ചേര്പ്പുങ്കല്: ബി വി എം ഹോളിക്രോസ് കോളജില് ക്വാളിറ്റി എന്ഹാന്സ്മെന്റ് ഇന് ഹയര് എഡ്യൂക്കേഷന് എന്ന വിഷയത്തെ ആസ്പദമാക്കിയുള്ള ദ്വിദിന ദേശീയ സെമിനാര് നടത്തി. എംജി മുന് വൈസ് ചാന്സലര് ഡോ. സിറിയക് തോമസ് ഉദ്ഘാടനം ചെയ്തു.
കോളജ് പ്രിന്സിപ്പല് റവ. ഡോ. ബേബി സെബാസ്റ്റ്യന് തോണിക്കുഴി അധ്യക്ഷത വഹിച്ച ചടങ്ങില് മധുരൈ - കാമരാജ് യൂണിവേഴ്സിറ്റി മുന് വൈസ് ചാന്സലര് പ്രൊ. ഡോ. ആര്. കര്പ്പഗ കുമാരവേല് പ്രസംഗിച്ചു. കോളജ് ബര്സാര് ഫാ. റോയി മലമാക്കല്, ഡീന് ഓഫ് സ്റ്റഡീസ് ഡോക്ടര് വി. വി. ജോര്ജ്കുട്ടി, ഐക്യുഎസി കോര്ഡിനേറ്റര് ജെഫിന് ജോസ്, സ്റ്റാഫ് സെക്രട്ടറി എല്സ മേരി സ്കറിയ എന്നിവര് സന്നിഹിതരായിരുന്നു.
പ്രൊ. ഡോ. ആര്. കര്പഗ കുമാരവേല്,എം ജി യൂണിവേഴ്സിറ്റി സ്റ്റാറ്റിസ്റ്റിക്സ് ഡയറക്ടറും പാലാ സെന്റ് തോമസ് കോളേജ് മുന് പ്രിന്സിപ്പലുമായ ഡോ. കെ.കെ. ജോസ് എന്നിവര് ക്ലാസുകള് നയിച്ചു. തുടര്ന്നു നടന്ന പ്രബന്ധാവതരണത്തില് ഡോ. ഷെമി ജോണ് (സെന്റ് തോമസ് കോളജ് പാലാ), ഡോ ഷിജി ഗ്രേസ് (സി എം എസ് കോളജ് കോട്ടയം) റവ. ഡോ. ബേബി സെബാസ്റ്റ്യന് തോണിക്കുഴി, തങ്കം ജോസ്, അഞ്ജുഷ പി എസ്, കെ.ജെയ ബിലാസ്, ധന്യ മരിയ ബാബു, (ബി വി എം കോളജ് ചേര്പ്പുങ്കല് ) എന്നിവര് പങ്കെടുത്തു. ബിവിഎം കോളജ് ഡീന് ഓഫ് സ്റ്റഡീസ് ഡോ. ജോര്ജുകുട്ടി വട്ടോത്ത് മോഡറേറ്ററായിരുന്നു.
സര്ഗോത്സവം നടത്തി
പാലാ: മീനച്ചില് താലൂക്ക് ലൈബ്രറി കൗണ്സിലിന്റെ ആഭിമുഖ്യത്തില് പാലായില് വിദ്യാര്ഥികളുടെ കലാമത്സരങ്ങള് നടന്നു. പാലായില് താലൂക്ക് പ്രസിഡന്റ് ഡോ. സിന്ധു മോള് ജേക്കബിന്റെ അധ്യക്ഷതയില് നടന്ന സമ്മേളനം പാലാ മുനിസിപ്പല് ചെയര് പേഴ്സണ് ജോസിന് ബിനോ ഉദ്ഘാടനം ചെയ്തു. ജില്ലാ ലൈബ്രറി കൗണ്സില് പ്രസിഡന്റ് ബാബു കെ.ജോജ്ജ് മുഖ്യപ്രഭാഷണം നടത്തി. റോയി ഫ്രാന്സീസ്, പ്രഭാകരന് പിള്ള , കെ.ജെ.ജോണ് , സി.കെ. ഉണ്ണികൃഷ്ണന് , അഡ്വ: ഗോപീകൃഷ്ണന് എന്നിവര് പ്രസംഗിച്ചു.