തൃക്കൊടിത്താനം: തൃക്കൊടിത്താനം-പായിപ്പാട് പഞ്ചായത്തുകളെ ബന്ധിപ്പിക്കുന്ന കൊക്കോട്ടുചിറ കൊച്ചുപള്ളി റോഡ് പുനരുദ്ധരിക്കണമെന്നാവശ്യപ്പെട്ട് ജനകീയ സമിതിയുടെ നേതൃത്വത്തില്‍ സമരപ്രഖ്യാപന കണ്‍വന്‍ഷന്‍ കൊച്ചുപള്ളി കുന്നംങ്കേരി ബില്‍ഡിംഗില്‍ നടന്നു. കൺവൻഷൻ ജനകീയ സമിതി പ്രസിഡന്‍റ് സി.പി. കുര്യാക്കോസിന്‍റെ അധ്യക്ഷതയില്‍ ബ്ലോക്ക് പഞ്ചായത്ത് മുന്‍ പ്രസിഡന്‍റ് വി.ജെ. ലാലി ഉദ്ഘാടനം ചെയ്തു.
സഞ്ചരിക്കാന്‍ കഴിയാത്ത റോഡായി ഇത് മാറിയെന്നു കണ്‍വന്‍ഷന്‍ വിലയിരുത്തി. കഴിഞ്ഞ ആറു വര്‍ഷമായി റോഡ് പുനരുദ്ധാരണവുമായി ബന്ധപ്പെട്ട് ഒട്ടേറെ പ്രഖ്യാപങ്ങള്‍ ഉണ്ടായിട്ടുണ്ട്. റോഡില്‍ കഴിഞ്ഞ ഒരു മാസക്കാലത്തിനിടയില്‍ വീണ് പരിക്കേറ്റവര്‍ കണ്‍വന്‍ഷനില്‍ അനുഭവങ്ങള്‍ വിശദീകരിച്ചു. ജോഷി സെബാസ്റ്റ്യന്‍, സിബി ചാമക്കാല, ജെയിംസ് ജോസഫ്, സണ്ണിച്ചന്‍ പുലിക്കോട്ട്, ഗ്രാമപഞ്ചായത്തംഗം ജിനി സിബി, മുന്‍ പഞ്ചായത്ത് പ്രസിഡന്‍റ് സ്വപ്ന ബിനു, സിബിച്ചന്‍ മുട്ടത്തേട്ട്, സജി ജോണ്‍, മോഹനന്‍ പ്രണവം, സോണിയ സിബി, അശ്വതി നമ്പ്യാണത്ത്, സെബാസ്റ്റ്യന്‍ ജേക്കബ്, പി.എസ്. ജോസഫ്, മാര്‍ട്ടിന്‍ ജോസഫ്, ജോസുകുട്ടി കൊഴുപ്പക്കുളം തുടങ്ങിയവര്‍ പ്രസംഗിച്ചു.
ഫെബ്രുവരി നാലിന് കൊക്കോട്ടുചിറയില്‍ റോഡ് ഉപരോധം, തകര്‍ന്നുകിടക്കുന്ന റോഡിലൂടെയുള്ള നടത്തം, സത്യഗ്രഹം അടക്കമുള്ള സമര പരിപാടികള്‍ക്കു കണ്‍വന്‍ഷന്‍ രൂപം നല്‍കി.