ച​ങ്ങ​നാ​ശേ​രി വ​നി​താ ഐ​ടി​ഐ​ക്ക് സ്വ​ന്തം സ്ഥ​ല​മാ​യി​ല്ല
Saturday, December 3, 2022 12:27 AM IST
ച​ങ്ങ​നാ​ശേ​രി: ച​ങ്ങ​നാ​ശേ​രി വ​നി​താ ഐ​ടി​ഐ​ക്ക് സ്ഥ​ലം ന​ല്‍കാ​നു​ള്ള ന​ഗ​ര​സ​ഭാ ന​ട​പ​ടി നീ​ളു​ന്നു. ഐ​ടി​ഐ​യു​ടെ പ്ര​വ​ര്‍ത്ത​നം ഞെ​രു​ക്ക​ത്തി​ല്‍.
2013ലാ​ണ് ച​ങ്ങ​നാ​ശേ​രി ന​ഗ​ര​സ​ഭ​യു​ടെ കീ​ഴി​ല്‍ വ​നി​താ ഐ​ടി​ഐ പ്ര​വ​ര്‍ത്ത​നം തു​ട​ങ്ങി​യ​ത്. ര​ണ്ടു​വ​ര്‍ഷ​ത്തെ ഡി​സി​വി​ൽ ട്രേ​ഡി​ലും ഒ​രു​വ​ര്‍ഷ​ത്തെ ക​മ്പ്യൂ​ട്ട​ര്‍ ഓ​പ്പ​റേ​റ്റിം​ഗ് ട്രേ​ഡി​ലു​മാ​യി 96 സീ​റ്റു​ക​ളാ​ണ് ഈ ​സെ​ന്‍റ​റി​ലു​ള്ള​ത്.
പെ​രു​ന്ന ഗ​വ​ണ്‍മെ​ന്‍റ് എ​ല്‍പി സ്‌​കൂ​ളി​ലാ​ണ് ക​ഴി​ഞ്ഞ ഒ​മ്പ​തു വ​ര്‍ഷ​മാ​യി ഈ ​ഐ​ടി​ഐ പ്ര​വ​ര്‍ത്തി​ക്കു​ന്ന​ത്. വി​ദ്യാ​ര്‍ഥി​ക​ള്‍ക്ക് പ​ഠി​ക്കാ​ന്‍ വ​ള​രെ ചു​രു​ങ്ങി​യ സൗ​ക​ര്യ​ങ്ങ​ളും സം​വി​ധാ​ന​ങ്ങ​ളും മാ​ത്ര​മാ​ണി​വി​ടെ​യു​ള്ള​ത്. സെ​ന്‍റ​ര്‍ അ​നു​വ​ദി​ച്ച് നാ​ളു​ക​ള്‍ പി​ന്നി​ട്ടി​ട്ടും പ്ര​വ​ര്‍ത്ത​ന​ത്തി​നു സ്ഥ​ലം ല​ഭി​ച്ചി​രു​ന്നി​ല്ല. അ​ന്ന​ത്തെ എം​എ​ല്‍എ​യാ​യി​രു​ന്ന സി.​എ​ഫ്. തോ​മ​സും ന​ഗ​ര​സ​ഭാ​ധി​കൃ​ത​രും ചേ​ര്‍ന്നാ​ണ് സെ​ന്‍റ​ര്‍ പെ​രു​ന്ന ഗ​വ​ണ്‍മെ​ന്‍റ് എ​ല്‍പി സ്‌​കൂ​ളി​ല്‍ ആ​രം​ഭി​ക്കാ​ൻ തീ​രു​മാ​നി​ച്ച​ത്.
ഈ ​ഐ​ടി​ഐ​ക്ക് കെ​ട്ടി​ടം നി​ര്‍മി​ക്കു​ന്ന​തി​നാ​യി ന​ഗ​ര​സ​ഭ ഫാ​ത്തി​മാ​പു​രം ഡ​ന്പിം​ഗ് സ്റ്റേ​ഷ​നു സ​മീ​പം സ്ഥ​ലം ന​ല്‍കാ​ന്‍ തീ​രു​മാ​നി​ച്ചി​രു​ന്നു. ഡ​മ്പിം​ഗ് യാ​ര്‍ഡി​നു സ​മീ​പം ഐ​ടി​ഐ പ്ര​വ​ര്‍ത്തി​ക്കു​ന്ന​ത് ഉ​ചി​ത​മ​ല്ലാ​ത്ത​തി​നാ​ല്‍ ഇ​ന്‍ഡ​സ്ട്രി​യ​ല്‍ ട്രെ​യി​നിം​ഗ് ഡി​പ്പാ​ര്‍ട്ട്‌​മെ​ന്‍റ് അ​നു​മ​തി ന​ല്‍കി​യി​ല്ല. ഇ​തോ​ടെ ഈ ​പ​ദ്ധ​തി ഉ​പേ​ക്ഷി​ക്കേ​ണ്ടി​വ​ന്നു.
പോ​ത്തോ​ട് ഭാ​ഗ​ത്ത് ഐ​ടി​ഐ​ക്കാ​യി സ്ഥ​ലം ന​ല്‍കാ​മെ​ന്ന് ന​ഗ​ര​സ​ഭാ​ധി​കൃ​ത​ര്‍ പ​റ​യു​ന്നു​ണ്ടെ​ങ്കി​ലും ഇ​ക്കാ​ര്യ​ത്തി​ലും തീ​രു​മാ​ന​മാ​യി​ട്ടി​ല്ല. ന​ഗ​ര​സ​ഭ സ്ഥ​ലം അ​നു​വ​ദി​ച്ചാ​ല്‍ കെ​ട്ടി​ട​ത്തി​നു​ള്ള പ​ണം സ​ര്‍ക്കാ​രി​ല്‍നി​ന്നും ല​ഭ്യ​മാ​കും.

നി​ബ​ന്ധ​ന​പ്ര​കാ​ര​മു​ള്ള ലാ​ബും ക്ലാ​സ് മു​റി​യു​മി​ല്ല;
ക​മ്പ്യൂ​ട്ട​ര്‍ ട്രേ​ഡി​ന് അം​ഗീ​കാ​രം നീ​ളു​ന്നു

ച​ങ്ങ​നാ​ശേ​രി: കേ​ന്ദ്ര​സ​ര്‍ക്കാ​രി​ന്‍റെ ഡി​ജി​റ്റി നി​ബ​ന്ധ​ന​പ്ര​കാ​ര​മു​ള്ള ലാ​ബും ക്ലാ​സ് മു​റി​യു​മി​ല്ലാ​ത്ത​തി​നാ​ല്‍ ച​ങ്ങ​നാ​ശേ​രി വ​നി​താ ഐ​ടി​ഐ​യി​ലെ ക​മ്പ്യൂ​ട്ട​ര്‍ കോ​ഴ്‌​സി​ന് അം​ഗീ​കാ​രം ല​ഭി​ച്ചി​ല്ല. 2020ലാ​ണ് ഈ ​സെ​ന്‍റ​റി​ല്‍ ഈ ​കോ​ഴ്‌​സ് അ​നു​വ​ദി​ച്ച​ത്. ഈ ​വ​നി​താ ഐ​ടി​ഐ​യ്ക്ക് 107സെ​ന്‍റ് സ്ഥ​ലം വേ​ണ​മെ​ന്നാ​ണ് നി​ബ​ന്ധ​ന. ക​മ്പ്യൂ​ട്ട​ര്‍ കോ​ഴ്‌​സി​ന് എ​ഴു​പ​ത് മീ​റ്റ​ര്‍ സ്‌​ക്വ​യ​റി​ലു​ള്ള ലാ​ബും 35 മീ​റ്റ​ര്‍ സ്‌​ക്വ​യ​റി​ലു​ള്ള ക്ലാ​സ് മു​റി​യും വേ​ണ​മെ​ന്നും നി​ബ​ന്ധ​ന​യു​ണ്ട്.
ക​മ്പ്യൂ​ട്ട​ര്‍ കോ​ഴ്‌​സി​ന്‍റെ ക്ലാ​സ് മു​റി പ്ര​വ​ര്‍ത്തി​ക്കു​ന്ന​ത് പ​ഴ​യ അ​ങ്ക​ണ​വാ​ടി കെ​ട്ടി​ട​ത്തി​ലാ​ണ്. നി​ബ​ന്ധ​ന​ക​ള്‍പ്ര​കാ​ര​മു​ള്ള സൗ​ക​ര്യ​ങ്ങ​ളി​ല്ലാ​ത്ത​തി​നാ​ലാ​ണ് ഈ ​കോ​ഴ്‌​സി​നു​ള്ള എ​ന്‍സി​വി​ടി​യു​ടെ അം​ഗീ​കാ​രം വൈ​കു​ന്ന​ത്.
അ​ഫി​ലി​യേ​ഷ​ന്‍ വൈ​കു​ന്ന​തി​നാ​ല്‍ ഈ ​ട്രേ​ഡി​ല്‍ പ​ഠി​ക്കു​ന്ന വി​ദ്യാ​ര്‍ഥി​ക​ള്‍ക്ക് എ​ന്‍സി​വി​ടി സ​ര്‍ട്ടി​ഫി​ക്ക​റ്റ് ല​ഭി​ക്കു​ന്നി​ല്ല. പ​ക​രം കേ​ര​ള സ​ര്‍ക്കാ​രി​ന്‍റെ എ​സ്‌​സി​വി​ടി സ​ര്‍ട്ടി​ഫി​ക്ക​റ്റു​ക​ളാ​ണ് ന​ല്‍കു​ന്ന​ത്.

Copyright @ 2022 , Rashtra Deepika Ltd.