കാഞ്ഞിരപ്പളളി: തകര്‍ന്നടിയുന്ന കാര്‍ഷിക സംസ്കാരത്തെയും കര്‍ഷകരേയും സംരക്ഷിക്കുവാന്‍ ഈ മേഖലയില്‍ നൂതനമായ പദ്ധതികള്‍ നടപ്പിലാക്കുവാന്‍ ബ്ലോക്ക് പഞ്ചായത്ത് നേതൃത്വം നല്‍കുമെന്ന് ബ്ലോക്ക് പഞ്ചായത്ത് പ്രസിഡന്‍റ് അജിത രതീഷ് അറിയിച്ചു.
2022-23 വാര്‍ഷിക പദ്ധതിയില്‍ കര്‍ഷക -വനിത ഗ്രൂപ്പുകള്‍ക്ക് അനുവദിച്ച കിഴങ്ങ് വിളകളുടെ ബ്ലോക്കുതല ഉദ്ഘാടനം നിർവഹിച്ച് പ്രസംഗിക്കുകയായിരുന്നു പ്രസിഡന്‍റ്. എടിഎം മോഡലില്‍ വിത്തുവിതരണവും പാല്‍ വിതരണകേന്ദ്രവും ബ്ലോക്ക് പഞ്ചായത്തിന്‍റെ വിവിധ ഭാഗങ്ങളില്‍ സ്ഥാപിക്കുമെന്നും അജിത രതീഷ് അറിയിച്ചു.
ബ്ലോക്ക് പഞ്ചായത്തംഗം ജോളി മടുക്കകുഴി അധ്യക്ഷത വഹിച്ചു. ജില്ലാ പഞ്ചായത്തംഗം ജെസി ഷാജന്‍, ബ്ലോക്ക് പഞ്ചായത്തംഗങ്ങളായ വിമല ജോസഫ്, ഷക്കീല നസീര്‍, പഞ്ചായത്ത് വൈസ് പ്രസിഡന്‍റ് റോസമ്മ പുളിക്കല്‍, പഞ്ചായത്തംഗങ്ങളായ മഞ്ചു മാത്യു, സിന്ധു സോമൻ, സിഡിഎസ് ചെയര്‍പേഴ്സണ്‍ ദീപ്തി ഷാജി, കെ.എന്‍. സരസമ്മ, വിവിധ കര്‍ഷക ഗ്രൂപ്പുകളുടെ ഭാരവാഹികള്‍ തുടങ്ങിയവര്‍ പ്രസംഗിച്ചു. ബ്ലോക്കിന്‍റെ പരിധിയില്‍ വരുന്ന മണിമല, കാഞ്ഞിരപ്പളളി, പാറത്തോട്, മുണ്ടക്കയം, കൂട്ടിക്കല്‍, കോരുത്തോട്, എരുമേലി എന്നീ പഞ്ചായത്തുകളിലായി എട്ടു ലക്ഷം രൂപയുടെ പദ്ധതിയാണ് നടപ്പിലാക്കിയത്.