പൊൻകുന്നം: നവോഥാന കേരളം നേരിടുന്ന സാംസ്കാരിക വെല്ലുവിളികൾ എന്ന വിഷയത്തിൽ കാഞ്ഞിരപ്പള്ളി താലൂക്ക് ലൈബ്രറി കൗൺസിൽ സെമിനാർ സംഘടിപ്പിച്ചു. ചിറക്കടവ് പഞ്ചായത്ത് പ്രസിഡന്റ് അഡ്വ. സി.ആർ. ശ്രീകുമാർ ഉദ്ഘാടനം ചെയ്തു. കൗൺസിൽ പ്രസിഡന്റ് പി.എൻ. സോജൻ അധ്യക്ഷത വഹിച്ചു. എംജി യൂണിവേഴ്സിറ്റി സ്കൂൾ ഓഫ് ലെറ്റേഴ്സിലെ അസി. പ്രഫസർ ഡോ. ഹരികുമാർ ചങ്ങമ്പുഴ വിഷയം അവതരിപ്പിച്ചു. കൗൺസിൽ ജില്ലാ പ്രസിഡന്റ് ബാബു കെ.ജോർജ്, ജോർജ് സെബാസ്റ്റ്യൻ, പൊൻകുന്നം സെയ്ദ്, ബി. ഹരികൃഷ്ണൻ, ആർ. ധർമകീർത്തി, ഇ.കെ. ഗംഗാധരൻ, വി.എസ്. അപ്പുക്കുട്ടൻ തുടങ്ങിയവർ പ്രസംഗിച്ചു. താലൂക്കുതല വായനാ മത്സരവിജയികൾക്ക് സമ്മാനം നൽകി.
നിവേദനം നൽകി
എരുമേലി: എരുമേലി - പമ്പ റോഡിലെ അപകടങ്ങൾ ഒഴിവാക്കാൻ നടപടി സ്വീകരിക്കണമെന്നാവശ്യപ്പെട്ട് എരുമേലി ഫൊറോന എസ്എംവൈഎം പ്രസിഡന്റ് സെബാസ്റ്റ്യൻ കുളത്തുങ്കൽ എംഎൽഎയ്ക്ക് നിവേദനം നൽകി.
എംഇഎസ് കോളജ് മുതൽ മുക്കൂട്ടുതറ വരെയുള്ള റോഡിൽ കഴിഞ്ഞ ദിവസങ്ങളിൽ പെയ്ത കനത്ത മഴയിൽ മണൽ ഒഴുകി വന്ന് കിടക്കുന്ന സ്ഥിതിയാണ്. ഇത് വലിയ അപകടങ്ങൾക്കിടയാക്കുമെന്നും മണൽ നീക്കം ചെയ്യാനുള്ള നടപടി സ്വീകരിക്കണമെന്നും കാട്ടിയാണ് എരുമേലി ഫൊറോന ഡയറക്ടർ ഫാ. ആൽബിൻ കുഴിക്കാട്ടിന്റെ നേതൃത്വത്തിൽ പ്രസിഡന്റ് ജിത്തു ബിനെറ്റ് നെടുംതകിടി എംഎൽഎയ്ക്ക് നിവേദനം നൽകിയത്. എൻഎച്ച് ഹൈവേ ഓഫീസിലെ അസിസ്റ്റന്റ് എൻജിനിയറുമായി എംഎൽഎ ബന്ധപ്പെടുകയും ആവശ്യമായ നടപടികൾ സ്വീകരിക്കുമെന്നും അദ്ദേഹം ഉറപ്പു നൽകി.
ഭാരവാഹികൾ
പനമറ്റം: കുഴിക്കാട്ട് കുടുംബയോഗം ഭാരവാഹികളായി ഗോപിനാഥൻ നായർ-പ്രസിഡന്റ്, സുനിൽ-വൈസ് പ്രസിഡന്റ്, ലേഖ ബി. നായർ-സെക്രട്ടറി, രാധാകൃഷ്ണൻ നായർ-ജോയിന്റ് സെക്രട്ടറി, മുരളിമോഹൻ-ട്രഷറർ, ഗോപാലകൃഷ്ണൻ നായർ, ഉണ്ണികൃഷ്ണൻ നായർ, ബി. മണിലാൽ, ഷിനോദ് പ്രഭാകർ-കമ്മിറ്റിയംഗങ്ങൾ) എന്നിവരെ തെരഞ്ഞെടുത്തു.