പത്തനംതിട്ട: കഴിഞ്ഞ രണ്ടുവർഷമായി പത്തനംതിട്ട നഗരം വികസന വിഷയങ്ങളിൽ പിന്നോക്കം പോകുന്നതായി ഡിസിസി പ്രസിഡന്‍റ് പ്രഫ. സതീഷ് കൊച്ചുപറന്പിൽ.
നഗരവികസനം മുരടിച്ചുവെന്നാരോപിച്ച് യുഡിഎഫ് കൗൺസിലർമാരുടെ നേതൃത്വത്തിൽ നഗരസഭാ കവാടത്തിൽ നടത്തിയ സത്യഗ്രഹസമരം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
നഗരസഭ ഭരിക്കുന്ന എൽഡിഎഫ് ഭരണസമിതിയും സ്ഥലം എംഎൽഎ കൂടിയായ മന്ത്രി വീണാ ജോർജും തമ്മിലുള്ള പോര് കാരണം ജനങ്ങൾ ദുരിതത്തിലായെന്നും അദ്ദേഹം പറഞ്ഞു.
സ്റ്റേഡിയം വികസനത്തിന്‍റെ പേരിൽ അധികാരത്തിൽ വന്നവർ ജനവഞ്ചന കാട്ടിയതായും സതീഷ് കൊച്ചുപറന്പിൽ ആരോപിച്ചു. യുഡിഎഫ് പാർലമെന്‍ററി പാർട്ടി ലീഡർ കെ. ജാസിംകുട്ടി അധ്യക്ഷത വഹിച്ചു. യുഡിഎഫ് ജില്ലാ കൺവീനർ എ. ഷംസുദ്ദീൻ, ഡിസിസി വൈസ് പ്രസിഡന്‍റ് എ. സുരേഷ് കുമാർ, ഡിസിസി ഭാരവാഹികളായ റോഷൻ നായർ, സുനിൽ എസ്. ലാൽ, എം.സി. ഷെറീഫ്, സിന്ധു അനിൽ, ബ്ലോക്ക് പ്രസിഡന്‍റ് അബ്ദുൾ കലാം ആസാദ്, മണ്ഡലം പ്രസിഡന്‍റ് റെനീസ് മുഹമ്മദ്, മുൻ നഗരസഭാധ്യക്ഷ റോസ്‌ലിൻ സന്തോഷ്, കെഎസ്‌യു ജില്ലാ പ്രസിഡന്‍റ് അൻസർ മുഹമ്മദ്, കൗൺസിലർമാരായ സി.കെ. അർജുനൻ, അംബിക വേണു, ആനി സജി, ആൻസി തോമസ്, അഖിൽ അഴൂർ, മേഴ്സി വർഗീസ്, ഷീന രാജേഷ് എന്നിവർ പ്രസംഗിച്ചു.