ചങ്ങനാശേരി: ചങ്ങനാശേരി അതിരൂപത യുവദീപ്തി-എസ്എംവൈഎം സുവര്‍ണ ജൂബിലി വാരാഘോഷങ്ങള്‍ക്ക് ആയിരത്തോളം ബൈക്കുകള്‍ അണിനിരന്ന റാലിയോടെ വര്‍ണാഭമായ തുടക്കം.
യുവദീപ്തിയുടെ സ്ഥാപകന്‍ ആര്‍ച്ച്ബിഷപ് മാര്‍ ജോസഫ് പവ്വത്തിലില്‍നിന്ന് ഏറ്റുവാങ്ങിയ പതാക അതിരൂപത പ്രസിഡന്‍റ് അഡ്വ. ജോര്‍ജ് ജോസഫ് മെത്രാപ്പോലീത്തന്‍ പള്ളിയിലെ സമ്മേളന നഗരിയില്‍ ഉയര്‍ത്തി.
ചങ്ങനാശേരി ആര്‍ച്ച്ബിഷപ്‌സ് ഹൗസില്‍നിന്നു മെത്രാപ്പോലീത്തന്‍ പള്ളിയിലേക്കു നടന്ന ഇരുചക്ര വാഹനറാലി ട്രാഫിക് എസ്‌ഐ ഡെന്‍സന്‍ ഫ്‌ളാഗ്ഓഫ് ചെയ്തു.
അതിരൂപതയിലെ ഫൊറോനകളിലൂടെ പ്രയാണം പൂര്‍ത്തിയാക്കിയ പേടകങ്ങള്‍ മുന്‍കാല അതിരൂപത നേതാക്കന്മാര്‍ ഏറ്റുവാങ്ങി.
അതിരൂപത വികാരിജനറാള്‍ മോണ്‍. ജോസഫ് വാണിയപുരയ്ക്കല്‍, ഡയറക്ടര്‍ ഫാ. ജോബിന്‍ ആനക്കല്ലുങ്കല്‍, മെത്രാപ്പോലീത്തന്‍ പള്ളി വികാരി റവ. ഡോ. ജോസ് കൊച്ചുപറമ്പില്‍, ഫാ. സോണി പള്ളിച്ചിറയില്‍, റ്റോം തോമസ്, ജെയ്‌നെറ്റ് മാത്യു, അലന്‍ ടോമി, രേഷ്മ ദേവസ്യ, റ്റെബിന്‍ ആന്‍റണി, കിരണ്‍ കെന്നഡി, പ്രീതി ജയിംസ്, അമല റേച്ചല്‍ ഷാജി, ബ്ലസന്‍ തോമസ്, നേഹ ലെസ്‌ലി, ആല്‍ബിന്‍ ലാജി, ജോര്‍ഡി വര്‍ഗീസ്, അമ്മു ബാബു, ലാലിച്ചന്‍ മറ്റത്തില്‍, ആശിഷ് തുണ്ടുപറമ്പില്‍ എന്നിവര്‍ പ്രസംഗിച്ചു.