മാ​ലി​ന്യ​വാ​ഹി​നി​യാ​യി വ​ലി​യ​തോ​ട്; മൗ​നം ​മ​റ​യാ​ക്കി അ​ധി​കൃ​ത​ര്‍
Wednesday, March 22, 2023 10:30 PM IST
കു​റ​വി​ല​ങ്ങാ​ട്: നാ​ടി​ന്‍റെ പ്ര​ധാ​ന ജ​ല​സ്രോ​ത​സാ​യ വ​ലി​യ​തോ​ട് മാ​ലി​ന്യ​വാ​ഹി​നി​യാ​യി മാ​റി​യി​ട്ടും അ​ധി​കൃ​ത​ര്‍​ക്കു മൗ​നം. ടൗ​ണി​ല​ട​ക്ക​മു​ള്ള കി​ണ​റു​ക​ളി​ലേ​ക്കും നി​ര​വ​ധി ജ​ല​വി​ത​ര​ണ കു​ള​ങ്ങ​ളി​ലേ​ക്കും ജ​ല​മെ​ത്തു​ന്ന​തി​ന്‍റെ പ്ര​ധാ​ന ഉ​റ​വി​ട​മാ​ണ് വ​ലി​യ​തോ​ട്. ഈ ​മേ​ഖ​ല​യി​ല്‍ മാ​ലി​ന്യം ത​ള്ളാ​നു​ള്ള പ്ര​ധാ​ന താ​വ​ള​മാ​യി വ​ലി​യതോ​ട് മാ​റി​യി​ട്ടു​ണ്ട്. എം​സി റോ​ഡ​ട​ക്ക​മു​ള്ള ഗ​താ​ഗ​ത സൗ​ക​ര്യ​ങ്ങ​ള്‍ മു​ത​ലാ​ക്കി​യാ​ണ് വാ​ഹ​ന​ങ്ങ​ളി​ലെ​ത്തി​ച്ച് ക​ക്കൂ​സ് മാ​ലി​ന്യ​മ​ട​ക്കം വ​ലി​യ​തോ​ട്ടി​ല്‍ ഒ​ഴു​ക്കു​ന്ന​ത്.
വ​ലി​യ​തോ​ട്ടി​ല്‍ ജ​ല​ല​ഭ്യ​ത കു​റ​ഞ്ഞ​തോ​ടെ മാ​ലി​ന്യ​ങ്ങ​ള്‍ തോ​ട്ടി​ല്‍ കെ​ട്ടി​ക്കി​ട​ക്കു​ന്ന അ​വ​സ്ഥ​യാ​ണ്. തോ​ടി​ന്‍റെ സ​മീ​പ​മെ​ല്ലാം ജ​ന​വാ​സ​കേ​ന്ദ്ര​ങ്ങ​ളാ​ണെ​ന്ന​തി​നാ​ല്‍ വ​ലി​യ ആ​രോ​ഗ്യ​ഭീ​ഷ​ണി​ക്കും തോ​ട്ടി​ലെ മാ​ലി​ന്യം കാ​ര​ണ​മാ​കു​ന്നു​ണ്ട്.
ശൗ​ചാ​ല​യ​ങ്ങ​ളും മാ​ലി​ന്യ​സം​ഭ​ര​ണി​ക​ളും ശു​ചീ​ക​രി​ക്കു​ന്ന ക​രാ​റു​കാ​രി​ല്‍ പ​ല​രും ഇ​വ വ​ലി​യ​തോ​ട്ടി​ല്‍ ഒ​ഴു​ക്കു​ന്ന പ​തി​വാ​ണ് സ്വീ​ക​രി​ക്കു​ന്ന​ത്. കാ​റ്റ​റിം​ഗ് സ്ഥാ​പ​ന​ങ്ങ​ളി​ല്‍​നി​ന്ന് മാം​സ-​മ​ത്സ്യാ​വ​ശി​ഷ്ട​ങ്ങ​ള്‍​വ​രെ വ​ലി​യ​തോ​ട്ടി​ല്‍ ത​ള്ളാ​റു​ണ്ട്. കോ​ഴി​ഫാ​മി​ലെ മാ​ലി​ന്യ​ങ്ങ​ള്‍ വ​ലി​യ​തോ​ട്ടി​ലെ ചെ​റി​യ വെ​ള്ള​ത്തി​ല്‍ ത​ത്തി​ക്ക​ളി​ക്കു​ന്ന​തും സാ​ധാ​ര​ണ​മാ​ണ്.
സാ​മൂ​ഹി​ക​വി​രു​ദ്ധ പ്ര​വ​ര്‍​ത്ത​ന​ങ്ങ​ള്‍ ന​ട​ത്തു​ന്ന പ​ല​രും ന​ട​പ​ടി​യി​ല്ലാ​തെ ര​ക്ഷ​പ്പെ​ടു​ക​യാ​ണ് പ​തി​വ്. പി​ടി​കൂ​ടി​യാ​ല്‍​ത്ത​ന്നെ നാ​മ​മാ​ത്ര​മാ​യ പി​ഴ​യ​ട​ച്ച് ര​ക്ഷ​പ്പെ​ടു​ന്ന രീ​തി​യാ​ണ് നി​ല​നി​ല്‍​ക്കു​ന്ന​ത്. ഈ ​സാ​ഹ​ച​ര്യ​ങ്ങ​ള്‍ മു​ത​ലെ​ടു​ത്താ​ണ് ഇ​വ​രു​ടെ വി​ള​യാ​ട്ടം.
ക​നാ​ലി​ല്‍ വെ​ള്ള​മെ​ത്തു​ന്ന മു​റ​യ്ക്കാ​ണ് ഇ​പ്പോ​ള്‍ വ​ലി​യ​തോ​ട്ടി​ലെ നീ​രൊ​ഴു​ക്ക്. വെ​ള്ള​മെ​ത്തി​യാ​ല്‍ തോ​ട്ടി​ലൂ​ടെ മാ​ലി​ന്യ​മൊ​ഴു​കി സ​മീ​പ​സ്ഥ​ല​ങ്ങ​ളി​ലെ​ല്ലാം വ്യാ​പി​ക്കും. വ​റ്റി​വ​ര​ണ്ടാ​ല്‍ അ​താ​ത് സ്ഥ​ല​ങ്ങ​ളി​ല്‍​ത​ന്നെ കി​ട​ന്നു ചീ​ഞ്ഞ​ളി​യും. ത​ദ്ദേ​ശ​സ്വ​യം​ഭ​ര​ണ​സ്ഥാ​പ​ന​ങ്ങ​ളും ആ​രോ​ഗ്യ​വ​കു​പ്പും ഉ​ണ​ര്‍​ന്ന് പ്ര​വ​ര്‍​ത്തി​ക്ക​ണ​മെ​ന്നാ​ണ് പ്ര​ധാ​ന ആ​വ​ശ്യം ഉ​യ​രു​ന്ന​ത്.

Copyright @ 2022 , Rashtra Deepika Ltd.