ചങ്ങനാശേരി: മുന്‍ പ്രധാനമന്ത്രി രാജീവ് ഗാന്ധി ഭാരതത്തെ ലോകരാഷ്‌ട്രങ്ങളുടെ മുന്‍പന്തിയിലെത്തിക്കാന്‍ ശ്രമിച്ച പ്രധാനമന്ത്രിയായിരുന്നുവെന്ന് കെപിസിസി രാഷ്‌ട്രീയ കാര്യ സമിതി അംഗം കെ.സി. ജോസഫ്.
ചങ്ങനാശേരി താലൂക്കില്‍ എസ്എസ്എല്‍സി, പ്ലസ്ടു പരീക്ഷകളില്‍ എല്ലാ വിഷയത്തിനും എ പ്ലസ് ലഭിച്ച വിദ്യാര്‍ഥികള്‍ക്കു മുന്‍ പ്രധാനമന്ത്രി രാജീവ് ഗാന്ധിയുടെ സ്മരണാര്‍ഥം രാജീവ് വിചാര്‍വേദി ഏര്‍പ്പെടുത്തിയ മെറിറ്റ് അവാര്‍ഡ് വിതരണസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
മെറിറ്റ് അവാര്‍ഡ് വിതരണം ജോബ് മൈക്കിള്‍ എംഎല്‍എ നിര്‍വഹിച്ചു. പ്രസിഡന്‍റ് ബാബു കുട്ടന്‍ചിറ അധ്യക്ഷത വഹിച്ചു. ഡോ. ഗീവര്‍ഗീസ് മാര്‍ കൂറിലോസ് മെത്രാപ്പോലീത്ത മുഖ്യപ്രഭാഷണം നടത്തി. ജോസി സെബാസ്റ്റ്യന്‍, വി.ജെ. ലാലി, പി.എച്ച്. നാസര്‍, ആന്‍റണി കുന്നുംപുറം, ഇ.പി. രാഘവന്‍പിള്ള, ബാബു കുരീത്ര, ടി.എം. ജോര്‍ജ്, പി.എച്ച്. ഷാജഹാന്‍, നാസര്‍ എസ്. മുഹമ്മദ്, മജീദ്ഖാന്‍, പി.എം. ഷഫീക്, പി.എം. മോഹനന്‍പിള്ള, പി.വി. ജോര്‍ജ്, പി.കെ. രാജി, ഡി. സുരേഷ്, സിനി വര്‍ഗീസ്, സെലീനാമ്മ തോമസ്, അപ്പിച്ചന്‍ എഴുത്തുപളളി, ജയിംസ് പഴയചിറ എന്നിവര്‍ പ്രസംഗിച്ചു.