അരുവിത്തുറ: ഭാരത അപ്പസ്തോലനായ വിശുദ്ധ തോമാശ്ലീഹായാൽ സ്ഥാപിതമായ അരുവിത്തുറ പള്ളിയിൽ അരുവിത്തുറയും മാർത്തോമ നസ്രാണി പാരമ്പര്യവും എന്ന വിഷയത്തെ ആസ്പദമാക്കി ഡിസംബർ 10ന് ഏകദിന ചരിത്ര പഠനശിബിരം സംഘടിപ്പിക്കും. പാരമ്പര്യങ്ങളിലും ചരിത്രരേഖകളിലും രേഖപ്പെടുത്തിയിരിക്കുന്ന ഈരാറ്റിട, ഈരാപ്പൊലി എന്നീ പേരുകളിൽ അറിയപ്പെട്ടിരുന്ന അരുവിത്തുറയുടെ മാർത്തോമ പാരമ്പര്യം കൂടുതൽ മനസിലാക്കുന്നതിനും വരുംതലമുറയ്ക്ക് കൈമാറുന്നതിനും വേണ്ടിയാണ് പഠനശിബിരം സംഘടിപ്പിക്കുന്നത്.
ഡിസംബർ 10ന് രാവിലെ ഒൻപതിന് അരുവിത്തുറ പള്ളി പാരിഷ് ഹാളിൽ ബിഷപ് മാർ ജോസഫ് കല്ലറങ്ങാട്ട് ഉദ്ഘാടനം ചെയ്യും. മോൺ. സെബാസ്റ്റ്യൻ വേത്താനത്ത് അനുഗ്രഹ പ്രഭാഷണം നടത്തും. വികാരി റവ. ഡോ. അഗസ്റ്റിൻ പാലയ്ക്കപ്പറമ്പിൽ അധ്യക്ഷത പഹിക്കും. പൗരസ്ത്യ വിദ്യാപീഠം മുൻ പ്രഫസറും നല്ലതണ്ണി മാർത്തോമശ്ലീഹാ ദയാറ സ്ഥാപകനുമായ റവ. ഡോ. സേവ്യർ കൂടപ്പുഴ ആമുഖപ്രഭാഷണം നിർവഹിക്കും.
കോതമംഗലം രൂപത വികാരി ജനറലും ജെഎൻയു മുൻ പ്രഫസറുമായ റവ. ഡോ. പയസ് മലേക്കണ്ടത്തിൽ മാർത്തോമ ക്രിസ്ത്യാനികളും അരുവിത്തുറയും എന്ന വിഷയത്തിലും, പൗരസ്ത്യ വിദ്യാപീഠം പ്രഫസർ റവ. ഡോ. ജയിംസ് പുലിയുമ്പിൽ അരുവിത്തുറ സാമൂഹിക സാമ്പത്തിക പശ്ചാത്തലം ഒന്നാം നൂറ്റാണ്ട് എന്ന വിഷയത്തിലും, പാലാ സെന്റ് തോമസ് കോളജ് ഓഫ് ടീച്ചർ എഡ്യൂക്കേഷൻ വൈസ് പ്രിൻസിപ്പൽ ഡോ. ടി.സി. തങ്കച്ചൻ കേരളത്തിലെ വിദ്യാഭ്യാസ മുന്നേറ്റം അരുവിത്തുറയുടെ വളർച്ച എന്ന വിഷയത്തിലും, കുറുപ്പുന്തറ സെന്റ് സേവ്യേഴ്സ് വൊക്കേഷണൽ ഹയർ സെക്കൻഡറി അധ്യാപകൻ അനിൽ മാനുവൽ കുടക്കച്ചിറ അന്തോണി കത്തനാർ - സമുദായ സ്നേഹി, അരുവിത്തുറ പള്ളി മുൻ വികാരി, പ്ലാശനാൽ ദയാറയുടെ സ്ഥാപകൻ എന്ന വിഷയത്തിലും ക്ലാസ് നയിക്കും.
സമാപന സമ്മേളനം ഉച്ചകഴിഞ്ഞു നാലിന് പാലാ സെന്റ് തോമസ് കോളജ് പ്രിൻസിപ്പലും ചരിത്രകാരനുമായ റവ. ഡോ. ജയിംസ് മംഗലത്ത് ഉദ്ഘാടനം ചെയ്യും. എഫ്സിസി പ്രൊവിൻഷ്യൽ ഹൗസ് സുപ്പീരിയർ സിസ്റ്റർ ജെസി മരിയ, ഡോ. സണ്ണി കുര്യാക്കോസ്, പാലാ രൂപത എസ്എംവൈഎം മുൻ ഡയറക്ടർ ഫാ. സിറിൽ തയ്യിൽ, സെന്റ് ജോർജ് കോളജ് പ്രിൻസിപ്പൽ ഡോ. സിബി ജോസ്ഥ് എന്നിവർ മോഡറേറ്റർമാരായിരിക്കും.
അസി. വികാരിമാരായ ഫാ. ആന്റണി തോണക്കര, ഫാ. ഡിറ്റോ തോട്ടത്തിൽ, ഫാ. ജോർജ് പുല്ലുകാലായിൽ, ഫാ. സെബാസ്റ്റ്യൻ നടുത്തടം, കൈക്കാരന്മാരായ ജോസഫ് എമ്പ്രയിൽ, ജോസ്മോൻ കണ്ടത്തിൻകര, ജോണി പുല്ലാട്ട്, ബിജു കല്ലാച്ചേരിൽ, ജനറൽ കൺവീനർ ഡോ. റെജി മേക്കാടൻ, ഡോ. ആൻസി വടക്കേച്ചിറയത്ത്, ജയ്സൺ കൊട്ടുകാപ്പള്ളിൽ, ഉണ്ണിക്കുഞ്ഞ് വെള്ളൂക്കുന്നേൽ, ബിനോയി വലിയവീട്ടിൽ എന്നിവർ നേതൃത്വം നൽകും. ഫോൺ: 9447572414, 9447037594.