മ​ങ്കൊ​മ്പ്: പാ​ട​ശേ​ഖ​ര​ത്തി​ലെ വെ​ള്ളം വ​റ്റി​ക്കു​ന്ന​തി​നി​ടെ മോ​ട്ടോ​ർത​റ​യി​ലെ ബെ​ൽ​റ്റി​ൽ ലു​ങ്കി കു​രു​ങ്ങി​യു​ണ്ടാ​യ അ​പ​ക​ട​ത്തി​ൽ മോ​ട്ടോ​ർ ഡ്രൈ​വ​ർ മ​രി​ച്ചു.

ച​മ്പ​ക്കു​ളം ഗ്രാ​മ​പ​ഞ്ചാ​യ​ത്ത് ഒ​ന്നാം​ക​ര കോ​ള​നി ന​മ്പ​ർ 27ൽ ​പാ​റ​ശേ​രി​ച്ചി​റ ജോ​സ​ഫ് ജോ​ർ​ജ് (69) ആണ് ​മ​രി​ച്ച​ത്. എ​സി റോ​ഡി​നു സ​മീ​പ​ത്തു​ള്ള ച​മ്പ​ക്കു​ളം കൃ​ഷി​ഭ​വ​ൻ പ​രി​ധി​യി​ലെ മൂ​ല പൊ​ങ്ങ​മ്പ്ര പാ​ട​ശേ​ഖ​ര​ത്തിന്‍റെ ഒ​ന്നാം​ക​ര ചേ​നാ​വ​ള്ളി മോ​ട്ടോ​ർ ത​റ​യി​ലാ​യി​രു​ന്നു സം​ഭ​വം. രാ​വി​ലെ 11.30 ഓ​ടെ​യാ​യി​രു​ന്നു അ​പ​ക​ടം ന​ട​ന്ന​ത്.

രാ​വി​ലെ 11 വ​രെ ഇ​ദ്ദേ​ഹ​ത്തെ നാ​ട്ടു​കാ​ർ ക​ണ്ടി​രു​ന്നു. 12.30 ഓ​ടെ അ​തു​വ​ഴി​വ​ന്ന നാ​ട്ടു​കാ​രാ​ണ് ജോസഫ് ജോർജ് അ​പ​ക​ട​ത്തി​ൽപ്പെ​ട്ട നി​ല​യി​ൽ ക​ണ്ട​ത്. മോ​ട്ടോ​ർ പ്ര​വ​ർ​ത്തി​ച്ചു​കൊ​ണ്ടി​രി​ക്കു​ന്ന​തി​നി​ടെ ബെ​ൽ​റ്റി​നി​ട​യി​ൽ കു​രു​ങ്ങി​പ്പോ​കു​ക​യാ​യി​രു​ന്നു​വെ​ന്നാ​ണ് ക​രു​തു​ന്ന​ത്.

അ​പ​ക​ട​ത്തി​ൽ ജോസഫ് ജോർജിന്‍റെ വ​ല​തു​കൈ അ​റ്റു​പോ​യി​രു​ന്നു. അ​പ​ക​ട​ത്തെ​ത്തു​ട​ർ​ന്നു മോ​ട്ടോ​റും മ​റി​ഞ്ഞു​നി​ല​ത്തു​ വീ​ണ നി​ല​യി​ലാ​യി​രു​ന്നു. താ​ത്കാ​ലി​ക ഡ്രൈ​വ​റാ​യി ക​ഴി​ഞ്ഞ ജൂ​ണി​ലാ​ണ് ജോ​സ​ഫ് ജോ​ർ​ജ്് ഇ​വി​ടെ ജോ​ലി​ക്കെ​ത്തി​യ​ത്. പു​ളി​ങ്കു​ന്ന് പോ​ലീ​സ് സ്ഥ​ല​ത്തെ​ത്തി മേ​ൽ ന​ട​പ​ടി​ക​ൾ സ്ഥി​ക​രി​ച്ചു. മൃ​ത​ദേ​ഹം വ​ണ്ടാ​നം മെ​ഡി​ക്ക​ൽ കോ​ളേ​ജ് ആ​ശു​പ​ത്രി മോ​ർ​ച്ച​റി​യി​ൽ. ഭാ​ര്യ: ക​ഞ്ഞു​മോ​ൾ. മ​ക്ക​ൾ: മ​റി​യാ​മ്മ ജോ​സ​ഫ്, ജാ​ൻ​സി ജോ​സ​ഫ്. മ​രു​മ​ക്ക​ൾ: അ​നീ​ഷ്, ജോ.