ജി​ല്ലാ ആ​ശു​പ​ത്രി​യി​ലെ രോ​ഗി​ക​ൾ​ക്ക് കു​ടന​ൽ​കി യൂ​ത്ത് കോ​ൺ​ഗ്ര​സ് പ്ര​തി​ഷേ​ധം
Sunday, May 26, 2024 7:04 AM IST
കൊ​ല്ലം: ജി​ല്ലാ ആ​ശു​പ​ത്രി​യി​ൽ ചി​കി​ത്സ തേ​ടി​യെ​ത്തു​ന്ന രോ​ഗി​ക​ൾ​ക്ക് കു​ട ന​ൽ​കി പ്ര​തി​ഷേ​ധി​ച്ച് യൂ​ത്ത് കോ​ൺ​ഗ്ര​സ്. ഒപി​യും​, ഐ​സിയു​ക​ളും ലാ​ബു​ക​ളും ചോ​ർ​ന്നൊ​ലി​ക്കു​ന്ന​ത​ട​ക്കം ജി​ല്ലാ ആ​ശു​പ​ത്രി​യി​ൽ രോ​ഗി​ക​ൾ നേ​രി​ടു​ന്ന ദു​രി​ത​ങ്ങ​ൾ​ക്കെ​തി​രെ​യാ​യി​രു​ന്നു യൂ​ത്ത് കോ​ൺ​ഗ്ര​സ് പ്ര​തി​ഷേ​ധംസം​ഘ​ടി​പ്പി​ച്ച​ത്.

രോ​ഗി​ക​ളെ പ​ര​മാ​വ​ധി ദു​രി​ത​ത്തി​ലാ​ക്കി അ​ധി​കൃ​ത​ർ ജി​ല്ലാ ആ​ശു​പ​ത്രി​യെ ത​ക​ർ​ക്കു​ക​യാ​ണെ​ന്ന് പ്ര​തി​ഷേ​ധ​ ഭാ​ഗ​മാ​യി ന​ട​ന്ന മാ​ർ​ച്ച് ഉ​ദ്ഘാ​ട​നം ചെ​യ്തു​ യൂ​ത്ത് കോ​ൺ​ഗ്ര​സ് സം​സ്ഥാ​ന വൈ​സ് പ്ര​സി​ഡ​ന്‍റ് വി​ഷ്ണു സു​നി​ൽ പ​ന്ത​ളം പ​റ​ഞ്ഞു. അ​റ്റ​കു​റ്റ​പ്പ​ണി​ക്കാ​യി അ​ട​ച്ച ഓ​പ്പ​റേ​ഷ​ൻ തീ​യേ​റ്റ​ർ മാ​സ​ങ്ങ​ൾ ക​ഴി​ഞ്ഞി​ട്ടും തു​റ​ക്കാ​ത്ത​ത് സ്വ​കാ​ര്യ ആ​ശു​പ​ത്രി​ക​ളെ സ​ഹാ​യി​ക്കാ​നാ​ണ്.

ചോ​ർ​ച്ച കാ​ര​ണം ആ​ശു​പ​ത്രി​ക്കു​ളി​ൽ രോ​ഗി​ക​ൾ കു​ട​പി​ടി​ച്ചി​രി​ക്കേ​ണ്ട അ​വ​സ്ഥ​യാ​ണ്. ജി​ല്ലാ ആ​ശു​പ​ത്രി അ​ധി​കൃ​ത​ർ സ​ർ​ക്കാ​രി​ൽ നി​ന്നും ശ​മ്പ​ളം വാ​ങ്ങി സ്വ​കാ​ര്യ ആ​ശു​പ​ത്രി​ക​ൾ​ക്ക് വേ​ണ്ടി ജോ​ലി​യെ​ടു​ക്കു​ക​യാ​ണെ​ന്നും വി​ഷ്ണു സു​നി​ൽ പ​ന്ത​ളം പ​റ​ഞ്ഞു.മാ​ർ​ച്ച് അ​ത്യാ​ഹി​ത വി​ഭാ​ഗ​ത്തി​ന് മു​ന്നി​ൽ പൊ​ലീ​സ് ത​ട​ഞ്ഞു. തു​ട​ർ​ന്നാ​യി​രു​ന്നു കു​ട വി​ത​ര​ണ​വും ധ​ർ​ണ​യും.

കൊ​ല്ലം ബ്ലോ​ക്ക് പ്ര​സി​ഡ​ന്റ് ഹ​സ്ന ഹ​ർ​ഷാ​ദ് അ​ധ്യക്ഷ​ത വ​ഹി​ച്ചു. ഫൈ​സ​ൽ കു​ള​പ്പാ​ടം, കൗ​ശി​ക്, ആ​ദ​ർ​ശ് ഭ​ർ​ഗ​വ​ൻ, ജി​ല്ലാ ജ​ന​റ​ൽ സെ​ക്ര​ട്ട​റി​മാ​രാ​യ ഉ​ല്ലാ​സ് ഉ​ളി​യ​ക്കോ​വി​ൽ, ഷാ​ഫി ചെ​മ്മാ​ത്ത്, ന​ജ്മ​ൽ റ​ഹ്മാ​ൻ, വി​ഷ്ണു വി​ജ​യ​ൻ കു​ന്ന​ത്തൂ​ർ, ന​സ്മ​ൽ ക​ല​തി​ക്കാ​ട്, യൂ​ത്ത് കോ​ൺ​ഗ്ര​സ് നേ​താ​ക്ക​ളാ​യ ഹ​ർ​ഷാ​ദ്, സി​ദ്ദി​ഖ്, അ​ജു ചി​ന്ന​ക്ക​ട, ഷാ​ജി പ​ള്ളി​ത്തോ​ട്ടം, റാ​ഷി​ദ്, ന​വാ​സ് റ​ഷാ​ദി, മി​ഥു​ൻ ക​ട​പ്പാ​ക്ക​ട, അ​ർ​ജ്ജു​ൻ ഉ​ളി​യ​ക്കോ​വി​ൽ തു​ട​ങ്ങി​യ​വ​ർ നേ​തൃ​ത്വം ന​ൽ​കി.