ഭരണങ്ങാനം: ജില്ലാ പഞ്ചായത്ത് ഭരണങ്ങാനം ഡിവിഷനില് മൂന്നു ഘട്ടങ്ങളിലായി 50 മിനി മാസ്റ്റ് ലൈറ്റുകള് സ്ഥാപിച്ചു. കരൂര്, ഭരണങ്ങാനം, കടനാട്, മീനച്ചില് പഞ്ചായത്തുകളിലായി ഒന്നാം ഘട്ടത്തില് 13 ലൈറ്റുകളും രണ്ടാംഘട്ടത്തില് 21 ലൈറ്റുകളും മൂന്നാംഘട്ടത്തില് 16 ലൈറ്റുകളുമാണ് സ്ഥാപിച്ചിരിക്കുന്നത്. മൂന്നുവര്ഷ ഗ്യാരണ്ടിയോടു കൂടി സംസ്ഥാന ഗവണ്മെന്റ് അംഗീകൃത ഏജന്സിയായ കേരള ഇലക്ട്രിക്കല് ലിമിറ്റഡാണ് ദീപസ്തംഭം എന്നു പേരിട്ടിരിക്കുന്ന പദ്ധതി നടപ്പാക്കുന്നത്.
വിലങ്ങുപാറ, വള്ളിച്ചിറ താമരക്കുളം, കുറുമണ്ണ് കുളം, കയ്യൂര് പള്ളംമാക്കല് ഭഗവതി ക്ഷേത്രം, പൈക പോസ്റ്റ്ഓഫീസ്, കുടക്കച്ചിറ പരുവനാടി, മാനത്തൂര് സ്കൂള്, അളനാട് ശ്രീകൃഷ്ണസ്വാമി ക്ഷേത്രം കാണിക്ക മണ്ഡപം, മീനച്ചില് കുറ്റിലം, പയ്യാനിക്കവല, കടനാട് എംഎന് ലക്ഷംവീട് കോളനി, ഭരണങ്ങാനം പഞ്ചായത്ത്, ഇടപ്പാടി ആനന്ദ ഷൺമുഖ ക്ഷേത്രം, ചാത്തന്കുളം, പോണാട് അമ്പലം, ചൂണ്ടച്ചേരി ലിയോബ കോണ്വെന്റ് എന്നീ ജംഗ്ഷനുകളിലാണു മൂന്നാംഘട്ടത്തില് ലൈറ്റുകള് സ്ഥാപിച്ചിരിക്കുന്നത്. ഏപ്രില് അവസാനത്തോടുകൂടി 16 ലൈറ്റുകളുടെയും നിര്മാണം പൂര്ത്തീകരിച്ച് ഉദ്ഘാടനം ചെയ്യും.
അഞ്ചുവര്ഷത്തിനുള്ളിൽ ഭരണങ്ങാനം ഡിവിഷനില് 100 ലൈറ്റുകള് സ്ഥാപിക്കുന്നതിനാണ് പദ്ധതിയെന്നു ജില്ലാ പഞ്ചായത്തംഗം രാജേഷ് വാളിപ്ലാക്കല് പറഞ്ഞു.