അ​ടൂ​ർ: പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ പീ​ഡി​പ്പി​ച്ച കേ​സി​ൽ യു​വാ​വി​ന് 26 വ​ർ​ഷ​വും നാ​ല് മാ​സ​വും ക​ഠി​ന ത​ട​വും 1.10 ല​ക്ഷം രൂ​പ പി​ഴ​യും. അ​ടൂ​ർ അ​തി​വേ​ഗ​ കോ​ട​തി ജ​ഡ്ജി റ്റി. ​മ​ഞ്ജി​ത്താ​ണ് ശി​ക്ഷ വി​ധി​ച്ച​ത്.

പു​ന​ലൂ​ർ തി​ങ്ക​ൾ ക​രി​ക്കം വി​ല്ലേ​ജി​ൽ സ​നി​ൽ ഭ​വ​ന​ത്തി​ൽ സ​നി​ലി​നെ​യാ​ണ് (24) ശി​ക്ഷി​ച്ച​ത്. ഫേ​സ്ബു​ക്കി​ലൂ​ടെ പ​രി​ച​യ​പ്പെ​ട്ട അ​തി​ജീ​വി​ത​യെ 2023 ജൂ​ലൈ 23 നു ​വി​വാ​ഹ വാ​ഗ്ദാ​നം ന​ൽ​കി വി​ശ്വ​സി​പ്പി​ച്ച് അ​ഞ്ച​ലി​ൽ വ​രു​ത്തി. തു​ട​ർ​ന്നു അ​ഞ്ച​ൽ റെ​യ്ഞ്ച് ഓ​ഫീ​സി​നു പ​രി​ധി​യി​ലു​ള്ള ഉ​ൾ​വ​ന​ത്തി​ൽ കൊ​ണ്ടു​പോ​യി പീ​ഡി​പ്പി​ച്ച് ഫോ​ട്ടോ​ക​ൾ എ​ടു​ത്ത് ഇ​ൻ​സ്റ്റാ​ഗ്രാ​മി​ൽ പ്ര​ദ​ർ​ശി​പ്പി​ച്ചു.

ഇ​തി​നെ എ​തി​ർ​ത്ത അ​തി​ജീ​വി​ത​യെ മാ​ര​ക​മാ​യി ദേ​ഹോ​പ​ദ്ര​വം ഏ​ല്പി​ച്ചു പീ​ഡി​പ്പി​ച്ചു​വെ​ന്നാ​ണ് കേ​സ്. പ​ന്ത​ളം എ​സ്എ​ച്ച്ഒ ടി.​ഡി. പ്ര​ജീ​ഷാ​ണ് കു​റ്റ​പ​ത്രം സ​മ​ർ​പ്പി​ച്ച​ത്. പ്രോ​സി​ക്യൂ​ഷ​ൻ 24 സാ​ക്ഷി​ക​ളെ വി​സ്ത​രി​ച്ച് 42 രേ​ഖ​ക​ൾ ഹാ​ജ​രാ​ക്കി. ഇ​ന്ത്യ​ൻ ശി​ക്ഷാ നി​യ​മ​വും പോ​ക്സോ ആ​ക്‌​റ്റും പ്ര​കാ​രം സ​നി​ൽ കു​റ്റ​ക്കാ​ര​നാ​ണെ​ന്നു ക​ണ്ടെ​ത്തി​യാ​ണ് കോ​ട​തി ശി​ക്ഷി​ച്ച​ത്.

പ്ര​തി പി​ഴ​ത്തു​ക അ​ട​ച്ചാ​ൽ അ​തി​ജീ​വി​ത​യ്ക്കു ന​ൽ​കാ​ൻ ലീ​ഗ​ൽ സ​ർ​വീ​സ് അ​ഥോ​റി​റ്റി​ക്കു നി​ർ​ദേ​ശം ന​ൽ​കി. പ്രോ​സി​ക്യൂ​ഷ​നു​വേ​ണ്ടി സ്പെ​ഷൽ പ​ബ്ലി​ക് പ്രോ​സി​ക്യൂ​ട്ട​ർ സ്മി​താ പി. ​ജോ​ൺ ഹാ​ജ​രാ​യി.