റിക്കാർഡ് ബുക്കിൽ ഇടം നേടിയ നാല് വയസുകാരിയെ ആദരിച്ചു
1430480
Thursday, June 20, 2024 10:56 PM IST
ചാത്തന്നൂർ: എസ്എൻഡിപി യൂണിയൻ ചിറക്കര താഴം ശാഖയിലെ അഭിഷിത രാജ് ഇന്ത്യ ബുക്ക് ഓഫ് റെക്കോർഡ്സിൽ ഇടം പിടിച്ചു. കേവലം നാല് വയസുകാരിയായ അഭിഷിത തന്റെ ഓർമ ശക്തി കൊണ്ട് കേരളം ഉൾപ്പെടെ ഇന്ത്യയിലെ മുഴുവൻ സംസ്ഥാനങ്ങളുടെയും എല്ലാ ജില്ലകളുടെ പേരും, പ്രധാന മന്ത്രിമാർ, മുഖ്യമന്ത്രിമാർ എന്നിവരുടെ പേരുകൾ അക്ഷരമാല ക്രമത്തിൽ ഇംഗ്ലീഷ് വാക്കുകൾ ഇവ ഒക്കെ ഓർത്തെടുത്തു അവതരിപ്പിക്കാൻ മിടുക്ക് കാട്ടിയതിനാണ് ഇന്ത്യ ബുക്സ് ഓഫ് റിക്കാർഡ്സിൽ ഇടം നേടിയത്.
കുട്ടിയുടെ വീട് സന്ദർശിച്ചു യൂണിയന്റെ പേരിലുള്ള ആദരവ് യൂണിയൻ പ്രസിഡന്റ് ബി.ബി ഗോപകുമാർ പൊന്നാട അണിയിച്ചു സമ്മാനിച്ചു. യൂണിയൻ അസിസ്റ്റന്റ് സെക്രട്ടറി കെ. നടരാജൻ, ശാഖാസെക്രട്ടറി വിശ്വംഭരൻ, വനിതാ സംഘം യൂണിയൻ കൗൺസിലർ മിനി ജോഷ്, കുട്ടിയുടെ മാതാപിതാക്കളായ അമൽ രാജ്, സവിത എന്നിവർ സംബന്ധിച്ചു.