സ്കൂ​ളി​ന്‍റെ മേ​ൽ​ക്കൂ​ര മി​നു​ക്കി ഇടവകാംഗങ്ങൾ
Sunday, May 28, 2023 10:40 PM IST
എ​രു​മേ​ലി: കൊ​ര​ട്ടി സെ​ന്‍റ് ജോ​സ​ഫ് പു​ത്ത​ൻ പ​ള്ളി വി​കാ​രി ഫാ. ​ജേ​ക്ക​ബ് ചാ​ത്ത​നാ​ട്ട് ഇ​പ്പോ​ൾ നി​റ​ഞ്ഞ സം​തൃ​പ്തി​യി​ലാ​ണ്. ഒ​പ്പം ഇ​ട​വ​കാംഗങ്ങളും.
പ​ള്ളി​യു​ടെ മു​ന്നി​ലു​ള്ള സ്‌കൂ​ളി​ലേ​ക്ക് ഒ​ന്ന് നോ​ക്കൂ എന്ന് പ​ള്ളി​യി​ൽ പ്ര​സം​ഗ​ത്തി​ൽ പ​റ​ഞ്ഞ​താ​യി​രു​ന്നു തു​ട​ക്കം. പ്ര​സം​ഗം കേ​ട്ട് മ​ട​ങ്ങി​യ വി​ശ്വാ​സി​ക​ൾ റെ​ഡി​യാ​യി സ്കൂ​ളി​ലെ​ത്തി. ആ​ദ്യം മേ​ൽ​ക്കൂ​ര​യി​ലെ മു​ഴു​വ​ൻ ഓ​ടു​ക​ളും പെ​റു​ക്കി താ​ഴെ എ​ത്തി​ച്ചു. പി​ന്നെ ചൂ​ലു​ക​ൾ കൊ​ണ്ട് ഓ​ടു​ക​ളും പ​ട്ടി​ക​ക​ളും ക​ഴു​ക്കോ​ലു​ക​ളും വൃ​ത്തി​യാ​ക്കി. കേ​ടാ​യ പ​ട്ടി​ക​ക​ൾ മാ​റ്റി പു​തി​യ​വ സ്ഥാ​പി​ച്ചു. ഏ​ത് മ​ഴ​യെ​യും നേ​രി​ടാൻ ശേ​ഷി പ​ക​രു​ന്ന ആ ​ജോ​ലി​ക​ൾ ഉ​ച്ച​യ്ക്ക് ശേ​ഷ​മാ​ണ് പൂ​ർ​ത്തി​യാ​യ​ത്. പി​ന്നെ ഓ​ടു​ക​ൾ എ​ല്ലാം മു​ക​ളി​ലെ​ത്തി​ച്ച് ഓ​രോ​ന്നാ​യി സൂ​ക്ഷ്മ​ത​യോ​ടെ പാകി.
അ​ടു​ത്ത അ​ധ്യ​യ​ന വ​ർ​ഷം തു​ട​ങ്ങാ​നി​രി​ക്കേ അ​ങ്ങ​നെ കൊ​ര​ട്ടി സെ​ന്‍റ് മേ​രീ​സ് യു​പി സ്കൂ​ളി​ന്‍റെ മേ​ൽ​ക്കൂ​ര ബ​ല​വ​ത്താ​യി. ജോ​ലി​ക​ൾ തീ​ർ​ത്ത് സു​ര​ക്ഷ​യു​ള്ള ക്ലാ​സ് മു​റി​ക​ൾ കു​ട്ടി​ക​ൾ​ക്ക് സ​മ്മാ​നി​ച്ച് ഇ​ട​വ​കാംഗങ്ങൾ പ​ടി​യി​റ​ങ്ങു​മ്പോ​ൾ സ​മ​യം സ​ന്ധ്യ മ​യ​ങ്ങി​യി​രുന്നു.
രാ​വി​ലെ മു​ത​ൽ വൈ​കു​ന്നേ​രം വ​രെ നീ​ണ്ട ആ ​പ​രി​ശ്ര​മ​ത്തെ ഓ​ർ‌​ത്ത് ഇ​പ്പോ​ൾ അ​തു​വ​ഴി ക​ട​ന്നു​പോ​കു​മ്പോ​ൾ അ​ഭി​മാ​ന​വും സ​ന്തോ​ഷ​വും തോ​ന്നു​ന്നെ​ന്ന് പങ്കെടുത്തവർ പ​റ​യു​ന്നു.

Copyright @ 2022 , Rashtra Deepika Ltd.