കാ​റ്റും മ​ഴ​യും ക​ട​ൽ​ക്ഷോ​ഭ​വും! ദു​രി​ത​ക്ക​യ​ത്തി​ൽ ജ​നം
Saturday, July 20, 2019 10:15 PM IST
ആ​ല​പ്പു​ഴ: ജി​ല്ല​യി​ൽ തു​ട​രു​ന്ന ശ​ക്ത​മാ​യ മ​ഴ​യി​ലും കാ​റ്റി​ലും ക​ട​ൽ​ക്ഷോ​ഭ​ത്തി​ലും വ്യാ​പ​ക നാ​ശ​ന​ഷ്ടം. പ​ല​യി​ട​ത്തും മ​ര​ങ്ങ​ൾ ക​ട​പു​ഴ​കി​വീ​ണ് വീ​ടു​ക​ൾ​ക്കു കേ​ടു​പാ​ടു​ക​ൾ ഉ​ണ്ടാ​യി. ജി​ല്ല​യി​ലെ താ​ഴ്ന്ന പ്ര​ദേ​ശ​ങ്ങ​ളി​ലെ വീ​ടു​ക​ളി​ൽ വെ​ള്ളം ക​യ​റി. വൈ​ദ്യു​തി തൂ​ണു​ക​ൾ ഒ​ടി​ഞ്ഞും മ​ര​ങ്ങ​ൾ വീ​ണും പ​ല​യി​ട​ത്തും വൈ​ദ്യു​തി​ബ​ന്ധം നി​ല​ച്ചു. ജില്ലയിൽ ഒരു വീട് പൂർണമായും നാലു വീടുകൾ ഭാഗികമായും തകർ ന്നിട്ടുണ്ട്. മാവേലിക്കരയിലാണ് ഒരുവീട് പൂർണമായും തകർ ന്നത്.

കാ​ട്ടൂ​ർ, ആ​റാ​ട്ടു​പു​ഴ, ന​ല്ലാ​ണി​ക്ക​ൽ പ്ര​ദേ​ശ​ങ്ങ​ളി​ൽ ക​ടാ​ലാ​ക്ര​മ​ണ​വും രൂ​ക്ഷ​മാ​ണ്. ആ​റാ​ട്ടു​പു​ഴ​യി​ൽ 31 കു​ടും​ബ​ങ്ങ​ളെ​യും കാ​ട്ടൂ​രി​ൽ 15 കു​ടും​ബ​ങ്ങ​ളെ​യും ദു​രി​ദാ​ശ്വാ​സ ക്യാ​ന്പു​ക​ളി​ലേ​ക്കു മാ​റ്റി പാ​ർ​പ്പി​ച്ചു. ര​ണ്ടി​ട​ങ്ങ​ളി​ലു​മാ​യി 199 പേർ ക്യാ​ന്പു​ക​ളി​ലു​ണ്ട്. ആ​റാ​ട്ടു​പു​ഴ ജി​പി​എ​ൽ​പി സ്കൂ​ളി​ലും കാ​ട്ടൂ​ർ ല​യോ​ള ഹാ​ളി​ലു​മാ​ണ് ക്യാ​ന്പു​ക​ൾ. കാ​ട്ടൂ​രി​ൽ ര​ണ്ടു വീ​ടു​ക​ൾ ഏ​തു​നി​മി​ഷ​വും ക​ട​ലെ​ടു​ക്കു​മെ​ന്ന അ​വ​സ്ഥ​യി​ലാ​ണ്.

തൃ​ക്കു​ന്ന​പ്പു​ഴ, ആ​റാ​ട്ടു​പു​ഴ തീ​ര​ദേ​ശ​റോ​ഡ് ക​വി​ഞ്ഞ് ക​ട​ൽ​വെ​ള്ളം ഒ​ഴു​കി​യെ​ത്തി. പെ​രു​ന്പ​ള്ളി, ക​ള്ളി​ക്കാ​ട്ട് പ്ര​ദേ​ശ​ങ്ങ​ളി​ലും തൃ​ക്കു​ന്ന​പ്പു​ഴ പ്ര​ണ​വം​ന​ഗ​ർ ഭാ​ഗ​ത്തും റോ​ഡി​നു സ​മീ​പം മ​ണ​ൽ തി​ട്ട​യു​ടെ ഭാ​ഗം ഒ​ലിച്ചു​പോ​യ നി​ല​യി​ലാ​ണ്. ര​ണ്ടു​ദി​വ​സം മു​ന്പു തീ​ര​ത്ത് ക​ല്ലി​ട​ൽ പൂ​ർ​ത്തി​യാ​യ ചേ​ർ​ത്ത​ല ഒ​റ്റ​മ​ശേ​രി​യി​ൽ ഇ​പ്പോ​ഴും ക​ട​ൽ​ക്ഷോ​ഭ ഭീ​ഷ​ണി​യു​ണ്ട്. ക​ല്ലു​ക​ൾ​ക്ക് മു​ക​ളി​ലൂ​ടെ​യും ക​ട​ൽ ക​യ​റു​ന്നു​ണ്ട്. പു​റം​ക​ട​ലി​ൽ തി​ര​മാ​ല​ക​ൾ രൂ​ക്ഷ​മാ​യ​തി​നെ​ത്തു​ട​ർ​ന്ന് നീ​ർ​ക്കു​ന്ന​ത്ത് ന​ങ്കൂ​ര​മി​ട്ടി​രു​ന്ന വ​ള്ള​ങ്ങ​ൾ തൊ​ഴി​ലാ​ളി​ക​ൾ തീ​ര​ത്തെ​ത്തി​ച്ചു. നീ​ർ​ക്കു​ന്ന​ത്ത് ചാ​ക​ര കോ​ളു​ണ്ടെ​ങ്കി​ലും ക​ട​ൽ​ക്ഷോ​ഭം രൂ​ക്ഷ​മാ​യ​തി​നാ​ൽ തൊ​ഴി​ലാ​ളി​ക​ൾ ക​ട​ലി​ലി​റ​ങ്ങു​ന്നി​ല്ല.

കാ​ട്ടൂ​രി​ൽ മൂ​ന്നു​വീ​ടു​ക​ൾ ഭാ​ഗി​ക​മാ​യി ത​ക​ർ​ന്നു. വെ​ളി​യി​ൽ റോ​ബ​ർ​ട്ടി​ന്‍റെ വീ​ടി​ന്‍റെ ചു​റ്റും ക​ട​ലെ​ന്ന​താ​ണ് അ​വ​സ്ഥ. ത​ക​ർ​ന്ന ക​ട​ൽ​ഭി​ത്തി​ക്കി​ട​യി​ലൂ​ടെ അ​ന്പ​തു​മീ​റ്റോ​റോ​ളം ക​ട​ൽ ക​യ​റി​യി​ട്ടു​ണ്ട്. ക​ഴി​ഞ്ഞ​ദി​വ​സം വി​ല്ലേ​ജ് ഓ​ഫീ​സ​ർ സ്ഥ​ല​ത്തെ​ത്തി​യി​രു​ന്നു​വെ​ങ്കി​ലും ക​ല്ലി​ട​ൽ അ​ട​ക്ക​മു​ള്ള ന​ട​പ​ടി​ക​ൾ ഒ​ന്നു​മാ​യി​ട്ടി​ല്ലെ​ന്നാ​ണ് നാ​ട്ടു​കാ​രു​ടെ ആ​ക്ഷേ​പം. പ​ല​രു​ടെ​യും സ്ഥ​ല​വും ന​ഷ്ട​മാ​യി. തെ​ങ്ങ​ട​ക്ക​മു​ള്ള ഫ​ല​വൃ​ക്ഷ​ങ്ങ​ളും നി​ലം​പൊ​ത്തി. അ​ഞ്ചെ​ട്ടു കൊ​ല്ല​മാ​യി ഇ​വി​ടെ ഒ​രു​ക​ല്ലു​പോ​ലും ഇ​ട്ടി​ട്ടി​ല്ലെ​ന്ന പ​രാ​തി​യും നാ​ട്ടു​കാ​ർ ഉ​ന്ന​യി​ക്കു​ന്നു​ണ്ട്.
കു​ട്ട​നാ​ട്ടി​ൽ പ​ല​യി​ട​ങ്ങ​ളി​ലും കൃ​ഷി​നാ​ശ​വു​മു​ണ്ടാ​യി​ട്ടു​ണ്ട്. മ​ഴ തു​ട​രു​ന്ന​തി​നാ​ൽ എ​സി റോ​ഡി​ലെ ന​വീ​ക​ര​ണ​ത്തി​ന് മു​ന്നോ​ടി​യാ​യു​ള്ള പ​രി​ശോ​ധ​ന​ക​ളും മ​ന്ദ​ഗ​തി​യി​ലാ​യി. മ​രം വീ​ണു​ള്ള അ​പ​ക​ട​ങ്ങ​ൾ കൂ​ടി​യ​തോ​ടെ അ​ഗ്നി​ശ​മ​ന സേ​നാ വി​ഭാ​ഗ​ങ്ങ​ൾ​ക്കും ജോ​ലി ഇ​ര​ട്ടി​ച്ചു. പ​ന്പാ​ന​ദി​യി​ല​ട​ക്കം ജ​ല​നി​ര​പ്പ് ഉ​യ​രു​ന്ന​തി​നാ​ൽ തീ​ര​പ്ര​ദേ​ശ​ത്തു​ള്ള​വ​രും ഭീ​തി​യി​ലാ​ണ്.

കാ​ല​വ​ർ​ഷം ക​ന​ത്ത​തോ​ടെ പു​തി​യാ​കാ​വ് - ക​ല്ലു​മ​ല റോ​ഡി​ന്‍റെ പു​തി​യ​കാ​വ് ഭാ​ഗ​ത്തെ റോ​ഡ​രി​കി​ലും വെ​ള്ള​ക്കെ​ട്ടാ​യി. റോ​ഡ് ഉ​യ​ർ​ത്തി​യ​തോ​ടെ ഇ​ട​വ​ഴി​ക​ളി​ലും റോ​ഡ​രി​കി​ലെ വീ​ടു​ക​ളി​ലും ക​ട​ക​ളി​ലും വെ​ള്ളം കെ​ട്ടി​നി​ൽ​ക്കു​ന്ന അ​വ​സ്ഥ​യാ​ണ്. റോ​ഡ് നി​ർ​മാ​ണ​ത്തോ​ടൊ​പ്പം ഓ​ട​യും നി​ർ​മി​ക്കാ​ത്ത​തും ക്ര​മാ​തീ​ത​മാ​യി റോ​ഡ് ഉ​യ​ർ​ത്തി​യ​തു​മാ​ണ് വെ​ള്ള​ക്കെ​ട്ടി​ന് കാ​ര​ണ​മാ​യി​രി​ക്കു​ന്ന​തെ​ന്നാ​ണ് നാ​ട്ടു​കാ​രു​ടെ ആ​ക്ഷേ​പം.

മ​ഴ ആ​രം​ഭി​ച്ച​തോ​ടെ പു​തി​യ​കാ​വ് ഭാ​ഗ​ത്തു​ള്ള ഇ​ട​വ​ഴി​ക​ളി​ലൂ​ടെ​യു​ള്ള സ​ഞ്ചാ​ര​വും ദു​ഷ്ക​ര​മാ​യി. പു​തി​യ​കാ​വ്, മി​ച്ച​ൽ ജം​ഗ്ഷ​നു​ക​ളി​ൽ ഗ​താ​ഗ​ത കു​രു​ക്ക് രൂ​ക്ഷ​മാ​കു​ന്പോ​ൾ പു​ത​യ​കാ​വ് ക​ല്ലു​മ​ല റോ​ഡി​ൽ കൂ​ടി മി​നി ബൈ​പ്പാ​സ് റോ​ഡി​ലെ​ത്തി സ​ഞ്ച​രി​ക്കാ​നു​ള്ള സാ​ഹ​ച​ര്യ​വും വെ​ള്ള​ക്കെ​ട്ടു​മൂ​ലം അ​സാ​ധ്യ​മാ​യി​രി​ക്കു​ക​യാ​ണ്്.