പത്തനംതിട്ട: ഭാരതീയ ദളിത് കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ കളക്ടറേറ്റിലേക്ക് മാർച്ചും ധർണയും നടത്തി. ധർണ ഡിസിസി പ്രസിഡന്റ് ബാബു ജോർജ് ഉദ്ഘാടനം ചെയ്തു. ദളിത് കോൺഗ്രസ് ജില്ലാ പ്രസിഡന്റ് കെ.എൻ അച്ചുതൻ അധ്യക്ഷത വഹിച്ചു.
ലൈഫ് മിഷൻ പദ്ധതിയിൽ ഫ്ലാറ്റിനു പകരം വീടും സ്ഥലവും നൽകുക. നിർത്തിവച്ച സ്പെഷൽ റിക്രൂട്ട്മെന്റ് പുന:സ്ഥാപിക്കുക, സാമൂഹ്യ സുരക്ഷ പെൻഷൻ 2500 രൂപയായി വർധിപ്പിക്കുക, സംവരണത്തെ അട്ടിമറിക്കുന്ന സാമ്പത്തിക സംവരണം പുന:പരിശോധിക്കുക, കേന്ദ്ര - സംസ്ഥാന ഗവൺമെന്റുകളുടെ ജനദ്രോഹ നടപ പടികൾ അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു ധർണ.
മുൻ കെപിസിസി അംഗം കെ.പ്രതാപൻ, ഡിസിസി വൈസ് പ്രസിഡന്റുമാരായഎ.സുരേഷ് കുമാർ, വെട്ടൂർ ജ്യോതി പ്രസാദ്, എം.ജി. കണ്ണൻ, ബിഡിസി സംസ്ഥാന വൈസ് പ്രസിഡന്റ് മഞ്ജു വിശ്വനാഥ്, സെക്രട്ടറിമാർ പി.ജി. ദിലീപ് കുമാർ, എ.കെ. ലാലു, എം.പി രാജു, മണ്ണിൽ രാഘവൻ, കെ.എൻ രാജൻ, കെ.എൻ. മനോജ്, എ.കെ. ഗോപാലൻ, സി.കെ. രാജേന്ദ്രപ്രസാദ്, വി.റ്റി പ്രസാദ്, ആറന്മുള രാജൻ, സാനു തുവയൂർ, മധു പാണ്ടി മലപ്പുറം, ബൈജു ഭാസ്കർ, ബിജു പനയ്ക്കൽ, എ.കെ സുധാ കുമാരി, നിബിൻ അങ്ങാടിയ്ക്കൽ, മനോജ് മുളന്തറ തുടങ്ങിയ നേതാക്കൾ പ്രസംഗിച്ചു.