തിരുവല്ല: കേരള ഗസറ്റഡ് ഓഫീസേഴ്സ് യൂണിയൻ സംസ്ഥാന സമ്മേളനം നാളെ തിരുവല്ലയിൽ ആരംഭിക്കും. തിരുമൂലപുരം എംഡി എം ജൂബിലി ഹാളിലാണ് സമ്മേളനം. നാളെ രാവിലെ ഒന്പതിന് സംസ്ഥാന പ്രസിഡന്റ് എ. അബ്ദുൾ ഹാരിസ് പതാക ഉയർത്തും. 10ന് നിലവിലുള്ള സംസ്ഥാന കൗൺസിൽ യോഗത്തിൽ പ്രസിഡന്റ് എ. അബ്ദുൾ ഹാരിസ് അധ്യക്ഷത വഹിക്കും.
11.30ന് പ്രതിപക്ഷ നേതാവ് വി.ഡി. സതീശൻ സമ്മേളനം ഉദ്ഘാടനം ചെയ്യും. സംസ്ഥാന പ്രസിഡന്റ് എ. അബ്ദുൽ ഹാരിസ് അധ്യക്ഷത വഹിക്കും. രാജ്യസഭാ ഉപാധ്യക്ഷൻ പ്രഫ. പി.ജെ. കുര്യൻ, ആന്റോ ആന്റണി എംപി, കെ.സി. ജോസഫ്, ഡിസിസി പ്രസിഡന്റ് പ്രഫ. സതീഷ് കൊച്ചുപറമ്പിൽ എന്നിവർ മുഖ്യപ്രഭാഷണം നിർവഹിക്കും. കെപിസിസി ജനറൽ സെക്രട്ടറിമാരായ ജി. സുബോധൻ, പഴകുളം മധു, എം.എം. നസീർ, യൂത്ത് കോൺഗ്രസ് പ്രസിഡന്റ് ഷാഫി പറമ്പിൽ എംഎൽഎ, കെ. ശിവദാസൻ നായർ, കെഎസ്യു പ്രസിഡന്റ് അലോഷ്യസ് സേവ്യർ എന്നിവർ പങ്കെടുക്കും.
രണ്ടിന് കെപിസിസി വൈസ് പ്രസിഡന്റ് വി.ടി. ബൽറാം പ്രഭാഷണം നടത്തും. 3.30ന് സെമിനാർ യുഡിഎഫ് കൺവീനർ എം.എം. ഹസൻ ഉദ്ഘാടനം ചെയ്യും.
വൈകുന്നേരം അഞ്ചിന് നടക്കുന്ന ട്രേഡ് യൂണിയൻ സുഹൃദ് സമ്മേളനത്തിൽ സംസ്ഥാന വൈസ് പ്രസിഡന്റ് ബി. ഗോപകുമാർ അധ്യക്ഷത വഹിക്കും. മുൻ പ്രതിപക്ഷ നേതാവ് രമേശ് ചെന്നിത്തല സമ്മേളനം ഉദ്ഘാടനം ചെയ്യും.
കൊടിക്കുന്നിൽ സുരേഷ് എംപി, കെപിസിസി ജനറൽ സെക്രട്ടറി ടി.യു. രാധാകൃഷ്ണൻ എന്നിവർ മുഖ്യപ്രഭാഷണം നടത്തും. 6.30ന് സാംസ്കാരിക സമ്മേളനത്തിൽ സംസ്ഥാന വൈസ് പ്രസിഡന്റ് പി.ഐ. സുബൈർകുട്ടി അധ്യക്ഷത വഹിക്കും. എഐസിസി സെക്രട്ടറി പി.സി. വിഷ്ണുനാഥ് എംഎൽഎ സമ്മേളനം ഉദ്ഘാടനം ചെയ്യും. കെപിസിസി ജനറൽ സെക്രട്ടറി ആര്യാടൻ ഷൗക്കത്ത് മുഖ്യപ്രഭാഷണം നടത്തും.
11നു രാവിലെ 11ന് പ്രതിനിധി സമ്മേളനം കെപിസിസി പ്രസിഡന്റ് കെ. സുധാകരൻ എംപി ഉദ്ഘാടനം ചെയ്യും. തിരുവഞ്ചൂർ രാധാകൃഷ്ണൻ എംഎൽഎ, അടൂർ പ്രകാശ് എംപി എന്നിവർ മുഖ്യപ്രഭാഷണം നടത്തും. കെപിസിസി ജനറൽ സെക്രട്ടറിമാരായ കെ. ജയന്ത്, എ.എ. ഷുക്കൂർ, എം.ജെ. ജോബ്, സെക്രട്ടറി എൻ. ഷൈലാജ്, യുഡിഎഫ് ജില്ലാ ചെയർമാൻ എ. ഷംസുദീൻ, എ. സുരേഷ് കുമാർ എന്നിവർ പങ്കെടുക്കും.
രണ്ടിനു യാത്രയയപ്പ് സമ്മേളനം കെ. മുരളീധരൻ എംപി ഉദ്ഘാടനം ചെയ്യും. കെ. ബാബു എംഎൽഎ മുഖ്യപ്രഭാഷണം നടത്തും. മുൻ ഡിസിസി പ്രസിഡന്റ് ബാബു ജോർജ്, റോബിൻ പീറ്റർ എന്നിവർ | പ്രസംഗിക്കും. മൂന്നിനു സമാപന സമ്മേളനത്തിൽ സംസ്ഥാന വൈസ് പ്രസിഡന്റ് എസ്. അനിൽ കുമാർ അധ്യക്ഷത വഹിക്കും. സമാപന സമ്മേളനം കെപിസിസി ജനറൽ സെക്രട്ടറി ജി. സുബോധൻ ഉദ്ഘാടനം ചെയ്യും.