കോട്ടയം: സ്‌കൂള്‍ ഉച്ചഭക്ഷണ പദ്ധതിയുടെ തുക കാലോചിതമായി വര്‍ധിപ്പിക്കണമെന്ന് ആവശ്യപ്പെട്ടും ഭിന്നശേഷി സംവരണവുമായി ബന്ധപ്പെട്ട ഹൈക്കോടതി ഡിവിഷന്‍ ബെഞ്ച് ഉത്തരവിനൊപ്പം പുറപ്പെടുവിക്കേണ്ട സ്പഷ്‌ടീകരണ ഉത്തരവ് ഉടന്‍ പുറത്തിറക്കണമെന്ന് ആവശ്യപ്പെട്ടും കേരള പ്രദേശ് സ്‌കൂള്‍ ടീച്ചേഴ്‌സ് അസോസിയേഷന്‍ (കെപിഎസ്ടിഎ) കോട്ടയം വിദ്യാഭ്യാസ ഉപഡയറക്ടറുടെ കാര്യാലയത്തിനു മുന്നില്‍ ധര്‍ണ നടത്തി.
ധര്‍ണ യുഡിഫ് ജില്ല കണ്‍വീനര്‍ അഡ്വ. ഫില്‍സണ്‍ മാത്യൂസ് ഉദ്ഘാടനം ചെയ്തു. ജില്ലാ പ്രസിഡന്‍റ് ആര്‍. രാജേഷ് അധ്യക്ഷത വഹിച്ചു.
ജില്ലാ സെക്രട്ടറി മനോജ് വി. പോള്‍, സംസ്ഥാന നിര്‍വാഹക സമിതി അംഗങ്ങളായ വര്‍ഗീസ് ആന്‍റണി, പി. പ്രദീപ്, എം.സി. സ്‌കറിയ, പരിമള്‍ ആന്‍റണി, ജേക്കബ് ചെറിയാന്‍, ടോമി ജേക്കബ്, വി. പ്രദീപ് കുമാര്‍, റോസി വര്‍ഗീസ്, ജില്ലാ ഭാരവാഹികളായ റിന്‍സ് വര്‍ഗീസ്, കെ.ടി. അനില്‍കുമാര്‍, പി.ആര്‍. ശ്രീകുമാര്‍, ജോയ്സ് ജേക്കബ്, റെന്നി സെബാസ്റ്റ്യന്‍, രാജീവ് കുമാര്‍, വിനോദ്, എന്‍.ഡി. ജോസഫ്, സാബു ജേക്കബ്, രഞ്ജി ഡേവിഡ്, ബോബി എ. ചാണ്ടി, ഫേബ എം. ജോസ് എന്നിവര്‍ പ്രസംഗിച്ചു.