കടുത്തുരുത്തി: കടുത്തുരുത്തി അര്ബന് ബാങ്കിലെ 15 അംഗ ഭരണസമിതിയിലേക്ക് നടന്ന തെരഞ്ഞെടുപ്പില് യുഡിഎഫ് പാനല് തെരഞ്ഞെടുക്കപ്പെട്ടതായി പ്രഖ്യാപിച്ചു.
ഹൈക്കോടതിയുടെ അനുമതി ലഭിച്ചതിനെത്തുടര്ന്ന് ഇന്നലെ റിട്ടേണിംഗ് ഓഫീസറാണ് പ്രഖ്യാപനം നടത്തിയത്.
15 അംഗ ഭരണസമിതിയിലേക്കു നടന്ന തെരഞ്ഞെടുപ്പില് ജയിംസ് ഫിലിപ്പ്, ജെഫി ജോസഫ്, ജെറി ചെറിയാന്, ജോജി അലക്സ്, പീറ്റര് മ്യാലിപ്പറമ്പില്, കെ.എന്. വേണുഗോപാല്, സുനു ജോര്ജ്, സ്റ്റീഫന് പാറാവേലില്, ജെസി ടോമി, സിന്ധു ബിനോയി, ടെസി ജോസ്, എം.കെ. ബിനോയി, എം.കെ. സാംബുജി, കെ.പി. ഏബ്രഹാം, കെ.വി. തോമസ് എന്നിവരാണ് തെരഞ്ഞെടുക്കപ്പെട്ടത്.
ഞായറാഴ്ചയാണ് തെരഞ്ഞെടുപ്പ് നടന്നതെങ്കിലും കോടതിയുടെ അനുമതി ലഭിക്കാത്തിനാല് തെരഞ്ഞടുപ്പ് ഫല പ്രഖ്യാപനം നടത്താന് കഴിഞ്ഞിരുന്നില്ല.
എല്ഡിഎഫ് നേതൃത്വം നല്കുന്ന അര്ബന് ബാങ്ക് സംരക്ഷണ ജനാധിപത്യ മുന്നണിയും യുഡിഎഫും തമ്മിലായിരുന്നു പ്രധാന മത്സരം നടന്നത്. സ്വതന്ത്രന്മാരും മത്സരരംഗത്തുണ്ടായിരുന്നു. ഹൈക്കോടതിയുടെ പ്രത്യേക നിരീക്ഷകന്റെ സാന്നിധ്യത്തിലാണ് വോട്ടെടുപ്പ് നടന്നത്.