അതിരമ്പുഴ: സെന്റ് മേരീസ് ഗേൾസ് ഹൈസ്കൂളിൽ സ്കൂൾദിനാഘോഷവും ശതാബ്ദി സ്മരണികയുടെ പ്രകാശനവും നടത്തി.
സ്കൂൾ മാനേജർ റവ.ഡോ. ജോസഫ് മുണ്ടകത്തിൽ സ്കൂൾ ദിനാഘോഷത്തിന്റെ ഉദ്ഘാടനവും സ്മരണിക പ്രകാശനവും നിർവഹിച്ചു. ഹെഡ്മിസ്ട്രസ് ലിജി മാത്യു അധ്യക്ഷത വഹിച്ചു. പഞ്ചായത്തംഗം ബേബിനാസ് അജാസ്, പിടിഎ പ്രസിഡന്റ് ജയിംസ് കുര്യൻ, അഡ്മിനിസ്ട്രേറ്റർ ഫാ. സച്ചിൻ കുന്നത്ത്, സ്മരണിക എഡിറ്റർമാരായ ബെന്നി പൊന്നാരം, സിബി സ്കറിയ, അധ്യാപക പ്രതിനിധികളായ ഫാ. ബിനു കൂട്ടുമ്മേൽ, അനൂപ് ജോസഫ്, സ്റ്റാഫ് സെക്രട്ടറി ജാസ്മിൻ മാത്യു, സ്കൂൾ ലീഡർ ജോസ്മി ജോസ് എന്നിവർ പ്രസംഗിച്ചു. പിടിഎ സെക്രട്ടറി പോൾ തോമസ്, രാജു എം. ജോർജ്, ജോബിൻ ജെ. മുകളേൽ, റോയിമോൻ ജോസഫ്, ജൂബിൻ ജോർജ്, ജിജി എം.എം, ജോഷി ജോസഫ്, ആദർശ് കെ. അക്വിൻസ് തുടങ്ങിയവർ നേതൃത്വം നൽകി.