കോട്ടയം: കേരള കോ-ഓപ്പറേറ്റീവ് സര്വീസ് പെന്ഷനേഴ്സ് അസോസിയേഷന് രജതജൂബിലി മധ്യകേരള സമ്മേളനം കോട്ടയം ബെഞ്ചമിന് ബെയ്ലി ഹാളില് നടന്നു. സമ്മേളനം മന്ത്രി വി.എന്. വാസവന് ഉദ്ഘാടനം ചെയ്തു.
മോന്സ് ജോസഫ് എംഎല്എ, സി.കെ.ആശ എംഎല്എ, ടി.ജെ. മാത്യു, മുണ്ടൂര് രാമകൃഷ്ണന്, എം.സുകുമാരന്, വി.ജി. വിജയകുമാര്, കെ.എം. തോമസ്, അവിരാ ജോസഫ് തുരുത്തിക്കര, അഡ്വ.ആര്. സനല്കുമാര്, ബേബി ഉഴുത്തുവാല്, എം.എന്. ഗോപാലകൃഷ്ണന്നായര്, പി.എച്ച്. കമാലുദീന് എന്നിവര് പ്രസംഗിച്ചു. സഹകരണ പെന്ഷന് ഇന്ന് ഇന്നലെ നാളെ എന്ന വിഷയത്തില് ബി.പി. പിള്ള പ്രബന്ധം അവതരിപ്പിച്ചു. സമ്മേളനത്തില് ജി. മോഹനന്പിള്ള, കെ.സി. കുഞ്ഞികൃഷ്ണന് നായര്, കെ.പി. ജോണ്, എ.കെ. മാത്യു എന്നിവരെ ആദരിച്ചു.
നിഷേധിക്കപ്പെട്ട ക്ഷാമബത്ത പുനഃസ്ഥാപിക്കുക, മിനിമം പെന്ഷന് 10,000 രൂപ ഉറപ്പുവരുത്തുക, മെഡിക്കല് അലവന്സ് വര്ധിപ്പിക്കുക, സഹകരണ പെന്ഷന് ബോര്ഡ് ഭരണസമിതിയില് സംഘടനാ പ്രതിനിധിയെ ഉള്പ്പെടുത്തുക തുടങ്ങിയ ആവശ്യങ്ങള് ഉന്നയിച്ച് സമരപരിപാടികള് ആരംഭിക്കാന് സമ്മേളനം തീരുമാനിച്ചു.