കോട്ടയം: ഗാന്ധി ജയന്തി വാരാഘോഷത്തോടനുബന്ധിച്ച് ജില്ലാ ഇന്ഫര്മേഷന് ഓഫീസിന്റെ ആഭിമുഖ്യത്തില് കോട്ടയം ജവഹര് ബാലഭവനില് സ്കൂള് വിദ്യാര്ഥികള്ക്കായി ചിത്രരചനാമത്സരം നടത്തി.
ഹൈസ്കൂള് വിഭാഗത്തില് ചിന്മയ വിദ്യാലയത്തിലെ പത്താം ക്ലാസ് വിദ്യാര്ഥിനി ബി. സാഗരിക ഒന്നാം സ്ഥാനം തേടി. രണ്ടാം സ്ഥാനം മണിപ്പുഴ ബെല്മോണ്ട് ഇംഗ്ലീഷ് മീഡിയം സ്കൂളിലെ ഒന്പതാം ക്ലാസ് വിദ്യാര്ഥി അഭിജിത്ത് ബിനോയി നേടി.
മൂന്നാം സ്ഥാനം കെ.ബി. അഞ്ജലി (പാമ്പാടി ക്രോസ് റോഡ് എച്ച്എസ്എസ്, ഒന്പതാം ക്ലാസ്), എ. ഇനിയ (കോട്ടയം ബേക്കര് മെമ്മോറിയല് ജിഎച്ച്എസ്എസ്, എട്ടാം ക്ലാസ്) എന്നിവര് പങ്കിട്ടു. യുപി വിഭാഗത്തില് ഒന്നാം സ്ഥാനം കെ. അക്ഷര (കോട്ടയം ലൂര്ദ്സ് പബ്ലിക് സ്കൂള്, ആറാ ക്ലാസ്), രണ്ടാം സ്ഥാനം വി.എസ്. അനന്യ (വൈക്കം ആതുരാശ്രമം ഇംഗ്ലീഷ് മീഡിയം സ്കൂള്, ഏഴാം ക്ലാസ്), മൂന്നാം സ്ഥാനം ആന് ജൂവല് കെ. ജോയി (കോട്ടയം ലൂര്ദ്സ് പബ്ലിക്, സ്കൂള്, ഏഴാം ക്ലാസ്) എന്നിവര് നേടി.
എല്പി വിഭാഗത്തില് ഒന്നാം സ്ഥാനം ആര്. ശ്രീഹരി ( കോട്ടയം ബേക്കര് മെമ്മോറിയല് എല്പി സ്കൂള്, മൂന്നാം ക്ലാസ്), രണ്ടാം സ്ഥാനം ആദിത്യന് ദിനേശ് (കുറുമ്പനാടം സെന്റ് ആന്റണീസ് എല്പിഎസ്, നാലാം ക്ലാസ്), മൂന്നാംസ്ഥാനം പി.എസ്. പരമേശ്വര് (ആനിക്കാട് ഗവ. യുപിഎസ്, നാലാം ക്ലാസ്) എന്നിവരും നേടി.
ചിത്രകലാ അധ്യാപകരായ ടി.ആര്. ഹരികൃഷ്ണന്, ഇ.പി. വിനോദ്കുമാര്, സിബി ജോസഫ് എന്നിവര് വിധികര്ത്താക്കളായി. ജേതാക്കള്ക്കുള്ള സമ്മാനങ്ങള് ഗാന്ധി ജയന്തി വാരാഘോഷ സമാപനച്ചടങ്ങില് നല്കും.