കാഞ്ഞിരപ്പള്ളി: പെസഹാ ആചരണത്തിന് മുന്നോടിയായി ഈശോയുടെ ജറുസലേം പ്രവേശനത്തിന്‍റെ ഓര്‍മപുതുക്കി പള്ളികളിൽ നാളെ ഓശാന ഞായര്‍ ആചരിക്കും. കുരുത്തോല വെഞ്ചരിപ്പ്, പ്രദക്ഷിണം, വിശുദ്ധ കുർബാന, സന്ദേശം എന്നീ തിരുക്കർമങ്ങൾ പള്ളികളിൽ നടക്കും.
കാഞ്ഞിരപ്പള്ളി സെന്‍റ് ഡൊമിനിക്സ് കത്തീഡ്രലിൽ രാവിലെ 5.10ന് വിശുദ്ധ കുർബാന, 6.30ന് ഗ്രോട്ടോയിൽ നടക്കുന്ന കുരുത്തോല വെഞ്ചരിപ്പിനും ഓശാന ഞായർ തിരുക്കർമങ്ങൾക്കും രൂപതാധ്യക്ഷൻ മാർ ജോസ് പുളിക്കൽ കാർമികത്വം വഹിക്കും. 7.30ന് പനച്ചേപ്പള്ളിൽ വിശുദ്ധ കുർബാന, 10ന് കത്തീഡ്രലിൽ വിശുദ്ധ കുർബാന, വൈകുന്നേരം നാലിനു രോഗികൾക്കുവേണ്ടിയുള്ള വിശുദ്ധ കുർബാന.
മുൻ രൂപതാധ്യക്ഷൻ മാർ മാത്യു അറയ്ക്കൽ കുടമാളൂർ സെന്‍റ് മേരീസ് മേജർ ആർക്കി എപ്പിസ്കോപ്പൽ തീർഥാടന പള്ളിയിൽ ഓശാന ഞായർ തിരുക്കർമങ്ങൾക്ക് കാർമികത്വം വഹിക്കും.
വെളിച്ചിയാനി സെന്‍റ് തോമസ് ഫൊറോന പള്ളിയിൽ രാവിലെ 6.30ന് ഓശാന ഞായർ തിരുക്കർമങ്ങൾക്ക് തുടക്കമാകും. തുടർന്ന് കുരിശിൻതൊട്ടി ചുറ്റി പ്രദക്ഷിണം, പത്തിനും വൈകുന്നേരം നാലിനും വിശുദ്ധ കുർബാന. എരുമേലി അസംപ്ഷൻ ഫൊറോന പള്ളിയിൽ രാവിലെ 6.45ന് ഓശാന ഞായർ തിരുക്കർമങ്ങൾ ആരംഭിക്കും. തുടർന്ന് പ്രദക്ഷിണം, വിശുദ്ധ കുർബാന. 10.30ന് വിശുദ്ധ കുർബാന. കാരിത്തോട് സെന്‍റ് ജോസഫ് കുരിശുപള്ളിയിൽ രാവിലെ 10.30ന് വിശുദ്ധ കുർബാന.
മുണ്ടക്കയം വ്യാകുലമാതാ ഫൊറോന പള്ളിയിൽ രാവിലെ 5.30ന് വിശുദ്ധ കുർബാന, 6.45ന് ഓശാന ഞായർ തിരുക്കർമങ്ങൾ, തുടർന്ന് വിശുദ്ധ കുർബാന, 9.45നും വൈകുന്നേരം നാലിനും വിശുദ്ധ കുർബാന. മണിമല ഹോളിമാഗി ഫൊറോന പള്ളിയിൽ രാവിലെ 6.15ന് ഓശാന ഞായർ തിരുക്കർമങ്ങൾ മാതാവിന്‍റെ ഗ്രോട്ടോയിൽ ആരംഭിക്കും. തുടർന്ന് വിശുദ്ധ കുർബാന, വൈകുന്നേരം 4.30ന് വിശുദ്ധ കുർബാന.
പൊൻകുന്നം തിരുഹൃദയ ഫൊറോന പള്ളിയിൽ രാവിലെ 5.15ന് വിശുദ്ധ കുർബാന, 6.30ന് ഓശാന ഞായർ തിരുക്കർമങ്ങൾ, തുടർന്ന് വിശുദ്ധ കുർബാന, 10നും വൈകുന്നേരം നാലിനും വിശുദ്ധ കുർബാന. ചെങ്ങളം സെന്‍റ് ആന്‍റണീസ് തീർഥാടന പള്ളിയിൽ രാവിലെ 5.30ന് വിശുദ്ധ കുർബാന, 6.30ന് ആരാധന ചാപ്പലിൽ ഓശാന ഞായർ തിരുക്കർമങ്ങൾ, തുടർന്ന് വിശുദ്ധ കുർബാന, വൈകുന്നേരം 5.30ന് വിശുദ്ധ കുർബാന.
കറിക്കാട്ടുർ സെന്‍റ് ആന്‍റണീസ് പള്ളിയിൽ ഓശാന ഞായർ തിരുക്കർമങ്ങൾ രാവിലെ 5.30ന് ആരാധനയോടുകൂടി ആരംഭിക്കും, 5.30 മുതൽ 6.30വര ആരാധന, തുടർന്ന് കുരുത്തോല വെഞ്ചെരിപ്പ്, പ്രദിക്ഷണം, വിശുദ്ധ കുർബാന, 10ന് വിശുദ്ധ കുർബാന.