കാഞ്ഞിരപ്പള്ളി: പാലാ വെള്ളാപ്പാട് വനദുർഗ ഭഗവതി ക്ഷേത്രം മീനപ്പൂര മഹോത്സവം 31 മുതൽ ഏപ്രിൽ നാലുവരെ നടക്കുമെന്ന് ഉത്സവ കമ്മിറ്റി അംഗങ്ങൾ പത്രസമ്മേളനത്തിൽ അറിയിച്ചു. ചടങ്ങുകൾക്ക് ക്ഷേത്രം തന്ത്രി തൃപ്പൂണിത്തുറ പെരുമ്പിള്ളിയാഴത്തു മനയിൽ സുബ്രഹ്മണ്യൻ നമ്പൂതിരി, ക്ഷേത്രം മേൽശാന്തി തുരുത്തിയിൽ ഇല്ലത്ത് പ്രദീപ് നമ്പൂതിരി എന്നിവർ കാർമികത്വം വഹിക്കും.
31ന് രാവിലെ ആറിന് അഷ്ടദ്രവ്യസഹിതം ഗണപതിഹോമം, 8.30ന് ഭഗവത്ഗീതാ പാരായണം, കലശപൂജ, 9.30ന് കലശാഭിഷേകം, 10ന് ഉമാ-മഹേശ്വരപൂജ, 12ന് തിരുവാതിരകളി, ഒന്നിന് പ്രസാദമൂട്ട്, വൈകുന്നേരം ആറിനു ഭരതനാട്യം, 6.30ന് ദീപാരാധന, തിരുവരങ്ങിൽ രാത്രി ഏഴിനു നൃത്തസന്ധ്യ.
ഏപ്രിൽ ഒന്നിനു രാവിലെ ആറിന് അഷ്ടദ്രവ്യസഹിതം ഗണപതിഹോമം, ലളിതാ സഹസ്രനാമ പാരായണം, എട്ടിന് നാരായണീയ പാരായണം, 8.30ന് കലശപൂജ, 12ന് തിരുവാതിരകളി, ഒന്നിന് പ്രസാദമൂട്ട്, വൈകുന്നേരം അഞ്ചിന് ദുർഗസഹസനാമപാരായണം, 6.30ന് ദീപാരാധന, രാത്രി ഏഴിന് സിനിമാറ്റിക് വിഷ്വൽ ഡ്രാമ ജടാമകുടം. രണ്ടിന് രാവിലെ ആറിന് അഷ്ടദ്രവ്യസഹിതം ഗണപതിഹോമം, 8.30ന് വിഷ്ണുപൂജ, ഒമ്പതിന് ഓട്ടൻതുള്ളൽ, 9.30ന് സർപ്പപൂജ, 11ന് സമർപ്പണ സമ്മേളനം ഡോ.ബി. സന്ധ്യ ഐപിഎസ് ഉദ്ഘാടനം ചെയ്യും. ഉത്സവകമ്മിറ്റി രക്ഷാധികാരി ശ്രീനിവാസൻ കുന്നുംപുറത്ത് അധ്യക്ഷത വഹിക്കും. തിരുവിതാംകൂർ ദേവസ്വം ബോർഡ് ചീഫ് എൻജിനിയർ ആർ. അജിത്കുമാർ, ക്ഷേത്ര ഉപദേശക സമിതി രാജേഷ് കുന്നുംപുറത്ത്, പാലാ ആർഡിഒ പി.ജി. രാജേന്ദ്രബാബു, അനഘ ജെ. കോലത്ത്, ഷിബു കാരമുള്ളിൽ എന്നിവർ പ്രസംഗിക്കും. ഉച്ചയ്ക്ക് ഒന്നിന് പ്രസാദമൂട്ട്, വൈകുന്നേരം 6.30ന് തിരുവാതിരകളി, ദീപാരാധന, രാത്രി ഏഴിന് ശാസ്ത്രിയ നൃത്തസന്ധ്യ.
മൂന്നിന് രാവിലെ ആറിന് അഷ്ടദ്രവ്യസഹിതം ഗണപതിഹോമം, 8.30ന് കലശപൂജ, ഒമ്പതിന് കലശാഭിഷേകം, 12ന് പ്രസാദമൂട്ട്, വൈകുന്നേരം അഞ്ചിന് തിരുവരങ്ങിൽ ഭദ്രാ സഹസ്രനാമ പാരായണം, ഭക്തിഘോഷലഹരി, രാത്രി ഒമ്പതിന് വിളക്കൻപൊലി, അത്താഴഊട്ട്. നാലിനു രാവിലെ ആറിന് അഷ്ടദ്രവ്യസഹിതം ഗണപതിഹോമം, എട്ടിന് സംഗീതസദസ്, ഒമ്പതിന് ഇരട്ട പൊങ്കാല, 10ന് സോപാനസംഗീതം, 10.30ന് പൊങ്കാലനിവേദ്യസമർപ്പണം, 11ന് കലശാഭിഷേകം, തിരുവരങ്ങിൽ 11.30ന് സംഗീതസദസ്, 12ന് ശ്രീഭൂതബലി, ഒന്നിനു പിറന്നാൾ ഊട്ട്, വൈകുന്നേരം 6.30ന് ദീപാരാധന, രാത്രി ഏഴിനു ഗാനമേള, എട്ടിനു പൂരംഇടി.
കമ്മിറ്റിയംഗങ്ങളായ ഷിബു കാരമുള്ളിൽ, അനീഷ് മധു മഠത്തിനാൽ, അന പൈപ്പന, സുരേഷ് ബാബു കുന്നംപ്പുറം എന്നിവർ പത്രസമ്മേളനത്തിൽ പങ്കെടുത്തു.
പൊൻകുന്നം: പുതിയകാവ് ദേവീക്ഷേത്രത്തിൽ മീനഭരണി ഉത്സവം നാളെ നടക്കും. രാവിലെ 8.50ന് പൊങ്കാല, ഒന്പതിന് ഭക്തിഗാനസുധ, 11.30ന് സർപ്പപൂജ, 12.15ന് പ്രസാദമൂട്ട്, രാത്രി ഏഴിന് ഭരതനാട്യവും നൃത്തസന്ധ്യയും.