കാ​ല​വ​ര്‍​ഷ​ക്കെ​ടു​തി: മു​ന്നൊ​രു​ക്ക​ങ്ങ​ൾ വി​ല​യി​രു​ത്തി
Friday, June 2, 2023 11:04 PM IST
പ​ത്ത​നം​തി​ട്ട: കാ​ല​വ​ര്‍​ഷ​ത്തി​നു മു​ന്നോ​ടി​യാ​യി ര​ക്ഷാ​പ്ര​വ​ര്‍​ത്ത​ന​ത്തി​ന് ആ​വ​ശ്യ​മാ​യ സു​ര​ക്ഷാ ഉ​പ​ക​ര​ണ​ങ്ങ​ള്‍ പ​ഞ്ചാ​യ​ത്തു​ക​ള്‍ ഉ​റ​പ്പാ​ക്ക​ണ​മെ​ന്ന് മ​ന്ത്രി വീ​ണാ ജോ​ര്‍​ജ്. കാ​ല​വ​ര്‍​ഷ​മു​ന്നൊ​രു​ക്ക​ങ്ങ​ളും ത​യാ​റെ​ടു​പ്പു​ക​ളും പ​രി​ശോ​ധി​ക്കു​ന്ന​തി​ന് ജി​ല്ലാ ദു​ര​ന്ത​നി​വാ​ര​ണ അ​ഥോ​റി​റ്റി​യു​ടെ നേ​തൃ​ത്വ​ത്തി​ല്‍ ന​ട​ത്തി​യ ഓ​ണ്‍​ലൈ​ന്‍ യോ​ഗ​ത്തി​ല്‍ അ​ധ്യ​ക്ഷ​ത വ​ഹി​ച്ച് പ്ര​സം​ഗി​ക്കു​ക​യാ​യി​രു​ന്നു മ​ന്ത്രി.
പ​ഞ്ചാ​യ​ത്തു​ക​ളു​ടെ കൈ​വ​ശ​മു​ള്ള ഉ​പ​ക​ര​ണ​ങ്ങ​ളു​ടെ വി​വ​രം ശേ​ഖ​രി​ച്ച് റി​പ്പോ​ര്‍​ട്ട് സ​മ​ര്‍​പ്പി​ക്കു​ന്ന​തി​ന് ത​ദ്ദേ​ശ​ഭ​ര​ണ​വ​കു​പ്പ് ജി​ല്ലാ ജോ​യി​ന്‍റ് ഡ​യ​റ​ക്ട​റെ ചു​മ​ത​ല​പ്പെ​ടു​ത്തി.
പൊ​തു ഇ​ട​ങ്ങ​ളി​ല്‍ സു​ര​ക്ഷി​ത​ത്വം ഉ​റ​പ്പാ​ക്ക​ണം. റോ​ഡ് നി​ര്‍​മാ​ണ​പ്ര​വ​ര്‍​ത്ത​ന​ങ്ങ​ള്‍ യു​ദ്ധ​കാ​ലാ​ടി​സ്ഥാ​ന​ത്തി​ല്‍ പൂ​ര്‍​ത്തി​യാ​ക്ക​ണം. പൊ​തു ഇ​ട​ങ്ങ​ളി​ല്‍ നി​ര്‍​മാ​ണം ന​ട​ക്കു​ന്ന സ്ഥ​ല​ങ്ങ​ളി​ലെ കു​ഴി​ക​ളി​ലും മൂ​ടി​യി​ല്ലാ​ത്ത ഓ​ട​ക​ളി​ലും വാ​ഹ​നം അ​പ​ക​ട​ത്തി​ല്‍ പെ​ടാ​തി​രി​ക്കാ​ന്‍ സു​ര​ക്ഷാ​ബോ​ര്‍​ഡു​ക​ള്‍ സ്ഥാ​പി​ക്ക​ണം.
വൈ​ദ്യു​തി ലൈ​നു​ക​ള്‍​ക്ക് ഭീ​ഷ​ണി​യാ​യി നി​ല്‍​ക്കു​ന്ന മ​ര​ങ്ങ​ള്‍ എ​ത്ര​യും വേ​ഗം മു​റി​ച്ച് മാ​റ്റു​ന്ന​തി​ന് കെ​എ​സ്ഇ​ബി​യും പൊ​തു​മ​രാ​മ​ത്ത് നി​ര​ത്ത് വി​ഭാ​ഗ​വും പ​ഞ്ചാ​യ​ത്തും ഏ​കോ​പ​ന​ത്തോ​ടെ പ്ര​വ​ര്‍​ത്തി​ക്ക​ണം.
ജ​ല അ​ഥോ​റി​റ്റി​യു​ടെ പ്ര​വൃ​ത്തി​ക​ൾ അ​ടി​യ​ന്ത​ര​മാ​യി പൂ​ര്‍​ത്തി​യാ​ക്ക​ണം. കു​ടി​വെ​ള്ള പൈ​പ്പു​ക​ള്‍ സ്ഥാ​പി​ക്കു​ന്ന​തി​നാ​യി എ​ടു​ത്ത കു​ഴി​ക​ള്‍ മൂ​ടി റോ​ഡ് പൂ​ര്‍​വ​സ്ഥി​തി​യി​ലാ​ക്ക​ണം. ആ​രോ​ഗ്യ വ​കു​പ്പു​മാ​യി ബ​ന്ധ​പ്പെ​ട്ട് മ​രു​ന്ന് ല​ഭ്യ​ത, ക്ലി​നി​ക്കു​ക​ളു​ടെ പ്ര​വ​ര്‍​ത്ത​നം എ​ന്നി​വ ഉ​റ​പ്പാ​ക്ക​ണം. വ​കു​പ്പു​ക​ള്‍ ന​ട​ത്തി​യ മ​ഴ​ക്കാ​ല​പൂ​ര്‍​വ ശു​ചീ​ക​ര​ണ​പ്ര​വ​ര്‍​ത്ത​ന​ങ്ങ​ളും മ​ന്ത്രി വി​ല​യി​രു​ത്തി.
ജ​ല​നി​ര​പ്പ്
നി​രീ​ക്ഷി​ക്ക​ണം
മ​ഴ​യെ തു​ട​ര്‍​ന്ന് ഒ​റ്റ​പ്പെ​ട്ടു പോ​കു​ന്ന കു​രു​മ്പ​ന്‍​മൂ​ഴി, അ​റ​യാ​ഞ്ഞി​ലി​മ​ണ്ണ് പ്ര​ദേ​ശ​ങ്ങ​ളി​ലെ എ​ല്ലാ ജ​ന​ങ്ങ​ള്‍​ക്കും ഭ​ക്ഷ്യ​ധാ​ന്യ​കി​റ്റു​ക​ള്‍ സൗ​ജ​ന്യ​മാ​യി ല​ഭി​ക്കു​ന്നു​ണ്ടെ​ന്ന് ഉ​റ​പ്പാ​ക്ക​ണ​മെ​ന്നു പ്ര​മോ​ദ് നാ​രാ​യ​ണ്‍ എം​എ​ല്‍​എ പ​റ​ഞ്ഞു. സ്‌​കൂ​ള്‍ ബ​സു​ക​ള്‍ ക​ട​ന്നു പോ​കു​ന്ന റോ​ഡി​ലെ സു​ര​ക്ഷി​ത​ത്വം ഉ​റ​പ്പാ​ക്ക​ണം. കോ​ട്ടാ​ങ്ങ​ല്‍, വാ​യ്പൂ​ര് തു‌​ട​ങ്ങി​യ പ്ര​ദേ​ശ​ങ്ങ​ളി​ല്‍ മ​ണി​മ​ല​യാ​റി​ലെ ജ​ല​നി​ര​പ്പു​മാ​യി ബ​ന്ധ​പ്പെ​ട്ട അ​റി​യി​പ്പു​ക​ള്‍ കോ​ട്ട​യം ജി​ല്ലാ ഭ​ര​ണ​കൂ​ട​വു​മാ​യി ബ​ന്ധ​പ്പെ​ട്ടു ല​ഭ്യ​മാ​ക്ക​ണം.
മ​ണ്ണി​ടി​ച്ചി​ല്‍ സാ​ധ്യ​ത മു​ന്‍​കൂ​ട്ടി​ക​ണ്ട് വ​നം, ത​ദ്ദേ​ശ ഭ​ര​ണം, ട്രൈ​ബ​ല്‍ വ​കു​പ്പു​ക​ള്‍ ഏ​കോ​പ​ന​ത്തോ​ടെ പ്ര​വ​ര്‍​ത്തി​ക്ക​ണം. മി​ന്ന​ല്‍ പ്ര​ള​യം ഉ​ണ്ടാ​കാ​ന്‍ സാ​ധ്യ​ത​യു​ള്ള മ​ല്ല​പ്പ​ള്ളി​യി​ല്‍ മ​ഴ​ക്കാ​ല​ത്ത് അ​ടി​യ​ന്ത​ര ഇ​ട​പെ​ട​ലി​നാ​യി ഫ​യ​ര്‍​ഫോ​ഴ്‌​സ് യൂ​ണി​റ്റ് അ​നു​വ​ദി​ക്ക​ണ​മെ​ന്നും എം​എ​ൽ​എ പ​റ​ഞ്ഞു.

മ​ഴ കൂ​ടു​ത​ൽ പ​ത്ത​നം​തി​ട്ട​യി​ൽ

ജി​ല്ല​യി​ലെ മ​ഴ​മാ​പി​നി​ക​ള്‍ നി​രീ​ക്ഷി​ച്ച് പ്ര​വ​ര്‍​ത്ത​ന​ക്ഷ​മ​ത ഉ​റ​പ്പ് വ​രു​ത്തി​യി​ട്ടു​ണ്ടെ​ന്നു ജി​ല്ലാ ക​ള​ക്ട​ര്‍ ഡോ. ​ദി​വ്യ എ​സ്. അ​യ്യ​ര്‍ പ​റ​ഞ്ഞു. 15 മ​ഴ​മാ​പി​നി​ക​ള്‍ പു​തു​താ​യി സ്ഥാ​പി​ച്ചു. സം​സ്ഥാ​ന​ത്ത് ജ​നു​വ​രി മു​ത​ല്‍ ഏ​റ്റ​വും കൂ​ടു​ത​ല്‍ മ​ഴ ല​ഭി​ച്ച​ത് പ​ത്ത​നം​തി​ട്ട ജി​ല്ല​യി​ലാ​ണ്. ഡാ​മി​ന്‍റെ വൃ​ഷ്ടി പ്ര​ദേ​ശ​ങ്ങ​ളി​ല്‍ മ​ഴ കു​റ​വ് ആ​യി​രു​ന്ന​തി​നാ​ല്‍ നി​ല​വി​ല്‍ ആ​ശ​ങ്ക​പെ​ടേ​ണ്ട​തി​ല്ല. നി​ല​വി​ല്‍ ജി​ല്ല​യി​ലെ മൂ​ന്ന് ന​ദി​ക​ളി​ലെ​യും ജ​ല​ത്തി​ന്‍റെ​സു​ര​ക്ഷി​ത​മാ​യ നി​ല​യി​ലാ​ണ്. ന​ദി​ക​ളി​ലെ ചെ​ളി​യും മ​ണ്ണും നീ​ക്കം ചെ​യ്യു​ന്ന പ്ര​വ​ര്‍​ത്ത​ന​ങ്ങ​ള്‍ പു​രോ​ഗ​മി​ക്കു​ന്നു. ക​ഴി​ഞ്ഞ വ​ര്‍​ഷം പ്ര​വ​ര്‍​ത്തി​ച്ചി​രു​ന്ന 75 ക്യാ​മ്പു​ക​ള്‍ നി​ല​വി​ല്‍ സ​ജ്ജ​മാ​ക്കി​യി​ട്ടു​ണ്ട്. പ​ഞ്ചാ​യ​ത്തു​ക​ളു​ടെ സ​ഹാ​യ​ത്തോ​ടെ കൂ​ടു​ത​ല്‍ ക്യാ​മ്പു​ക​ള്‍ ഒ​രു​ക്കു​മെ​ന്നും ക​ള​ക്ട​ര്‍ പ​റ​ഞ്ഞു.
ജി​ല്ലാ പോ​ലീ​സ് മേ​ധാ​വി സ്വ​പ്നി​ല്‍ മ​ധു​ക​ര്‍ മ​ഹാ​ജ​ന്‍, എ​ഡി​എം ബി. ​രാ​ധ​കൃ​ഷ്ണ​ന്‍, ദു​ര​ന്ത നി​വാ​ര​ണ വി​ഭാ​ഗം ഡെ​പ്യൂ​ട്ടി ക​ള​ക്ട​ര്‍ ടി.​ജി. ഗോ​പ​കു​മാ​ര്‍, ഡി​എം​ഒ ഡോ. ​എ​ല്‍. അ​നി​താ കു​മാ​രി, വി​വി​ധ വ​കു​പ്പ് മേ​ധാ​വി​ക​ള്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.

Copyright @ 2022 , Rashtra Deepika Ltd.