ബ്രാ​ഞ്ച് സെ​ക്ര​ട്ട​റി സാ​ധാ​ര​ണ​ക്കാ​രു​ടെ പൊ​തു​വ​ഴി കൈയേ​റി മ​തി​ല്‍​കെ​ട്ടി​യെ​ന്ന്
Saturday, January 28, 2023 11:13 PM IST
അ​മ്പ​ല​പ്പു​ഴ: ജി​ല്ല​യി​ല്‍ സി​പി​എം നേ​താ​ക്ക​ള്‍​ക്കെ​തി​രേ ആ​രോ​പ​ണ​ങ്ങ​ള്‍ പി​ടി​മു​റു​ക്കു​ന്ന​തി​നി​ടെ വ​ള​ഞ്ഞ​വ​ഴി​യി​ല്‍ സാ​ധാ​ര​ണ​ക്കാ​രു​ടെ സ​ഞ്ചാ​ര സ്വാ​ത​ന്ത്ര്യം ത​ട​സ​പ്പെ​ടു​ത്തി ബ്രാ​ഞ്ച് സെ​ക്ര​ട്ട​റി ​പൊ​തു​വ​ഴി  കൈയേറി  ​മ​തി​ല്‍​കെ​ട്ടി. ഇ​ത് പാ​ര്‍​ട്ടി​ക്കു​ള്ളി​ലും വി​വാ​ദ​ങ്ങ​ള്‍​ക്ക് വ​ഴി​യൊ​രു​ക്കി​യി​രി​ക്കു​ക​യാ​ണ്. അ​മ്പ​ല​പ്പു​ഴ വ​ട​ക്ക് പ​ഞ്ചാ​യ​ത്ത് വ​ള​ഞ്ഞ​വ​ഴി തെ​ക്ക് ബ്രാ​ഞ്ച് സെ​ക്ര​ട്ട​റി​ക്കെ​തി​രെ​യാ​ണ് നാ​ട്ടു​കാ​രു​ടെ​യും പാ​ര്‍​ട്ടി​ക്കു​ള്ളി​ല്‍ നി​ന്നും വി​വാ​ദ​ങ്ങ​ള്‍ ഉ​യ​ര്‍​ന്നി​രി​ക്കു​ന്ന​ത്.
കാ​യ്പ്പ​ള്ളി ക്ഷേ​ത്ര​ത്തി​ന് പി​ന്‍​ഭാ​ഗ​ത്തു​വ​രെ എ​ത്തു​ന്ന പു​റം​മ്പോ​ക്ക് സ്ഥ​ല​മാ​ണ് 3 മീ​റ്റ​ര്‍ വീ​തി​യി​ല്‍ നാ​ട്ടു​കാ​ര്‍ വ​ഴി​യാ​ക്കി​യ​ത്. പ​ഞ്ചാ​യ​ത്ത് ഫ​ണ്ട് ഉ​പ​യോ​ഗി​ച്ച് പ​കു​തി​യി​ലേ​റെ ഭാ​ഗം​വ​ഴി കോ​ണ്‍​ക്രീ​റ്റ് ചെ​യ്തി​രു​ന്നു. അ​റു​പ​തോ​ളം കു​ടും​ബ​ങ്ങ​ള്‍​ക്ക് പ്ര​ധാ​ന റോ​ഡി​ല്‍ എ​ത്തു​ന്ന പൊ​തു​വ​ഴി​ക്ക​രി​കി​ലെ താ​മ​സ​ക്കാ​ര​നാ​യ സി​പി​എം ബ്രാ​ഞ്ച് സെ​ക്ര​ട്ട​റി ഇ​യാ​ളു​ടെ വീ​ടി​ന് സ​മീ​പം വ​ഴി​യ​ട​ച്ച് മ​തി​ല്‍ കെ​ട്ടാ​ൻ ഒ​രു​ങ്ങു​ക​യാ​യി​രു​ന്നു.
തു​ട​ര്‍​ന്ന് നാ​ട്ടു​കാ​രു​ടെ പ​രാ​തി​യി​ല്‍ പാ​ര്‍​ട്ടി ഇ​ട​പെ​ട്ട് ഇ​യാ​ളെ പി​ന്തിരി​പ്പി​ക്കാ​ന്‍ ശ്ര​മി​ച്ചെ​ങ്കി​ലും വ​ഴി​ത​ട​സ​പ്പെ​ടു​ത്താ​നു​ള്ള ഉ​റ​ച്ച​തീ​രു​മാ​ന​ത്തി​ലാ​യി​രു​ന്നു ഇ​യാ​ൾ.
അ​മ്പ​ല​പ്പു​ഴ പോ​ലീ​സി​ന് ന​ല്‍​കി​യ പ​രാ​തി​യി​ല്‍ ബ്രാ​ഞ്ച് സെ​ക്ര​ട്ട​റി പു​റ​മ്പോ​ക്ക് ഭൂ​മി ക​യ്യേ​റി​യാ​ണ് മ​തി​ല്‍ കെ​ട്ടു​ന്ന​തെ​ന്ന് മ​ന​സി​ലാ​ക്കി നി​ര്‍​മാ​ണം നി​ര്‍​ത്തി​വ​ച്ചി​രി​ക്കു​ക​യാ​ണ്. എ​ങ്കി​ലും പു​റം​പോ​ക്ക് ഭൂ​മി വി​ട്ടു​കൊ​ടു​ക്കാ​ന്‍ ഇ​യാ​ള്‍ ത​യാ​റാ​യി​ല്ല. പു​റ​മ്പോ​ക്കു ഭൂ​മി ത​ങ്ങ​ൾ​ക്കു വ​ഴി ന​ട​ക്കാ​ൻ ന​ൽ​ക​ണ​മെ​ന്നാ​വ​ശ്യ​പ്പെ​ട്ട് കു​ടും​ബ​ങ്ങ​ൾ കോ​ട​തി​യെ സ​മീ​പി​ച്ച​തി​നെ തു​ട​ർ​ന്നാ​ണ് പു​റ​മ്പോ​ക്കാ​യ ഈ ​ഭൂ​മി പ​ഞ്ചാ​യ​ത്ത്‌ വ​ഴി​യാ​യി ന​ൽ​കു​ന്ന​ത്. ഇ​താ​ണ് സി​പി​എം നേ​താ​വ് വ​ഴി​യ​ട​ച്ച് കൈ​യേ​റി​യ​ത്.
ഇ​തോ​ടെ നി​ര​വ​ധി കു​ടും​ബ​ങ്ങ​ൾ​ക്കാ​ണ് വ​ഴി​യി​ല്ലാ​താ​കു​ന്ന​ത്. ബ്രാ​ഞ്ച് സെ​ക്ര​ട്ട​റി​ക്കെ​തി​രെ പാ​ർ​ട്ടി​ക്കു​ള്ളി​ലും എ​തി​ർ​പ്പി​ന്‍റെ പു​ക ഉ​യ​രു​ന്നു​ണ്ടെ​ങ്കി​ലും ഏ​രി​യ സെ​ക്ര​ട്ട​റി ഇ​യാ​ൾ​ക്ക് പി​ൻ​തു​ണ​യു​മാ​യി രം​ഗ​ത്തു​ള്ള​ത് ഏ​റെ വി​വാ​ദ​ങ്ങ​ൾ​ക്ക് വ​ഴി​യൊ​രു​ക്കി​യി​രി​ക്കു​ക​യാ​ണ്.

Copyright @ 2022 , Rashtra Deepika Ltd.