തു​ട​ക്ക​മി​ട്ട​തും അ​നു​മ​തി വാ​ങ്ങി​യ​തും ജി​ല്ല​യി​ൽനി​ന്നു​ള്ള ആ​രോ​ഗ്യ​മ​ന്ത്രി​മാ​ർ
Monday, September 26, 2022 10:34 PM IST
കോ​ന്നി: കോ​ന്നി സ​ർ​ക്കാ​ർ മെ​ഡി​ക്ക​ൽ കോ​ള​ജ് സ്ഥ​ലം എം​എ​ൽ​എ കൂ​ടി​യാ​യി​രു​ന്ന മു​ൻ ആ​രോ​ഗ്യ​മ​ന്ത്രി അ​ടൂ​ർ പ്ര​കാ​ശി​ന്‍റെ സ്വ​പ്ന പ​ദ്ധ​തി​യാ​യി​രു​ന്നെ​ങ്കി​ൽ പ​ത്തു​വ​ർ​ഷ​ത്തി​നു​ശേ​ഷം വി​ദ്യാ​ർ​ഥി പ്ര​വേ​ശ​ന​ത്തി​ന് അ​നു​മ​തി ല​ഭി​ക്കു​ന്പോ​ഴും അ​മ​ര​ത്ത് ജി​ല്ല​യി​ൽ നി​ന്നു ത​ന്നെ​യു​ള്ള മ​റ്റൊ​രു ആ​രോ​ഗ്യ​മ​ന്ത്രി. ഇ​ട​യ്ക്ക് അ​നി​ശ്ചി​ത​ത്വ​ത്തി​ലാ​യ പ​ദ്ധ​തി​യാ​ണി​ത്.
2016 - 19 കാ​ല​യ​ള​വി​ൽ സ​ർ​ക്കാ​ർ ഭാ​ഗ​ത്തു​നി​ന്ന് മെ​ഡി​ക്ക​ൽ കോ​ള​ജ് നി​ർ​മാ​ണ​ത്തി​ൽ ഉ​ഴ​പ്പു​ണ്ടാ​യി. നി​യ​മ​സ​ഭ​യി​ൽ അ​ന്ന​ത്തെ ആ​രോ​ഗ്യ​മ​ന്ത്രി കെ.​കെ. ശൈ​ല​ജ കോ​ന്നി മെ​ഡി​ക്ക​ൽ കോ​ള​ജി​നാ​യി ഏ​റ്റെ​ടു​ത്ത സ്ഥ​ല​ത്തെ പോ​ലും നി​ശി​ത​മാ​യി വി​മ​ർ​ശി​ച്ചു. സ്ഥ​ലം സ​ന്ദ​ർ​ശി​ക്ക​ണ​മെ​ന്ന ആ​വ​ശ്യം പോ​ലും അ​ന്ന് മ​ന്ത്രി നി​രാ​ക​രി​ച്ചു.
എ​ന്നാ​ൽ, 2019ലെ ​നി​യ​മ​സ​ഭ ഉ​പ​തെ​ര​ഞ്ഞെ​ടു​പ്പി​ൽ എ​ൽ​ഡി​എ​ഫ് കോ​ന്നി​യി​ൽ വി​ജ​യി​ച്ച​തി​നു പി​ന്നാ​ലെ പു​തി​യ എം​എ​ൽ​എ കെ.​യു. ജ​നീ​ഷ് കു​മാ​ർ മെ​ഡി​ക്ക​ൽ കോ​ള​ജ് പ​ദ്ധ​തി യാ​ഥാ​ർ​ഥ്യ​മാ​ക്കാ​ൻ നി​ര​ന്ത​ര ശ്ര​മം ന​ട​ത്തി. ഇ​തേ​ത്തു​ട​ർ​ന്ന് ആ​രോ​ഗ്യ​മ​ന്ത്രി​യും നി​ല​പാ​ട് മാ​റ്റി. ഒ​പി​യും ഐ​പി​യു​മെ​ല്ലാം ആ ​സ​ർ​ക്കാ​ർ ഉ​ദ്ഘാ​ട​നം ചെ​യ്തു.
പി​ന്നീ​ടു​വ​ന്ന സ​ർ​ക്കാ​രി​ൽ ജി​ല്ല​യി​ൽ നി​ന്നു​ള്ള എം​എ​ൽ​എ വീ​ണാ ജോ​ർ​ജ് ആ​രോ​ഗ്യ​വ​കു​പ്പി​ന്‍റെ ചു​മ​ത​ല​യി​ലാ​യ​തോ​ടെ നി​ര​ന്ത​ര​മാ​യ ഇ​ട​പെ​ട​ൽ മെ​ഡി​ക്ക​ൽ കോ​ള​ജ് വി​ഷ​യ​ത്തി​ലു​ണ്ടാ​യി. കാ​ഷ്വാ​ലി​റ്റി, ഓ​പ്പ​റേ​ഷ​ൻ തി​യേ​റ്റ​ർ ഇ​വ സ​ജ്ജ​മാ​ക്കി ആ​ശു​പ​ത്രി പ്ര​വ​ർ​ത്ത​നം കാ​ര്യ​ക്ഷ​മ​മാ​ക്കി. വി​ദ്യാ​ർ​ഥി പ്ര​വേ​ശ​ന അ​നു​മ​തി​ക്കാ​യാ​ണ് ക​ഴി​ഞ്ഞ ഒ​രു​വ​ർ​ഷ​മാ​യി ശ്ര​ദ്ധി​ച്ചു​വ​ന്ന​ത്.

Copyright @ 2022 , Rashtra Deepika Ltd.