ചങ്ങനാശേരി: സി.എഫ്. തോമസ് തികഞ്ഞ മനുഷ്യസ്നേഹിയായിരുന്നുവെന്നു കേരള കോണ്ഗ്രസ് സംസ്ഥാന സെക്രട്ടറി ജനറല് ജോയ് ഏബ്രഹാം. രാഷ്ട്രീയ പ്രവര്ത്തകരില് അനുകരണീയമായ മാതൃകയായിരുന്നു സി.എഫ്. തോമസിന്റേതെന്നും അദ്ദേഹം കൂട്ടിച്ചേര്ത്തു. യൂത്ത്ഫ്രണ്ട് ചങ്ങനാശേരി നിയോകമണ്ഡലം കമ്മിറ്റിയുടെ നേതൃത്വത്തില് ചെത്തിപ്പുഴ രക്ഷാഭവനില് നടന്ന സി.എഫ്. തോമസിന്റെ രണ്ടാം ചരമവാര്ഷിക അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
യൂത്ത്ഫ്രണ്ട് നിയോജകമണ്ഡലം പ്രസിഡന്റ് ജസ്റ്റിന് പാലത്തിങ്കല് അധ്യക്ഷത വഹിച്ചു. കേരളകോണ്ഗ്രസ് നിയോജകമണ്ഡലം പ്രസിഡന്റ് മാത്തുക്കുട്ടി പ്ലാത്താനം, ഉന്നതാധികാര സമിതിയംഗം വി.ജെ. ലാലി, നേതാക്കളായ ജോര്ജ്കുട്ടി മാപ്പിളശേരി, ചെറിയാന് ചാക്കോ, സി.ഡി. വത്സപ്പന്, ബിനു മൂലയില്, കെ.എ. തോമസ്, സന്തോഷ് മുണ്ടയ്ക്കല്, ജോസി ചാക്കാലയില്, റോയി പാറയില്, മിനി വിജയകുമാര്, സബീഷ് നെടുമ്പറമ്പില്, അഭിലാഷ് കൊച്ചുപറമ്പില്, സച്ചിന് സാജന്, ജെയ്സണ് തൈപ്പറമ്പില് തുടങ്ങിയവര് പ്രസംഗിച്ചു.