എലിക്കുളം: കാഞ്ഞിരപ്പള്ളി താലൂക്കിൽ ഇന്നും നെൽകൃഷിയെ ചേർത്തുപിടിക്കുന്ന എലിക്കുളം കാപ്പുകയം പാടശേഖരത്തിലെ നെൽകൃഷി കൊയ്ത്തുത്സവം ഇന്നു രാവിലെ 10ന് നടക്കും.
എലിക്കുളം പഞ്ചായത്ത് പ്രസിഡന്‍റ് എസ്. ഷാജി ഉദ്ഘാടനം ചെയ്യും. വൈസ് പ്രസിഡന്‍റ് സിൽവി വിത്സൻ അധ്യക്ഷത വഹിക്കും. പാമ്പാടി കൃഷി അസിസ്റ്റന്‍റ് ഡയറക്ടർ ഡോ. ലെൻസി തോമസ് പദ്ധതി വിശദീകരണം നടത്തും.
ജില്ലാ പഞ്ചായത്തംഗങ്ങളായ ജെസി ഷാജൻ, ടി.എൻ. ഗിരീഷ് കുമാർ, ജോസ്മോൻ മുണ്ടയ്ക്കൽ, ബ്ലോക്ക് പഞ്ചായത്തംഗങ്ങളായ എം.കെ. രാധാകൃഷ്ണൻ, ബെറ്റി റോയി, ജോമോൾ മാത്യു, കൃഷി ഓഫീസർ കെ.എ. ശ്രീലക്ഷ്മി, അസിസ്റ്റന്‍റ് കൃഷി ഓഫീസർമാരായ എ.ജെ. അലക്സ് റോയ്, അനൂപ് കെ. കരുണാകരൻ, പാടശേഖരസമിതി പ്രസിഡന്‍റ് ഔസേപ്പച്ചൻ ഞാറയ്ക്കൽ, സെക്രട്ടറി ജസ്റ്റിൻ ജോർജ് മണ്ഡപത്തിൽ, കർഷക-ജനപ്രതിനിധികൾ, വിവിധ സ്കൂളുകളിൽനിന്നുള്ള വിദ്യാർഥി, അധ്യാപക, രക്ഷകർതൃ പ്രതിനിധികൾ തുടങ്ങിയവർ പങ്കെടുക്കും.
കൊയ്ത്തുത്സവം നാടിന്‍റെ കാർഷികത്തനിമ വിളിച്ചോതുന്ന ഉത്സവമാക്കി മാറ്റുന്നതിലുള്ള തയാറെടുപ്പിലാണ് കർഷകർ.