കാളകെട്ടി: അസീസി അന്ധവിദ്യാലയം വാർഷികവും യാത്രയപ്പ് സമ്മേളനവും 28ന് ഉച്ചകഴിഞ്ഞ് മൂന്നിന് നടക്കും. ചീഫ് വിപ്പ് ഡോ. എൻ. ജയരാജ് സമ്മേളനം ഉദ്ഘാടനം ചെയ്യും. കാഞ്ഞിരപ്പള്ളി രൂപതാധ്യാക്ഷൻ മാർ ജോസ് പുളിക്കൽ അധ്യക്ഷത വഹിക്കും. ആന്‍റോ ആന്‍റണി എംപി മുഖ്യപ്രഭാഷണം നടത്തും. സർവീസിൽ നിന്നു വിമരിക്കുന്ന ഹെഡ്മിസ്ട്രസ് സിസ്റ്റർ വിൻസി സി. ജോൺ, ഇ.എ. ആന്‍റണി എന്നിവരെ ആദരിക്കും. കാപ്പാട് പള്ളി വികാരി ഫാ. സെബാസ്റ്റ്യൻ കൊല്ലംകുന്നേൽ, ഫാ. ക്ലെമന്‍റ് എട്ടാണിയിൽ, കാഞ്ഞിരപ്പള്ളി പഞ്ചായത്ത് പ്രസിഡന്‍റ് കെ.ആർ. തങ്കപ്പൻ, ബ്ലോക്ക് പഞ്ചായത്തംഗം വിമല ജോസഫ്, ഡിഇഒ എം. റസിന, വാർഡ് മെംബർ ബ്ലെസി ബെന്നി എന്നിവർ പ്രസംഗിക്കും. തുടർന്ന് പൂർവ വിദ്യാർഥികളുടെ കലാപരിപാടികൾ നടക്കും.
മുരിക്കുംവയൽ: ഗവ. ഹയർ സെക്കൻഡറി സ്കൂളിന്‍റെ 78-മത് വാർഷികവും യാത്രയയപ്പു സമ്മേളനവും നടത്തി. ചടങ്ങിൽ എസ്എസ്കെയിൽ അനുവദിച്ച വെർച്ചൽ ലാബിന്‍റെയും കേരള സർക്കാർ അനുവദിച്ച സ്കൂൾ സോഷ്യൽ സർവീസ് സ്കീമിന്‍റെയും ഉദ്ഘാടനം നടന്നു.
പിടിഎ പ്രസിഡന്‍റ് കെ.ടി. സനിൽ അധ്യക്ഷത വഹിച്ച യോഗം ജില്ലാ പഞ്ചായത്തംഗം ശുഭേഷ് സുധാകരൻ ഉദ്ഘാടനം ചെയ്തു. എട്ടു ലക്ഷം രൂപ മുടക്കി നിർമിച്ച ബോയിസ് ടോയ്‌ലറ്റ് കോംപ്ലക്സിന്‍റെ ഉദ്ഘാടനം ബ്ലോക്ക് മെംബർ പി.കെ. പ്രദീപ് നിർവഹിച്ചു. കലാ-കായിക പ്രതിഭകളെ പഞ്ചായത്തംഗം കെ.എൻ. സോമരാജനും സർവീസിൽനിന്നു വിരമിക്കുന്ന തോമസ് പാട്രിക്കിനെ ശുഭേഷ് സുധാകരനും ആദരിച്ചു.
എസ്എംസി ചെയർമാൻ പി.ബി. രാധാകൃഷ്ണൻ, മാതൃസംഗമം പ്രസിഡന്‍റ് ഷൈബി റെജി, എസ്എസ്കെ കാഞ്ഞിരപ്പള്ളി ബിപിസി റീബി വർഗീസ്, പിടിഎവൈ പ്രസിഡന്‍റ് എ.എസ്. സുരേഷ്, ഹയർ സെക്കൻഡറി പ്രിൻസിപ്പൽ പി.ബി. ഷമി, വിഎച്ച്എസ്ഇ പ്രിൻസിപ്പൽ പി.എസ്. സുരേഷ് ഗോപാൽ, എച്ച്എം പി.എ. റഫീക്ക്, രാജേഷ് മലയിൽ, ബി. സുരേഷ് കുമാർ, എം.പി രാജേഷ്, ടി.എച്ച്. ഷീജാമോൾ, കെ.വി. ജയലാൽ, വി.എസ്. രതീഷ് എന്നിവർ പ്രസംഗിച്ചു. തുടർന്ന് കുട്ടികളുടെ വിവിധ കലാപരിപാടികളും നടന്നു.