വെച്ചൂർ: വൈക്കം -വെച്ചൂർ റോഡിലെ അഞ്ചുമന പാലം കരാർ കാലാവധി കഴിഞ്ഞ് ഒരുവർഷമാകാറായിട്ടും പൂർത്തിയാക്കാത്ത സർക്കാർ നടപടി നീതികരിക്കാനാവില്ലെന്ന് ഡിസിസി പ്രസിഡന്‍റ് നാട്ടകം സുരേഷ്. വെച്ചൂർ അഞ്ചുമന പാലം നിർമാണം പൂർത്തിയാക്കാൻ സർക്കാർ നടപടി സ്വീകരിക്കണമെന്നാവശ്യപ്പെട്ട് വെച്ചൂർ മണ്ഡലം കോൺഗ്രസ് പ്രസിഡന്‍റ് വി.ടി സണ്ണി, പഞ്ചായത്ത് പ്രസിഡന്‍റ് കെ.ആർ. ഷൈല കുമാർ എന്നിവരുടെ നേതൃത്വത്തിൽ നടത്തിയ ഉപവാസ സമരത്തിന്‍റെ സമാപന സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
വൈക്കത്തെ തിരക്കേറിയ വൈക്കം - വെച്ചൂർ റോഡിലെ യാത്രാ ദുരിതം നീക്കാൻ റോഡുഗതാഗത യോഗ്യമാക്കാനും അഞ്ചുമന പാലം പൂർത്തിയാക്കാനും അധികൃതർ നടപടി സ്വീകരിക്കണമെന്നും നാട്ടകം സുരേഷ് കൂട്ടിച്ചേർത്തു.
മണ്ഡലം കോൺഗ്രസ് വൈസ് പ്രസിഡന്‍റ് എം.ജി അപ്പന്‍റെ അധ്യക്ഷതയിൽ മണ്ഡലം പ്രസിഡന്‍റ് വി.ടി സണ്ണി, പഞ്ചായത്ത് പ്രസിഡന്‍റ് കെ.ആർ ഷൈല കുമാർ, എ. സനീഷ് കുമാർ, സോജി ജോർജ്, പി.കെ മണിലാൽ, കെ.ഗിരീഷ്, പി.ജി. ഷാജി, സോണി സണ്ണി, ജയപ്രകാശ്, കെ. ബിനിമോൻ, എം.കെ. ഷിബു, വിവേക് പ്ലാത്താനത്ത്, ഇടവട്ടം ജയകുമാർ, രേണുക രതീഷ്, ബിന്ദു ഷാജി തുടങ്ങിയവർ പ്രസംഗിച്ചു.