട് ഗവർണർ സ്ഥാനാരോഹണവും റീജണൽ ഡയറക്‌ടർ അഡ്വ. ഡോ.തോമസ് കെ.ജോർജ് ഉദ്ഘാടനം ചെയ്തു. ഡിസ്ട്രിക്‌ട് ഗവർണർ അഡ്വ.തുളസീധരൻപിള്ള അധ്യക്ഷത വഹിച്ചു. എൽആർഡി പ്രഫ.ജി. ജേക്കബ് ചാരിറ്റി പ്രവർത്തനങ്ങളുടെ ഉദ്‌ഘാടനം നിർവഹിച്ചു. റീജണൽ സെക്രട്ടറി തോമസ് തരകൻ, എസ്.ഉദയകുമാർ, എൽ. തച്ചൻ, രാജുമോൻ ഏബ്രഹാം, പ്രഫ.പി.കെ. വർഗീസ്, കെ.കെ.കുര്യൻ, മാത്യു വർഗീസ്, കെ. ഒ.ജോൺസൺ, അലക്സ് മാത്യു, ജോസഫ് ഗാമ, സജിൻ ഷാ, ഡോ.ജോബി വർഗീസ്, ജോർജ് പണിക്കർ, ജേക്കബ് മാത്യു കുരാക്കാരൻ, രാജൻ കോസ്മിക്, സൂസൻ ഫിലിപ്പ്, നിരഞ്ജൻ രഞ്ചു എന്നിവർ പ്രസംഗിച്ചു. പ്രവർത്തന വർഷത്തെ ഡിസ്ട്രിക്‌ട് ഗവർണറായി ഓടനാവട്ടം ടൗൺ വൈസ് മെൻസ് ക്ലബിലെ എസ്. ഉദയകുമാർ സ്ഥാനമേറ്റു.

സാമൂഹിക പരിവർത്തനത്തിന് എഴുത്തുകാരുടെ സംഭാവന അമൂല്യം: സി.ആർ.മഹേഷ് എംഎൽഎ

കരുനാഗപ്പള്ളി : സാമൂഹിക പരിവർത്തന പ്രക്രിയയിൽ എഴുത്തുകാർ നൽകുന്ന സംഭാവന അമൂല്യമാണെന്ന് സി.ആർ.മഹേഷ് എംഎൽഎ. വായന പക്ഷാചരണത്തോടനുബന്ധിച്ച് സബർമതി ഗ്രന്ഥശാല ഏർപ്പെടുത്തിയ അക്ഷര പുരസ്കാര വിതരണ ചടങ്ങ് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സാമൂഹിക നവോത്ഥാന രംഗത്ത് കരുനാഗപ്പള്ളിയിലെ എഴുത്തുകാർ നൽകിയിട്ടുള്ള സംഭാവന ചരിത്രത്തി െ ന്‍റ ഭാഗമാണെന്നും അദ്ദേഹം പറഞ്ഞു. സബർമതി ഗ്രന്ഥശാലാ പ്രസിഡന്‍റ് സുമൻജിത്ത് മിഷ അധ്യക്ഷനായിരുന്നു. സെന്‍റർ ഫോർ സയൻസ് ഡയറക്ടർ വി. അരവിന്ദകുമാർ, ഗ്രന്ഥശാലാ സെക്രട്ടറി വി.ആർ.ഹരികൃഷ്ണൻ, നോവലിസ്റ്റ് പി. സുനിൽകുമാർ, ബാലസാഹിത്യകാരൻ മനോജ്‌ അഴീക്കൽ, ബിന്ദു വേണുഗോപാൽ എന്നിവർ പ്രസംഗിച്ചു. സബർമതി അക്ഷര പുരസ്‌കാരം ആൻസി ജെയിംസിനും, അക്ഷരശ്രീ പുരസ്‌കാരങ്ങൾ: രാകേഷ് നാഥ് - കഥ, സുരേഷ്ദേവ് മുഖത്തല - നോവൽ, സന്തോഷ്‌ പ്രിയൻ - ബാലസാഹിത്യം, കെ.ഡി.ഷൈബു മുണ്ടയ്ക്കൽ - കവിത എന്നിവർക്കാണ് സമ്മാനിച്ചത്.

ശാസ്താംകോട്ടയിൽ തെരുവുവിളക്കുകൾ കത്തുന്നില്ല

ശാസ്താംകോട്ട : തെരുവുവിളക്കുകൾ കത്താത്തതിനെ ചൊല്ലിയുള്ള ജനങ്ങളുടെ പരാതിക്ക് ശാസ്താംകോട്ടയിൽ പരിഹാരം ഉണ്ടാകുന്നില്ല. സന്ധ്യ കഴിഞ്ഞാൽ ശാസ്താംകോട്ട മിക്ക ദിവസങ്ങളിലും ഇരുട്ടിലാണ്. റോഡുകളിലെ വൈദ്യുതി വിളക്കുകളും പഞ്ചായത്തിന്‍റെ വിവിധ ഭാഗങ്ങളിൽ എംപി, എംഎൽഎ ഫണ്ടിൽ നിന്നുള്ള പണം ചെലവഴിച്ച് സ്ഥാപിച്ച ഹൈമാസ്റ്റ് ലൈറ്റുകളിൽ ബഹുഭൂരിപക്ഷവും പ്രവർത്തനരഹിതമാണ്. മഴ ശക്തമായതോടെ ഇഴജന്തു, തെരുവുനായ, കാട്ടുപന്നി ശല്യം കൂടി വന്നിരിക്കുന്ന സാഹചര്യത്തിൽ ഇരുട്ട് മൂടിയ നിരത്തുകളിലൂടെ ജനം ആശങ്കയോടെ യാത്ര ചെയ്യേണ്ട സ്ഥിതി വിശേഷമാണ് ഉള്ളത്. തെരുവുവിളക്കുകൾ ഉടനടി നന്നാക്കണമെന്ന് ആവശ്യപ്പെട്ട് കോൺഗ്രസ് ശാസ്താംകോട്ട പടിഞ്ഞാറ് മണ്ഡലം കമ്മിറ്റി കഴിഞ്ഞ ദിവസം പ്രതിഷേധ പ്രകടനം നടത്തിയിരുന്നു. ശാസ്താംകോട്ട പഞ്ചായത്ത് ഓഫീസി െ ന്‍റ ഗേറ്റിലും ജംഗ്ഷനിലെ ഹൈമാസ്റ്റ് ലൈറ്റിലും പോസ്റ്റുകളിലും വഴി വിളക്കുകൾ കത്താത്തതിനെതിരേ പന്തം കെട്ടി പ്രതിഷേധിച്ചിരുന്നു. ആർ.അരവിന്ദാക്ഷൻ പിള്ള, എൻ.സോമൻ പിള്ള, തുണ്ടിൽ നൗഷാദ്, എം.എസ്.വിനോദ്, സ്റ്റാലിൻ ജോൺസൺ, ജോൺ പോൾ, അബ്‌ദുൾ റഷീദ്, ലോജു ലോറൻസ്, രാകേഷ് കൃഷ്ണമംഗലം, അനിൽകുമാർ, നാസർ കുറവന്‍റയ്യം, അബ്‌ദുൾ സലിം, നിയാസ് ഐ.സിദ്ദിഖ് എന്നിവരാണ് പ്രതിഷേധത്തിന് നേതൃത്വം നൽകിയത്.

ലഹരിക്കെതിരേ ഏകീകൃത പോരാട്ടം വേണം : ബിഷപ് ഡോ. പോൾ ആന്‍റണി മുല്ലശേരി

കൊല്ലം: സമൂഹത്തെ ഗുരുതരമായി ബാധിച്ചിരിക്കുന്ന ലഹരി വിപത്തിനെതിരേ ജനാധിപത്യപരമായ ഏകീകൃത പോരാട്ടം അനിവാര്യമാണെന്ന് കൊല്ലം ബിഷപ് ഡോ.പോൾ ആന്‍റണി മുല്ലശേരി. കെസിബിസി മദ്യവിരുദ്ധ സമിതി സംഘടിപ്പിച്ച വിമുക്തി ദർശൻ ലഹരി വിമോചന മാസാചരണം ഉദ്ഘാടനം ചെയ്യുകയായിരുന്നു അദ്ദേഹം. ലഹരിയെ ഫലപ്രദമായി നേരിടുന്നതിന് സർക്കാർ സംവിധാനങ്ങളും പൊതുസമൂഹവും ഐക്യത്തോടെ തങ്ങളുടെ ധാർമ്മിക ബാധ്യതയും ഉത്തരവാദിത്വവും നിർവഹിക്കുവാൻ തയാറാകണമെന്ന് അദ്ദേഹം ആവശ്യപ്പെട്ടു. മദ്യ- മയക്കുമരുന്നുകളുടെ ലഭ്യത തയുന്നതിനുളള വ്യക്തവും ശക്തവുമായ നിലപാടുകളും നടപടികളും സ്വീകരിക്കാതെയുളള ലഹരി വിരുദ്ധ പ്രചാരണം കാപട്യവും പരിഹാസ്യവുമാണെന്ന് അദ്ദേഹം ചൂണ്ടിക്കാട്ടി. മനുഷ്യ ബോധത്തിൽ വിഷം കലർത്തി സമൂഹത്തിലെ എല്ലാ നന്മമൂല്യങ്ങളെയും നശിപ്പിച്ചിരിക്കുന്ന ലഹരി എന്ന ആസക്തിയുടെ അപകടം തിരിച്ചറിയാനും അതിനെതിരെയുളള പോരാട്ടങ്ങൾ ശക്തമാക്കാനും എല്ലാവരും തയ്യാറാകണമെന്നും ബിഷപ് ആവശ്യപ്പെട്ടു. വിമുക്തിദർശൻ ലഹരി വിമോചന മാസാചരണത്തി െന്‍റ ഭാഗമായി രൂപതയിലെ വിദ്യാലയങ്ങളിലും അനുബന്ധ സ്ഥാപനങ്ങളിലും ലഹരിക്കെതിരേ ജനജാഗ്രതാ സദസുകളും കലാ - സാമൂഹിക പ്രചരണ പ്രവർത്തനങ്ങളും ആരോഗ്യപരമായ അതിജീവന പരിശീലന പരിപാടികളും സംഘടിപ്പിക്കുമെന്ന് ബിഷപ് പറഞ്ഞു. സമിതി രൂപതാ പ്രസിഡന്‍റ ് യോഹന്നാൻ ആന്‍റണി അധ്യക്ഷത വഹിച്ചു. ഡയറക്ടർ ഫാ.മിൽട്ടൻ ജോർജ്, വിദ്യാഭ്യാസ സെക്രട്ടറി ഫാ. ബിനു തോമസ്, റവ.ഡോ. ജാക്സൺ ജെയിംസ്, ജനറൽ സെക്രട്ടറി എ. ജെ. ഡിക്രൂസ് എന്നിവർ പ്രസംഗിച്ചു.

കെഎസ്ആർടിസി ബസിടിച്ച് പരിക്കേറ്റയാൾ മരിച്ചു

പുനലൂർ: കെഎസ്ആർടിസി ബസ് കാലിലൂടെ കയറിയിറങ്ങി ചികിത്സയിലായിരുന്ന കാൽനട യാത്രക്കാരൻ മരിച്ചു. പുനലൂർ പേപ്പർമിൽ കാഞ്ഞിരമല പുത്തൻപുരയിൽ വീട്ടിൽ മുരുകേശൻ (56) ആണ് മരിച്ചത്. പുനലൂരിലെ സ്വകാര്യ ആശുപത്രി ജീവനക്കാരനാണ്. കഴിഞ്ഞ 19ന് രാവിലെ എട്ടരയോടെ പുനലൂർ ബസ് ഡിപ്പോയിലെ പ്രവേശന കവാടത്തിലായിരുന്നു അപകടം. പുനലൂർ ഡിപ്പോയിയിലേക്ക് ബസ് കയറുമ്പോൾ മലയോര ഹൈവേയുടെ വശത്ത് കൂടി നടന്നുവരികയായിരുന്ന മുരുകേശനെ ഇടിച്ചിട്ട ബസ് ഇടത് കാലിലൂടെ കയറിയിറങ്ങുകയായിരുന്നു. ഭാര്യ: സുനിത.

ബാസ്ക്കറ്റ് ബോൾ മത്സരം; കേരളപുരം സെന്‍റ് വിൻസന്‍റ് സ്കൂളിന് മിന്നും ജയം

കേരളപുരം: തിരുവനന്തപുരത്ത് നടന്ന സി ഐ എസ് സി ഇ സോൺ എയുടെ ബാസ്ക്കറ്റ് ബോൾ മത്സരത്തിൽ കേരളപുരം സെന്‍റ് വിൻസന്‍റ് സ്കൂൾ വിജയിച്ചു. 17 വയസിലും 14 വയസിലും താഴെയുള്ള ആൺകുട്ടികളുടെ ഇരു വിഭാഗത്തിലും ഒന്നാം സ്ഥാനം നേടി വിന്നേഴ്സായ സെന്‍റ് വിൻസന്‍റ് സ്കൂൾ, 17 വയസിൽ താഴെയുള്ള പെൺകുട്ടികളുടെ വിഭാഗത്തിൽ രണ്ടാം സ്ഥാനത്തോടെ റണ്ണർ അപ്പായി. വിജയികളായ ചാമ്പ്യൻമാരേയും പരിശീലനം നൽകിയ കോച്ചുകളെയും പ്രിൻസിപ്പൽ ഫാ. ജോണി കോയിക്കര അനുമോദിച്ചു.

കുമ്മിള്‍ പഞ്ചായത്തില്‍ ബഡ്‌സ് സ്ഥാപനം ആരംഭിക്കും

കൊല്ലം: ചടയമംഗലം ബ്ലോക്കിലെ കുമ്മിള്‍ പഞ്ചായത്തില്‍ ബഡ്‌സ് സ്ഥാപനം ആരംഭിക്കുന്നതിന് കുടുംബശ്രീ ബഡ്സ് ഉപദേശക സമിതിയുടെ അംഗീകാരം. ജില്ലാ പഞ്ചായത്ത് പ്രസിഡന്‍റ് ഡോ. പി.കെ ഗോപന്‍റെഅധ്യക്ഷതയില്‍ ചേര്‍ന്ന കുടുംബശ്രീ ജില്ല മിഷന്‍റെ ഈ വര്‍ഷത്തെ ആദ്യത്തെ ബഡ്‌സ് ഉപദേശക സമിതി യോഗ ത്തിലാണ് തീരുമാനം. ബഡ്‌സ് സ്ഥാപനങ്ങള്‍ക്ക് കുടുംബശ്രീ വഴി അനുവദിച്ച വിവിധ ഫണ്ടുകളുടെ വിനിയോഗം സംബന്ധിച്ച് ചര്‍ച്ച നടത്തി. ബഡ്‌സ് രജിസ്‌ട്രേഷന്‍, അധ്യാപരുടെ കരാര്‍ പുതുക്കല്‍ എന്നിവ കൃത്യമായി നടപ്പിലാക്കാന്‍ നിര്‍ദേശിച്ചു. ജില്ലാ മിഷന്‍ കോര്‍ഡിനേറ്റര്‍ ആര്‍. വിമല്‍ ചന്ദ്രന്‍ യോഗനടപടികള്‍ വിശദീകരിച്ചു.

കോയിപ്പാട് സാഫല്യം ഫ്ലാറ്റിലെ ജപ്തി; ബിജെപി പ്രവർത്തകർ തടഞ്ഞു

ചാത്തന്നൂർ: സംസ്ഥാന ഹൗസിംഗ് ബോർഡി െന്‍റ ചാത്തന്നൂർ കോയിപ്പാട് സാഫല്യം ഫ്ളാറ്റിലെ താമസക്കാരെ കുടിയിറക്കി ജപ്തി നടപ്പാക്കാനുള്ള നടപടി ബിജെപി പ്രവർത്തകർ തടഞ്ഞു. കേരള ഹൗസിംഗ് ബോർഡ് ഉദ്യോഗസ്ഥരുടെയും പോലീസ് ഉദ്യോഗസ്ഥരുടെയും നേതൃത്വത്തിൽ എത്തിയ സംഘം ഹൗസിംഗ് ബോർഡി െ ന്‍റ വായ്പ കുടിശിക മുടക്കം വരുത്തിയ കുടുംബങ്ങളെ ജപ്തി ചെയ്തു കുടിയിറക്കാൻ നടത്തിയ ശ്രമമാണ് ബിജെപി പ്രവർത്തകർ തടഞ്ഞത്. വെള്ളിയാഴ്ച ഉച്ചയോടെയായിരുന്നു സംഭവം. വിവരം അറിഞ്ഞ് സ്ഥലത്തെത്തിയ ബിജെപി കോയിപ്പാട് വാർഡിലെ പ്രവർത്തകരും ഹൗസിംഗ് ബോർഡ് ഉദ്യോഗസ്ഥരും തമ്മിൽ വാക്കേറ്റം ഉണ്ടായി. ഹൗസിംഗ് ബോർഡിന് വായ്പാ തിരിച്ചടവ് കുടിശിക വരുത്തിയതിനെ തുടർന്നാണ് ബോർഡ് ജപ്തി നടപടികൾക്ക് തുനിഞ്ഞത്. കുടിശിക വരുത്തിയ ഒന്പത്കുടുംബങ്ങൾക്കെതിരെയായിരുന്നു നടപടി. ജപ്തിനടപടികൾ തത്ക്കാലം നിർത്തിവെയ്ക്കാമെന്നും ആറ് മാസത്തിനകം കുടിശിക അടയ്ക്കണമെന്നും അറിയിച്ച് ഉദ്യോഗസ്ഥർ മടങ്ങി പോയി. കോയിപ്പാട് വാർഡിലെ മുൻ പഞ്ചായത്തംഗം സജീവ് കോയിപ്പാട്, രാധാകൃഷ്ണൻ കോയിപ്പാട്, രതീഷ് കോയിപ്പാട്, അനിൽകുമാർ എന്നിവരുടെ നേതൃത്വത്തിലാണ് പ്രതിരോധ സമരം നടത്തിയത്.

വൈഎംസിഎ പ്രസ്ഥാനത്തിന്‍റെ മതേതര കാഴ്ചപ്പാടോടെയുള്ള പ്രവര്‍ത്തനങ്ങള്‍ അഭിനന്ദനാര്‍ഹം: ഡോ.യൂഹാനോന്‍ മാര്‍ തിയോഡോഷ്യസ്

അഞ്ചല്‍: വൈഎംസിഎ പുനലൂര്‍ സബ് റീജണൽ പ്രവര്‍ത്തനോദ്ഘാടനം മലങ്കര കത്തോലിക്കാ സഭ മൂവാറ്റുപുഴ ഭദ്രാസനാധ്യക്ഷന്‍ ഡോ. യൂഹാനോന്‍ മാര്‍ തിയോഡോഷ്യസ് നിര്‍വഹിച്ചു. രണ്ടു നൂറ്റാണ്ടായി ആഗോളതലത്തില്‍ വൈഎംസിഎ പ്രസ്ഥാനം മതേതര കാഴ്ചപ്പാടോടെ സമൂഹത്തിന്‍റെ സമസ്ത മേഖലകളിലും കാഴ്ചവെക്കുന്ന പ്രവര്‍ത്തനങ്ങള്‍ അഭിനന്ദനാര്‍ഹമെന്നും സ്വാതന്ത്ര്യാനന്തരം ആധുനിക ഭാരതം കെട്ടിപ്പിടിക്കുന്നതില്‍ അന്നത്തെ ദേശീയ നേതാക്കളോടൊപ്പം വഹിച്ച പങ്കും എന്നും സ്മരിക്കപ്പെടുമെന്നും അദ്ദേഹം പറഞ്ഞു. ദേശീയ ജനറല്‍ സെക്രട്ടറി എന്‍.വി.എല്‍ദോ മുഖ്യപ്രഭാഷണവും മലങ്കര കത്തോലിക്ക സഭ അഞ്ചല്‍ വൈദീക ജില്ല വികാരി ഫാ. ബോവസ് മാത്യു അനുഗ്രഹ പ്രഭാഷണവും നടത്തി. ചെയര്‍മാന്‍ ഡോ.ഏബ്രഹാം മാത്യു അധ്യക്ഷത വഹിച്ചു. ആക്ഷന്‍ പ്ലാന്‍ പ്രകാശനം നാഷണല്‍ എക്‌സിക്യൂട്ടീവ് മുന്‍ അംഗം കെ.ഒ. രാജുക്കുട്ടി നിര്‍വഹിച്ചു. സെന്റ് ജോണ്‍സ് കോളജ് മുന്‍ പ്രിന്‍സിപ്പല്‍ ഡോ.കെ.വി. തോമസ്‌കുട്ടി, എക്യുമെനിക്കല്‍ സെന്‍റര്‍ ചെയര്‍മാന്‍ എല്‍.തങ്കച്ചന്‍, അഞ്ചല്‍ വൈഎംസിഎ പ്രസിഡന്‍റ് എം.കെ.മാമച്ചന്‍ മുതലാളി,ജനറല്‍ കണ്‍വീനര്‍ ഷിബു.കെ. ജോര്‍ജ്,വൈസ് ചെയര്‍മാന്‍ ബിനു.കെ. ജോണ്‍, മുന്‍ സബ് റീജന്‍ ചെയര്‍മാന്‍മാരായ പി.എ.സജിമോന്‍, ജോര്‍ജ് വര്‍ഗീസ്,എല്‍.ബാബു ബോബി.ഇ.ചെറിയാന്‍,കെ.ബാബുക്കുട്ടി,സി.പി. ശാമുവേല്‍,സഖറിയ വര്‍ഗീസ് എന്നിവര്‍ പ്രസംഗിച്ചു.കേരള റീജണൽ വിവിധ ബോര്‍ഡുകളിലേക്ക് തെരഞ്ഞെടുത്ത ഭാരവാഹികളെ യോഗത്തില്‍ അനുമോദിച്ചു.

എംഡിഎംഎയും കഞ്ചാവുമായി യുവാവ് അറസ്റ്റിൽ

കൊല്ലം : കഞ്ചാവും എംഡിഎംഎയുമായി യുവാവിനെ ശക്തികുളങ്ങര പോലീസ് അറസ്റ്റ് ചെയ്തു. തൃക്കരുവ കാഞ്ഞാവള്ളി ചേരിയിൽ തിനവിള തെക്കതിൽ നവീൻ (24) ആണ് ആൽത്തറമൂട് ജംഗ്ഷന് സമീപം ശക്തികുളങ്ങര എസ്ഐ ശബ്‌നയുടെ പിടിയിലായത്. 29 ഗ്രാം കഞ്ചാവും രണ്ട് ഗ്രാം എംഡിഎംഎയും നവീനിൽ നിന്നും പോലീസ് കണ്ടെടുത്തിട്ടുണ്ട്. ലഹരിക്കടത്തുമായി ബന്ധപ്പെട്ട വിവരങ്ങൾ അറിയിക്കുന്ന കേരള പോലീസിന്‍റെ യോദ്ധാവ് ആപ്ലിക്കേഷൻ വഴി ലഭിച്ച വിവരത്തിന്‍റെ അടിസ്ഥാനത്തിലായിരുന്നു അറസ്റ്റ്. ശക്തികുളങ്ങരയിലും പരിസരപ്രദേശങ്ങളിലും കഞ്ചാവ് വിതരണം ചെയ്തു വന്നിരുന്ന നവീനെ ഒരാഴ്ചയായി ശക്തികുളങ്ങര പോലീസ് നിരീക്ഷിച്ചു വരികയായിരുന്നു. 29 ഗ്രാം കഞ്ചാവ് അഞ്ച് പൊതികളിലായും എംഡി എം എ മൂന്നു പൊതികളിലായും ആണ് പ്രതി സൂക്ഷിച്ചിരുന്നത്.

പോലീസിനെ കണ്ട് ബൈക്കും കഞ്ചാവും ഉപേക്ഷിച്ച് മുങ്ങിയ പ്രതി പിടിയിൽ

അഞ്ചല്‍ : രാത്രികാല പട്രോളിങ്ങിനിടെ പോലീസിനെ കണ്ട് ബൈക്കും കഞ്ചാവും ഉപേക്ഷിച്ച് മുങ്ങിയ പ്രതിയെ ഹരിപ്പാടുള്ള വീട്ടില്‍ നിന്നും പോലീസ് പിടികൂടി. ഹരിപ്പാട് സ്വദേശിയും ഭാരതീപുരം മറവഞ്ചിറ ലക്ഷം വീട്ടില്‍ താമസിച്ചു വരികയും ചെയ്യുന്ന മധുവിനെയാണ് ഏരൂര്‍ പോലീസ് പിടികൂടിയത്. ഇക്കഴിഞ്ഞ ജനുവരിയിലാണ് ഏരൂര്‍ മണ്ണാംകോണത്തുവച്ച് ഏരൂര്‍ പോലീസിനെ കണ്ട മധു ഒന്നേകാല്‍ കിലോയോളം കഞ്ചാവും ബൈക്കും ഉപേക്ഷിച്ച് കടന്നുകളഞ്ഞത്. അന്വേഷണത്തില്‍ പ്രതിയെ പോലീസ് തിരിച്ചറിഞ്ഞുവെങ്കിലും പിടികൂടാന്‍ കഴിഞ്ഞില്ല. അന്വേഷണം തുടരുന്നതിനിടെയാണ് ഇയാള്‍ ഹരിപ്പാടുള്ള വീട്ടിലുള്ളതായി വിവരം ലഭിച്ച ഏരൂര്‍ പോലീസ് അവിടെയെത്തി പിടികൂടുകയായിരുന്നു. റിമാന്‍റിലായ പ്രതിയെ കസ്റ്റഡിയില്‍ വാങ്ങി തെളിവെടുപ്പ് നടത്തി. കേസില്‍ കൂടുതല്‍ പേര്‍ പിടിയിലാകുമെന്ന സൂചനയും പോലീസ് നല്‍കി. തെളിവെടുപ്പ് പൂര്‍ത്തിയാക്കിയ പ്രതിയെ കോടതിയില്‍ ഹാജരാക്കിയ ശേഷം വീണ്ടും ജയിലിലേക്ക് മാറ്റി.

തെരുവുനായ ആക്രമണം; ഒരാൾക്ക് പരിക്ക്

അഞ്ചല്‍ : ആയൂര്‍ ഇളമാട് ബസ് കാത്ത്നിന്ന ഡ്രൈവര്‍ക്ക് നേരെ തെരുവുനായയുടെ ആക്രമണം. ഇളമാട് സ്വദേശി സേതുവിനെയാണ് ഇളമാട് ജംഗ്ഷനില്‍ ബസ് സ്റ്റോപ്പില്‍ വച്ച് തെരുവുനായ കടിച്ചത്. വലതു കാലിന്‍റെ മുട്ടിന് താഴെ പരിക്കേറ്റ സേതു അഞ്ചല്‍ സര്‍ക്കാര്‍ ആശുപത്രിയില്‍ പ്രാഥമിക ചികിത്സ തേടി. പിക്കപ് ഡ്രൈവറായ സേതു വാഹനം എടുക്കുന്നതിനായ് പോകാന്‍ ബസ് കത്ത് നില്‍ക്കുമ്പോള്‍ രാവിലെയായിരുന്നു സംഭവം. കിഴക്കന്‍ മേഖലയിൽ അടുത്തിടെയായി തെരുവ് നായ ശല്യം അതിരൂക്ഷമാകുമ്പോഴും കാര്യമായ ഒരു നടപടിയും ബന്ധപ്പെട്ടവരുടെ ഭാഗത്ത് നിന്നും ഉണ്ടായിട്ടില്ല. ബസ് സ്റ്റോപ്പുകള്‍, പാതയോരങ്ങള്‍ ഉള്‍പ്പടെ ജനങ്ങള്‍ കൂടുതലായി എത്തുന്നയിടങ്ങളില്‍ എല്ലാം തെരുവുനായകളുടെ ശല്യം കൂടുകയാണ്. രണ്ടാഴ്ച മുമ്പ് അലയമണ്‍ പഞ്ചയത്തിലെ കടവറത്ത് ചെറുമകളെ സ്കൂളിലാക്കി മടങ്ങിയ വയോധികയെ തെരുവുനായ ആക്രമിക്കുകയും ഗുരുതരമായി പരിക്കേല്‍ക്കുകയും ചെയ്തിരുന്നു. മുഖത്തും മൂക്കിലും ഉള്‍പ്പെടെ പരിക്കേറ്റ വയോധികയെ പിന്നീട് പാരിപ്പള്ളി മെഡിക്കല്‍ കോളജ് ആശുപത്രിയില്‍ പ്രവേശിപ്പിക്കുകയായിരുന്നു .

ജില്ലാ ആശുപത്രി റോഡ് കൈയേറിയുള്ള കച്ചവടം ഒഴിപ്പിക്കണം: കളക്‌ടർ

കൊല്ലം : ജില്ലാ ആശുപത്രി - വിക്ടോറിയ ആശുപത്രി റോഡ് കൈയേറിയുള്ള കച്ചവടം രണ്ട് ദിവസത്തിനകം ഒഴിപ്പിക്കാന്‍ കോര്‍പറേഷനോട് ജില്ലാ കളക്‌ടർ എന്‍. ദേവിദാസ് നിർദേ ശിച്ചു. ജില്ലാ വികസന സമിതി യോഗത്തിലാണ് കളക്‌ടർ ഇക്കാര്യം അറിയിച്ചിട്ടുള്ളത്. ജില്ലാ ആശുപത്രിയില്‍ സ്ഥാപിച്ച ഓക്സിജന്‍ പ്ലാന്‍റിന്‍റെ മതിലിനോട് ചേര്‍ന്നുള്ള ഭാഗത്താണ് ഗ്യാസ് ഉപയോഗിച്ച് പല തട്ടുകടകളും പ്രവര്‍ത്തിക്കുന്നത്. അപകട സാഹചര്യം കണക്കിലെടുത്ത് പോലീസിന്‍റെ സഹായത്തോടെ കച്ചവടക്കാരെ ഒഴിപ്പിക്കുന്നതിന് നടപടി സ്വീകരിക്കും. ദുരന്തനിവാരണ നിയമപ്രകാരം ഈ പ്രദേശം അപകടമുക്തമാക്കുന്നതിന് അടിയന്തര നടപടി സ്വീകരിക്കുമെന്നും ജില്ലാ പഞ്ചായത്ത് പ്രസിഡന്‍റ് ഡോ. പി. കെ. ഗോപന്‍ ഉന്നയിച്ച വിഷയത്തിൽ കളക്‌ടർ അറിയിച്ചു. മഴയുടെ പശ്ചാത്തലത്തില്‍ ദേശീയപാത ഉള്‍പ്പെടെ വിവിധ റോഡുകളില്‍ രൂപപ്പെട്ട കുഴികള്‍ അടിയന്തരമായി നികത്തണമെന്ന് ജില്ലാ വികസന സമിതി യോഗത്തില്‍ നിർദേശിച്ചിട്ടുണ്ട്. തുടര്‍നടപടി സ്വീകരിക്കുന്നതിന് ബന്ധപ്പെട്ട വകുപ്പുകള്‍ക്ക് അധ്യക്ഷനായ ജില്ലാ കളക്ടർ എന്‍. ദേവിദാസ് നിര്‍ദ്ദേശം നല്‍കി. മണ്‍ട്രോത്തുരുത്ത് പെരിങ്ങാനം ഹയര്‍സെക്കന്‍ഡറി സ്‌കൂളിലേക്ക് പുതിയ ബോട്ടുകള്‍ അനുവദിച്ച് മുടക്കമില്ലാതെ സര്‍വീസുകള്‍ നടത്തണമെന്ന് കോവൂര്‍ കുഞ്ഞുമോന്‍ എം എല്‍ എ യോഗത്തിൽ ആവശ്യപ്പെട്ടു. പെരിങ്ങാനം - ശാസ്താംകോട്ട സര്‍ക്കാര്‍ ഹയര്‍സെക്കന്‍ഡറി സ്‌കൂള്‍ കെട്ടിടങ്ങളുടെ നിര്‍മാണവുമായി ബന്ധപ്പെട്ട് യോഗം ചേരാനും തീരുമാനിച്ചു. നീണ്ടകര താലൂക്ക് ആശുപത്രിയില്‍ പോലീസ് എയ്ഡ് പോസ്റ്റ് സ്ഥാപിക്കുക, ശക്തികുളങ്ങര ഹാര്‍ബര്‍ റോഡ് സഞ്ചാരയോഗ്യമാക്കുക, മണ്ഡലത്തിലെ വിവിധ സര്‍ക്കാര്‍ പദ്ധതികള്‍ നടപ്പാക്കുന്നതിന് സ്ഥലമേറ്റെടുപ്പ് പ്രക്രിയ വേഗത്തിലാക്കുക തുടങ്ങിയ ആവശ്യങ്ങളാണ് സുജിത് വിജയന്‍പിള്ള എം എല്‍ എ ഉന്നയിച്ചത്. ആവണീശ്വരം റെയില്‍വേ സ്റ്റേഷന് സമീപമുള്ള റെയില്‍വേ ക്രോസ് - പ്രദേശങ്ങളില്‍ ഇരുവശങ്ങളിലായുള്ള ഓടകളിലെ മാലിന്യങ്ങള്‍ അടിയന്തരമായി നീക്കി വെള്ളക്കെട്ട് ഒഴിവാക്കണം. മൂന്നുവര്‍ഷമായി നിര്‍ത്തിവച്ച കൊല്ലം - ആലപ്പുഴ ബോട്ട് സര്‍വീസ് പുനരാരംഭിക്കണമെന്നും കൊല്ലം താലൂക്കിലെ സര്‍വേയര്‍മാരുടെ അപര്യാപ്തത പരിഹരിക്കണമെന്നും ആവശ്യമുയർന്നു. . കരുനാഗപ്പള്ളി താലൂക്ക് ആശുപത്രിയില്‍ അധിക ചികിത്സാസൗകര്യം, സുനാമി കോളനിയിലെ അടിസ്ഥാന സൗകര്യവികസനം, കുടിവെള്ള പ്രശ്നത്തിന് ശാശ്വതപരിഹാരം തുടങ്ങിയ വിഷയങ്ങള്‍ തൊടിയൂര്‍ രാമചന്ദ്രന്‍ വികസന സമിതിയുടെ ശ്രദ്ധയിൽ കൊണ്ട് വന്നു. അതിഥി തൊഴിലാളികളുടെ ജീവിത നിലവാരവും താമസസ്ഥലത്തെ പരിശോധനകളും സമയബന്ധിതമായി നടത്തണം കൊല്ലം - കൊട്ടാരക്കര റൂട്ടില്‍ റോഡ് മുറിച്ച് കടക്കുന്നതിന് സീബ്രാലൈന്‍ മാര്‍ക്കിംഗ് ഉള്‍പ്പെടെ സുരക്ഷാക്രമീകരണങ്ങള്‍ ഏര്‍പ്പെടുത്തണമെന്നും ആവശ്യം ഉയർന്നു. കരുനാഗപ്പള്ളിയിലെ അമൃത് കുടിവെള്ള പദ്ധതി പ്രവര്‍ത്തനങ്ങള്‍ കൂടുതല്‍ കാര്യക്ഷമമായി നടപ്പാക്കണമെന്നും ആവശ്യം ഉയർന്നു. കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ സബ് കളക്ടർ നിഷാന്ത് സിന്‍ഹാര, ജില്ലാതല ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]