ഇ​ട്ടി​യ​പ്പാ​റ​യി​ൽ ശ്വാ​സം മു​ട്ടി ജ​നങ്ങൾ
Wednesday, October 23, 2019 11:00 PM IST
റാ​ന്നി: ഇ​ട്ടി​യ​പ്പാ​റ​യി​ലെ മാ​ലി​ന്യം ജ​ന​ജീ​വി​ത​ത്തെ പ്ര​തി​കൂ​ല​മാ​യി ബാ​ധി​ക്കു​ന്നു.മാ​ലി​ന്യ​ത്തി​ൽ നി​ന്നു​ള്ള ദു​ർ​ഗ​ന്ധം വ്യാ​പാ​രി​ക​ളെ​യും വ​ഴി​യാ​ത്ര​ക്കാ​രെ​യും ഒ​രേ പോ​ലെ​യാ​ണ് ബാ​ധി​ക്കു​ന്ന​ത്. മാ​ലി​ന്യ​വും മ​ലി​ന​ജ​ല​വും എ​ല്ലാ​മാ​യി പരിസര മലിനീകരണവും ആരോഗ്യ പ്രശ്നങ്ങളും രൂക്ഷമാക്കുന്നു.

മാ​ലി​ന്യ സം​സ്ക​ര​ണ പ​ദ്ധ​തി​ക​ൾ വൈ​കു​ന്ന​താ​ണ് ടൗ​ണി​ന്‍റെ ഹൃ​ദ​യ ഭാ​ഗ​ത്തെ ശ്വാ​സം മു​ട്ടി​ക്കു​ന്ന​തി​നു പ്ര​ധാ​ന കാ​ര​ണം. ഇ‌‌​ട്ടി​യ​പ്പാ​റ ബ​സ് സ്റ്റാ​ൻ​ഡി​ന് പു​റ​കു​വ​ശ​മാ​ണ് മാ​ലി​ന്യ കൂ​മ്പാ​രം. നാ​ളു​ക​ളാ​യി ചാ​ക്കു​ക​ളി​ലും പ്ലാ​സ്റ്റി​ക് ക​വ​റു​ക​ളി​ലു​മാ​ക്കി അ​വ​ശി​ഷ്ട​ങ്ങ​ൾ ഇ​വി​ടേ​ക്ക് ത​ള്ളു​ക​യാ​ണ്.

വ്യാ​പാ​ര സ്ഥാ​പ​ന​ങ്ങ​ളി​ൽ നി​ന്നും ത​ട്ടു​ക​ട​ക​ളി​ൽ നി​ന്നു​മു​ള്ള മാ​ലി​ന്യ​മാ​ണ് ഇ​വി​ടേ​ക്ക് കൊ​ണ്ട‌ി​ടു​ന്ന​ത്. രാ​ത്രി​കാ​ല​ങ്ങ​ളി​ലാ​ണ് ഇ​വ ഏ​റെ​യും ഇ​വി​ടെ നി​ക്ഷേ​പി​ക്കു​ന്ന​ത്. കൂ​മ്പാ​ര​ത്തി​ന് ഇ​ട​യി​ലേ​ക്ക് മാ​ലി​ന്യം ഇ​ടു​ന്ന​വ​ർ ത​ന്നെ തീ​യി‌​ടു​ക കൂ​ടി ചെ​യ്തു തു​ട​ങ്ങി​യ​തോ​ടെ വാ​യു മ​ല​നി​ക​ര​ണ​വും ഇ​ര​ട്ടി​യാ​യി മാ​റു​ന്നു​ണ്ട്.

തീ​യി​ടു​ന്ന മാ​ലി​ന്യം ഇ​വി​ടെ കി​ട​ന്ന് പു​ക​ഞ്ഞ് പ​രി​സ​ര​മാ​കെ അ​സ​ഹ്യ​മാ​യ ദു​ർ​ഗ​ന്ധ​മാ​ണ് ഉ​ണ്ടാ​കു​ന്ന​ത്.

പ്ലാ​സ്റ്റി​ക്കു​ക​ളും മ​റ്റും ക​ത്തി​യു​ള്ള ദു​ർ​ഗ​ന്ധം പ്ര​ദേ​ശ​മാ​കെ വ്യാ​പി​ക്കു​ന്നു. ശ്വാ​സ​കോ​ശ രോ​ഗ​ങ്ങ​ൾ​ക്കും അ​ല​ർ​ജി​ക്കും ഇ​ത് ഇ​ട​വ​രു​ത്തു​ന്നു. മ​ഴ പെ​യ്തൊ​ഴി​ഞ്ഞാ​ലും മാ​ലി​ന്യ​പ്പു​ക​യ്ക്ക് ശ​മ​ന​മി​ല്ല. ഇ​ങ്ങ​നെ മാ​ലി​ന്യം ക​ത്തി​ക്കു​ന്ന​ത് സം​ബ​ന്ധി​ച്ച് പ​രാ​തി ഉ​യ​ർ​ന്ന​പ്പോ​ൾ കു​ഴി​ച്ച് മൂ​ടു​ന്ന രീ​തി​ക​ളും തു​ട​ങ്ങി​യി​ട്ടു​ണ്ട്.

ദി​വ​സ​ങ്ങ​ൾ​ക്ക് മു​ന്പും ബ​സ് സ്റ്റാ​ൻ​ഡി​ന് സ​മീ​പ​ത്തെ മാ​ലി​ന്യ​ക്കെ​ട്ടു​ക​ൾ​ക്ക് തീ​യി​ട്ടു. ഇ​പ്പോ​ഴും പ​ല​ഭാ​ഗ​ത്താ​യി നീ​റി പു​ക​യു​ന്നു​ണ്ട്.

മ​ഴ​ക്കാ​ല​ത്ത് മാ​ലി​ന്യ​ങ്ങ​ൾ പ​മ്പാ​ന​ദി​യി​ലും വ​ലി​യ​തോ​ട്ടി​ലും ചെ​ന്നെ​ത്തു​ന്ന സ്ഥി​തി​യാ​ണ്.10 ല​ക്ഷം രൂ​പ ചെ​ല​വി​ൽ തു​മ്പൂ​ർ​മൂ​ഴി പ​ദ്ധ​തി അ​ണി​യ​റ​യി​ൽ ഒ​രു​ങ്ങു​ന്നു​ണ്ടെ​ങ്കി​ലും പ്ര​വ​ർ​ത്ത​നം തു​ട​ങ്ങി​യി​ട്ടി​ല്ല. ജൈ​വ മാ​ലി​ന്യ​ങ്ങ​ൾ സം​സ്ക​രി​ച്ചു വ​ള​മാ​ക്കാ​നും പ​ഞ്ചാ​യ​ത്ത് പ​ദ്ധ​തി ആ​വി​ഷ്ക​രി​ച്ചി​ട്ടു​ണ്ട്. പ്ലാ​സ്റ്റി​ക് വ​സ്തു​ക്ക​ൾ സം​സ്ക​രി​ക്കു​ന്ന​തി​നും യൂ​ണി​റ്റ് പ​ണി​തി‌‌​ട്ടു​ണ്ട്.

ബ​സ് സ്റ്റാ​ൻ​ഡ് പ​രി​സ​ര​ത്ത് കെ​ട്ടി കി​ട​ക്കു​ന്ന മാ​ലി​ന്യ​ങ്ങ​ൾ കു​ഴി​ക​ളെ​ടു​ത്തു മൂ​ടി​യാ​ലേ ശാ​ശ്വ​ത പ​രി​ഹാ​രം കാ​ണാ​ൻ ക​ഴി​യൂ.

ജൈ​വം, അ​ജൈ​വം എ​ന്നു വേ​ർ​തി​രി​ച്ച് ശേ​ഖ​രി​ച്ചാ​ൽ മാ​ലി​ന്യ പ്ര​ശ്നം ഒ​രു പ​രി​ധി വ​രെ കു​റ​യ്ക്കാ​നാ​കു​മെ​ന്ന് ഈ ​രം​ഗ​ത്തെ വി​ദ​ഗ്ധ​ർ പ​റ​യു​ന്ന​ത്.

എ​ന്നാ​ൽ ഇ​ങ്ങ​നെ വേ​ർ​തി​രി​ച്ചു സൂ​ക്ഷി​ക്കു​ന്ന പ്ലാ​സ്റ്റി​ക്കും ക​ട​ലാ​സും കൂ​ടു​ക​ളും ക​വ​റു​ക​ളും മ​റ്റും ശേ​ഖ​രി​ച്ച് പു​ന​രു​പ​യോ​ഗ കേ​ന്ദ്ര​ങ്ങ​ളി​ലേ​ക്ക് അ​യ​യ്ക്കാ​ൻ പ​ഞ്ചാ​യ​ത്ത് ത​ല​ത്തി​ലോ മ​റ്റ് ഏ​ജ​ൻ​സി ത​ല​ങ്ങ​ളി​ലോ സം​വി​ധാ​നം നി​ല​വി​ലി​ല്ല.

അ​ശാ​സ്ത്രീ​യ രീ​തി​യി​ലെ മാ​ലി​ന്യ സം​സ്ക​ര​ണ​വും മാ​ലി​ന്യം വ​ലി​ച്ചെ​റി​യു​ന്ന​തും ത​ട​യാ​ൻ ബ​സ​പ്പെ​ട്ട​വ​ർ ത​യാ​റാ​യി​ല്ലെ​ങ്കി​ൽ റാ​ന്നി നേ​രി​ടു​ക വ​ലി​യ ആ​രോ​ഗ്യ​പ്ര​ശ്ന​മാ​കു​മെ​ന്ന​തി​ൽ സം​ശ​യ​മി​ല്ല.