കു​ണ്ട​റ: പേ​ര​യം ഗ്രാ​മ​പ​ഞ്ചാ​യ​ത്തി​ലെ തെ​ങ്ങ് കൃ​ഷി പു​ന​രു​ദ്ധാ​ര​ണ പ​ദ്ധ​തി​ക​ളു​ടെ ഭാ​ഗ​മാ​യി കേ​ര​ഗ്രാ​മം പ​ദ്ധ​തി ന​ട​പ്പാ​ക്കും. 2024 മു​ത​ൽ 2027 വ​രെ​യു​ള്ള മൂ​ന്നു​വ​ർ​ഷം കൊ​ണ്ടാ​ണ് പ​ദ്ധ​തി ന​ട​പ്പാ​ക്കു​ന്ന​ത്. കൃ​ഷി​വ​കു​പ്പ് 22 ല​ക്ഷം ചെ​ല​വ​ഴി​ച്ചാ​ണ് പ​ദ്ധ​തി ന​ട​പ്പാ​ക്കു​ന്ന​ത്. ആ​ദ്യ​വ​ർ​ഷ പ്ര​വ​ർ​ത്ത​ന​ങ്ങ​ൾ​ക്കാ​യി ആ​റ് ല​ക്ഷം ഒ​ന്നാം​ഘ​ട്ട​മാ​യി അ​നു​വ​ദി​ച്ചു.

കു​ണ്ട​റ എം​എ​ൽ​എ പി.​സി. വി​ഷ്ണു നാ​ഥ് എം​എ​ൽ​എ​യു​ടെ നി​ർ​ദേ​ശ പ്ര​കാ​ര​മാ​ണ് പേ​ര​യം പ​ഞ്ചാ​യ​ത്തി​നെ പ​ദ്ധ​തി​ക്കാ​യി തെ​ര​ഞ്ഞെ​ടു​ത്ത​ത്. കേ​ടാ​യ തെ​ങ്ങു​ക​ൾ മു​റി​ച്ചു​മാ​റ്റി പ​ക​രം പു​തി​യ തെ​ങ്ങു​ക​ൾ വ​ച്ചു​പി​ടി​പ്പി​ക്കും. തെ​ങ്ങി​ന് വ​ളം വി​ത​ര​ണം, ഇ​ട​വി​ള​ക്കി​റ്റ് വി​ത​ര​ണം എ​ന്നി​വ പ​ദ്ധ​തി വ​ഴി ന​ൽ​കും.

14 വാ​ർ​ഡു​ക​ളി​ലേ​യും ജ​ന​പ്ര​തി​നി​ധി​ക​ളും തെ​ര​ഞ്ഞെ​ടു​ത് ക​ൺ​വീ​ന​ർ​മാ​രും ചേ​ർ​ന്ന് കേ​ടാ​യ തെ​ങ്ങു​ക​ളു​ടെ വി​വ​ര ശേ​ഖ​ര​ണം ന​ട​ത്തി.

മു​റി​ച്ചു മാ​റ്റു​ന്ന തെ​ങ്ങു​ക​ൾ​ക്ക് ആ​യി​രം രൂ​പ വീ​തം ഗു​ണ​ഭോ​ക്താ​ക്ക​ൾ​ക്ക് ല​ഭി​ക്കും. പ​ദ്ധ​തി​യു​ടെ ഉ​ദ്ഘാ​ട​നം 11 ന് ​ഉ​ച്ച​യ്ക്ക് 12. 30 ന് ​പ​ഞ്ചാ​യ​ത്തി​ൽ പി.​സി. വി​ഷ്ണു നാ​ഥ് എം​എ​ൽ​എ നി​ർ​വ​ഹി​ക്കു​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് അ​ഡ്വ. അ​നീ​ഷ് പ​ട​പ്പ​ക്ക​ര അ​റി​യി​ച്ചു.