ചാഞ്ഞോടി: സെന്‍റ് സെബാസ്റ്റ്യന്‍സ് പള്ളിയില്‍ വിശുദ്ധ സെബസ്ത്യാനോസിന്‍റെ തിരുനാള്‍ ഇന്നുമുതല്‍ 12വരെ നടക്കും. ഇന്നു മുതല്‍ എട്ടുവരെ തീയതികളില്‍ രാവിലെ ആറിനും വൈകുന്നേരം 4.30നും വിശുദ്ധകുര്‍ബാന. വിവിധ ദിവസങ്ങളില്‍ ഫാ. ലിബന്‍ പുത്തന്‍പറമ്പില്‍, ഫാ. ജോസഫ് കടപ്രാക്കുന്നേല്‍, ഫാ. സ്‌കറിയ പറപ്പള്ളില്‍, ഫാ. കുര്യാക്കോസ് പീടിയേക്കല്‍, ഫാ. ജോസഫ് പൊന്നാറ്റില്‍, ഫാ. ജോര്‍ജ് വല്ലയില്‍, ഫാ. സ്റ്റീഫന്‍ പട്ടത്താനം, ഫാ.തോമസ് പാറത്താനം എന്നിവര്‍ വിശുദ്ധകുര്‍ബാന അര്‍പ്പിക്കും.
അഞ്ചിന് രാവിലെ ആറിനും പത്തിനും വിശുദ്ധകുര്‍ബാന. ഉച്ചകഴിഞ്ഞ് 3.30ന് വിശുദ്ധകുര്‍ബാന ഫാ.ആന്‍റണി കിഴക്കേവീട്ടില്‍, സന്ദേശം ഫാ. ജോബ് വല്ലയില്‍. 5.15ന് സെമിത്തേരി വെഞ്ചരിപ്പ് മാര്‍ തോമസ് തറയില്‍. തുടര്‍ന്ന് സമ്മേളനം.
ഒമ്പതിന് വൈകുന്നേരം 4.30ന് കൊടിയേറ്റ്, വികാരി ഫാ. തോമസ് വാഴപ്പറമ്പില്‍, 5.30ന് വിശുദ്ധകുര്‍ബാന ഫാ. വര്‍ഗീസ് ഇലഞ്ഞിപ്പറമ്പില്‍. 10ന് പൂര്‍വികാനുസ്മരണം രാവിലെ ആറിന് വിശുദ്ധകുര്‍ബാന, ഏഴിന് കഴുന്നെടുപ്പ് ഭവനങ്ങളിലേക്ക്. വൈകുന്നേരം 4.30ന് വിശുദ്ധകുര്‍ബാന ഫാ. ആന്‍ഡ്രൂസ് പാണംപറമ്പില്‍, തുടര്‍ന്ന് സെമിത്തേരി സന്ദര്‍ശനം. രാത്രി ഏഴിന് വൈറല്‍ കട്‌സ് മെഗാഷോ.
11ന് രാവിലെ ആറിന് ഫാ. ജോസഫ് പാറത്താനം വിശുദ്ധകുര്‍ബാന അര്‍പ്പിക്കും. തുടര്‍ന്ന് ദിവ്യകാരുണ്യ പ്രദക്ഷിണം ഫാ. ഫ്രാന്‍സിസ് കരുവേലില്‍ കാര്‍മികത്വം വഹിക്കും. വൈകുന്നേരം 6.30ന് വേളാങ്കണ്ണി കുരിശടിയില്‍ വചനസന്ദേശം ജോര്‍ജുകുട്ടി ആഗസ്തി. തുടര്‍ന്ന് പള്ളിയിലേക്ക് പ്രദക്ഷിണം.
12ന് പ്രധാന തിരുനാളാഘോഷം രാവിലെ ആറിന് വിശുദ്ധകുര്‍ബാന, 10ന് തിരുനാള്‍ കുര്‍ബാന, സന്ദേശം ഫാ.ജോസഫ് കായംകുളത്തുശേരി, വൈകുന്നേരം 4.30ന് വിശുദ്ധകുര്‍ബാന ഫാ. ജോസഫ് പകലോമറ്റം കാനാച്ചേരി. ആറിന് പള്ളിപ്പടി കുരിശടിയിലേക്ക് പ്രദക്ഷിണം, കൊടിയിറക്ക്, ലൈറ്റ് ആൻഡ് സൗണ്ട്‌ഷോ.