ചാ​രും​മൂ​ട്: സം​സ്ഥാ​ന സ​ർ​ക്കാ​രി​ന്‍റെ പ്ര​ഥ​മ ആ​യു​ഷ് കാ​യ​ക​ൽ​പ്പ് പു​ര​സ്കാ​ര​ത്തി​ൽ 98.33 ശ​തമാ​നം സ്കോ​ർ നേ​ടി ജി​ല്ല​യി​ൽ ഒ​ന്നാം​സ്ഥാ​നം പാ​ല​മേ​ൽ ഗ​വ​ൺ​മെ​ന്‍റ് ഹോമി​യോ ഡി​സ്പെ​ൻ​സ​റി​ക്ക്. സ​ർ​ക്കാ​ർ ആ​യു​ഷ് ആ​രോ​ഗ്യ​സ്ഥാ​പ​നങ്ങ​ളി​ലെ ശു​ചി​ത്വം, രോ​ഗീ​പ​രി​ച​ര​ണം, മാ​ലി​ന്യ​പ​രി​പാ​ല​നം, അ​ണു​ബാ​ധ​നി​യ​ന്ത്ര​ണം എ​ന്നി​വ വി​ല​യി​രു​ത്തി പ്രോ​ത്സാ​ഹി​പ്പി​ക്കാ​നാ​ണ് പു​ര​സ്കാ​രം. ആ​രോ​ഗ്യ​മ​ന്ത്രി വീ​ണാ ജോ​ർ​ജ് ക​ഴി​ഞ്ഞ​ദി​വ​സ​മാ​ണ് അ​വാ​ർ​ഡ് പ്ര​ഖ്യാ​പി​ച്ച​ത്. ഒ​രു ല​ക്ഷം രൂ​പ​യാ​ണ് പു​ര​സ്കാ​ര​ത്തു​ക.

നി​ല​വി​ൽ ആ​സ്‌​ത്‌​മ അ​ല​ർ​ജി ക്ലി​നി​ക്കി​ൽ ഡോ​ക്‌​ട​റു​ടെ സേ​വ​നം തി​ങ്ക​ൾ, ചൊ​വ്വ, വ്യാഴം ദി​വ​സ​ങ്ങ​ളി​ൽ ല​ഭി​ക്കും. തൈ​റോ​യ്‌​ഡ്, വെ​രി​ക്കോ​സ് വെ​യി​ൻ, പൈ​ൽ​സ്, മൈ​ഗ്രൈ​ൻ തു​ട​ങ്ങി​യ രോ​ഗങ്ങ​ൾ​ക്കു​ള്ള ചി​കി​ത്സ​ക​ളും ആ​ശു​പ​ത്രി​യി​ൽ ല​ഭ്യ​മാ​ണ്.

വ​യോ​ജ​ന ക്യാ​മ്പു​ക​ൾ, സ്ത്രീക​ൾ​ക്കു​വേ​ണ്ടി പ്ര​ത്യേ​കം ആ​രോ​ഗ്യക്യാ​മ്പു​ക​ൾ, ജീ​വി​ത ശൈ​ലീരോ​ഗ​ങ്ങ​ൾ പ​രി​ഹ​രിക്കാ​ൻ ക്യാ​മ്പു​ക​ൾ, എ​ല്ലാ ദി​വസ​വും സൗ​ജ​ന്യ യോ​ഗാ പ​രി​ശീ​ല​നം എ​ന്നി​വ​യും ന​ൽ​കു​ന്നു. മ​രു​ന്നു​ക​ൾ​ക്കും കെ​ട്ടി​ട നി​ർ​മാ​ണ​ത്തി​നും പാ​ല​മേ​ൽ പ​ഞ്ചാ​യ​ത്ത് ഫ​ണ്ടു​ക​ൾ വ​ക​യി​രു​ത്തു​ന്നു​ണ്ട്. ചീ​ഫ് മെ​ഡി​ക്ക​ൽ ഓ​ഫീ​സ​റാ​യി ഡോ. ​വി. സ​ജീ​വും ആ​സ്ത്‌മ അ​ല​ർ​ജി ക്ലി​നി​ക്കി​ൽ ഡോ. ​ശ്യാം മോ​ഹ​നും സേ​വ​ന​മ​നു​ഷ്ഠി​ക്കു​ന്നു.