പെരുവ: കുന്നപ്പള്ളി സുബ്രഹ്മണ്യസ്വാമി ക്ഷേത്രത്തിലെ മകരപ്പൂയ മഹോത്സവവും ഗുരുദേവക്ഷേത്ര പ്രതിഷ്ഠാ വാര്‍ഷികവും രണ്ട്, മൂന്ന്, നാല്, അഞ്ച് തീയതികളില്‍ നടക്കും. ക്ഷേത്രത്തിന്‍റെ പുനഃര്‍നിര്‍മാണപ്രവര്‍ത്തനങ്ങള്‍ നടക്കുന്നതിനാല്‍ ഉത്സവച്ചടങ്ങുകള്‍ പരിമിതപ്പെടുത്തിയതായി ക്ഷേത്ര ഭാരവാഹികള്‍ അറിയിച്ചു. ക്ഷേത്ര ചടങ്ങുകളോടും കാവടി ഘോഷയാത്രയോടും കൂടി ഉത്സവം നടത്തുമെന്ന് അറിയിപ്പില്‍ പറയുന്നു. പ്രതിഷ്ഠാ വാര്‍ഷിക ദിനമായ വ്യാഴാഴ്ച കലശപൂജ, അന്നദാനം.
മകരപ്പൂയ ദിവസമായ അഞ്ചിന് ഗുരുപൂജ, കലശം, അഷ്ടാഭിഷേകം എന്നീ ചടങ്ങുകള്‍ നടക്കും. ഉച്ചയ്ക്ക് ഒരു മണിക്ക് പ്രസാദ ഊട്ട്, രാത്രി ഏഴിന് കാവടി, താലപ്പൊലി വരവേല്‍പ്പ്.
കലശ മഹോത്സവം
പെരുവ: അവര്‍മ മങ്ങാട്ട് കൊട്ടാരം മഹാഗണപതി ക്ഷേത്രത്തില്‍ കലശ മഹോത്സവം മൂന്ന്, നാല് തീയതികളില്‍ ആഘോഷിക്കും. വെള്ളിയാഴ്ച രാവിലെ 7.45-ന് പുരാണപാരായണം, 8.15-ന് 361-ാം നമ്പര്‍ അവര്‍മ എന്‍എസ്എസ് കരയോഗത്തിന്‍റെ നാരായണീയ പാരായണം, 6.30-ന് കളമ്പൂര്‍ രാമചന്ദ്രന്‍റെ സോപാനസംഗീതം, രാത്രി 7.15-ന് കോല്‍തിരുവാതിര, എട്ടിന് കോമഡിഷോ. ശനിയാഴ്ച രാവിലെ എട്ടിന് കലശപൂജകള്‍, ഒമ്പതിന് ശാസ്ത്രീയ സംഗീതം, തുടര്‍ന്ന് കലശാഭിഷേകം, 10-ന് നാരായണീയ പാരായണം, 10.30-ന് കളഭാഭിഷേകം, 11-ന് അപ്പംമൂടല്‍, ഉച്ചയ്ക്ക് 12.30-ന് പ്രസാദഊട്ട്, വൈകൂന്നേരം 5.30-ന് പഞ്ചവാദ്യം, രാത്രി 7.15-ന് നാരായണീയ തിരുവാതിര, 7.30-ന് ഓട്ടന്‍തുള്ളല്‍, എട്ടിന് കൊല്ലം തപസ്യ കലാകേന്ദ്രം അവതരിപ്പിക്കുന്ന നൃത്തനാടകം.