കാഞ്ഞിരപ്പള്ളി: രണ്ടുമാസത്തെ വേനലവധിക്കു ശേഷം കുട്ടികൾ അക്ഷരമുറ്റത്തേക്ക് കളിചിരികളുമായി എത്തി. ആദ്യമായി സ്കൂളിലെത്തുന്പോൾ കരയുന്ന കുട്ടികളുടെ പതിവു കാഴ്ച ഇക്കുറി കാണാനില്ലായിരുന്നു. കൂട്ടുകാർക്കൊപ്പം കളിച്ചും പഠിച്ചും നടക്കാനാണ് അവർക്ക് ഇഷ്ടം. കാഞ്ഞിരപ്പള്ളിയിലെ വിവിധ സ്കൂളുകളിൽ പ്രവേശനോത്സവം നടത്തി. മധുരപലഹാരങ്ങളും പൂക്കളും നൽകിയാണ് കുട്ടികളെ അധ്യാപകർ സ്വീകരിച്ചത്.
കാഞ്ഞിരപ്പള്ളി സെന്റ് ഡൊമിനിക്സ് സ്കൂളിലെ പ്രവേശനോത്സവം ജില്ലാ പഞ്ചായത്തംഗം ജെസി ഷാജൻ ഉദ്ഘാടനം ചെയ്തു. സെന്റ് ഡൊമിനിക്സ് കത്തീഡ്രൽ അസി. വികാരി ഫാ. ആൻഡ്രൂസ് പേഴുംകാട്ടിൽ അധ്യക്ഷത വഹിച്ചു. ഹെഡ്മാസ്റ്റർ പി.ജെ. തോമസ്, പ്രിൻസിപ്പൽ ബിനോയ് എം. ജേക്കബ്, പിടിഎ പ്രസിഡന്റ് രഞ്ചു തോമസ്, ജെറിൻ ജോർജ് എന്നിവർ പ്രസംഗിച്ചു. കുട്ടികളുടെ വിവിധ കലാപരിപാടികളും പ്രവേശനോത്സവ റാലിയും നടത്തി.
കാഞ്ഞിരപ്പള്ളി സെന്റ് മേരീസ് ഗേൾസ് ഹൈസ്കൂളിലെ പ്രവേശനോത്സവം സ്കൂൾ മാനേജർ സിസ്റ്റർ സലോമി സിഎംസി ഉദ്ഘാടനം ചെയ്തു. പിടിഎ പ്രസിഡന്റ് ബി. പ്രമോദ് അധ്യക്ഷത വഹിച്ചു. ഹെഡ്മിസ്ട്രസ് മിനിമോൾ ജോസഫ്, സനീഷ്കുമാർ എന്നിവർ പ്രസംഗിച്ചു. കുട്ടികളുടെ വിവിധ കലാപരിപാടികളും നടത്തി.
എകെജെഎം സ്കൂളിലെ പ്രവേശനോത്സവം സ്കൂള് മാനേജര് ഫാ. സ്റ്റീഫൻ സി. തടം എസ്ജെ ഉദ്ഘാടനം ചെയ്തു. പഞ്ചായത്ത് പ്രസിഡന്റ് കെ.ആർ. തങ്കപ്പൻ, ജില്ലാ പഞ്ചായത്തംഗം ജെസി ഷാജൻ, ബ്ലോക്ക് പഞ്ചായത്തംഗം ജോളി മടുക്കക്കുഴി, പഞ്ചായത്തംഗം മഞ്ചു മാത്യു, പ്രിൻസിപ്പൽ ഫാ. അഗസ്റ്റിൻ പീടികമല എസ്ജെ, വൈസ് പ്രിൻസിപ്പൽ ജയിംസ് പി. ജോൺ തുടങ്ങിയവർ പ്രസംഗിച്ചു. പുതിയതായി ഈ വർഷം സ്കൂളിൽ ചാർജെടുത്ത അധ്യാപകരെയും യോഗത്തിൽ സ്വീകരിച്ചു. തുടർന്ന് കുട്ടികളുടെ വിവിധ കലാപരിപാടികൾ നടത്തി.
കുന്നുംഭാഗം സെന്റ് ജോസഫ് കിന്റർ ഗാർഡൻ സ്കൂളിലെ പ്രവേശനോത്സവം സ്കൂള് മാനേജര് ഡോ. സിസ്റ്റര് ജാന്സി മരിയ മഞ്ഞനാനിക്കല് എസ്എബിഎസ് ഉദ്ഘാടനം ചെയ്തു. പഞ്ചായത്തംഗം ആന്റണി മാർട്ടിൻ, പ്രിൻസിപ്പൽ സിസ്റ്റർ കുസുമം എസ്എബിഎസ്, അധ്യാപിക സോഫിയ മാത്യു, അന്നമ്മ സാബു എന്നിവർ പ്രസംഗിച്ചു. തുടർന്ന് കുട്ടികളുടെ വിവിധ കലാപരിപാടികളും നടത്തി.
കുന്നുംഭാഗം ഗവൺമെന്റ് എൽപി സ്കൂളിലെ പ്രവേശനോത്സവം വാർഡ് മെംബർ ആന്റണി മാർട്ടിൻ ഉദ്ഘാടനം ചെയ്തു. ഹെഡ്മിസ്ട്രസ് ആച്ചിയമ്മ ജോസഫ് അധ്യക്ഷത വഹിച്ചു. കുട്ടികൾക്ക് പഠനോപകരണങ്ങളും വിതരണം ചെയ്തു.
കാഞ്ഞിരപ്പള്ളി പേട്ട ഗവൺമെന്റ് ഹൈസ്കൂളിൽ നടന്ന പ്രവേശേനോത്സവം ജില്ലാ പഞ്ചായത്തംഗം ജെസി ഷാജൻ ഉദ്ഘാടനം ചെയ്തു. പഞ്ചായത്തംഗം പി.എ. ഷെമീർ അധ്യക്ഷത വഹിച്ചു. ഹെഡ്മാസ്റ്റർ വി.കെ. സൈനുദീൻ, പിടിഎ പ്രസിഡന്റ് കെ. സജി, പി.ആർ. സജി, റൈഹാന മുജീബ്, ഫസീലാ സലാം, പി. ഇന്ദിര, ജയ്സൺ തോമസ് എന്നിവർ പ്രസംഗിച്ചു. മധുരപലഹാരങ്ങളും സമ്മാനങ്ങളും നൽകിയാണ് കുട്ടികളെ സ്വീകരിച്ചത്. കുട്ടികളുടെ വിവിധ കലാപരിപാടികളും നടത്തി.
കാഞ്ഞിരപ്പള്ളി ഗവണ്മെന്റ് ടെക്നിക്കൽ ഹൈസ്കൂളിലെ പ്രവേശനോത്സവം പഞ്ചായത്ത് പ്രസിഡന്റ് കെ.ആർ. തങ്കപ്പൻ ഉദ്ഘാടനം ചെയ്തു. സ്കൂൾ സൂപ്രണ്ട് മാത്യു ഉമ്മൻ അധ്യക്ഷത വഹിച്ചു. വൈസ് പ്രസിഡന്റ് റോസമ്മ തോമസ് മുഖ്യപ്രഭാഷണം നടത്തി. പിടിഎ വൈസ് പ്രസിഡന്റ് രഞ്ചു തോമസ്, എൻജിനിയറിംഗ് ഇൻസ്ട്രക്ടർ കെ.കെ. മണി, വർക്ക്ഷോപ്പ് ഫോർമാൻ സാം പീറ്റർ, പിടിഎ സെക്രട്ടറി കെ.എസ്. സന്തോഷ്, പി.ജി. ആര്യകല, കെ.എച്ച്. അസീസ് എന്നിവർ പ്രസംഗിച്ചു.
കാളകെട്ടി അസീസി ബ്ലൈൻഡ് സ്കൂളിലെ പ്രവേശനോത്സവം വാർഡ് മെംബർ ബ്ലെസി വട്ടവയലിൽ ഉദ്ഘാടനം ചെയ്തു. മധുരപലഹാരങ്ങളും സമ്മാനങ്ങളും നൽകിയാണ് കുട്ടികളെ സ്വീകരിച്ചത്. കുട്ടികളുടെ വിവിധ കലാപരിപാടികളും നടത്തി.
ചോറ്റി പാലാമ്പടം എൽപി സ്കൂളിൽ പ്രവേശനോത്സവം പാറത്തോട് പഞ്ചായത്ത് പ്രസിഡന്റ് വിജയമ്മ വിജയലാൽ ഉദ്ഘാടനം ചെയ്തു. ഹെഡ്മിസ്ട്രസ് സൂസൻ കെ. ജോസ് അധ്യക്ഷത വഹിച്ചു. അധ്യാപകരായ സിസി തോമസ്, ലത ആർ. നായർ. പിടിഎ വൈസ് പ്രസിഡന്റ് അനിൽകുമാർ എന്നിവർ പ്രസംഗിച്ചു. ചുവർ ചിത്രങ്ങളാൽ അലങ്കരിച്ച് മനോഹരമാക്കിയ വിദ്യാലയമാണ് കുട്ടികളെ വരവേറ്റത്. ആർട്ടിസ്റ്റും കലാകാരനുമായ പൂർവ വിദ്യാർഥിയായ കെ.കെ. വിനോദിനെയും യോഗത്തിൽ അനുമോദിച്ചു.
കൊരട്ടി സെന്റ് മേരീസ് യുപി സ്കൂളിലെ പ്രവേശനോത്സവം കാഞ്ഞിരപ്പള്ളിപഞ്ചായത്ത് വൈസ് പ്രസിഡന്റ് റോസമ്മ തോമസ് ഉദ്ഘാടനം ചെയ്തു. മാനേജർ ഫാ. ജേക്കബ് ചാത്തനാട്ട് അധ്യക്ഷത വഹിച്ചു. കാഞ്ഞിരപ്പള്ളി പോലീസ് സ്റ്റേഷനിലെ സിപിഒ നൗഷാദ് ലഹരി വിരുദ്ധ ബോധവത്കരണ സന്ദേശം നൽകി. ഹെഡ്മിസ്ട്രസ് ആൻസിമോൾ ആന്റണി, പിടിഎ പ്രഡിഡന്റ് ബിനോയ് ടി. വർഗീസ്, സെബിൻ തോമസ് എന്നിവർ പ്രസംഗിച്ചു. വിഭവ സമൃദ്ധമായ ഉച്ചഭക്ഷണവും കുട്ടികൾക്ക് നൽകി.
മുക്കൂട്ടുതറ മുട്ടപ്പള്ളി തിരുവള്ളുവർ ഹൈസ്കൂളിലെ പ്രവേശനോത്സവം വാർഡ് മെംബർ എം.എസ്. സതീഷ് ഉദ്ഘാടനം ചെയ്തു. മാനേജിംഗ് കമ്മിറ്റി സെക്രട്ടറി പി. അനിൽ കുമാർ അധ്യക്ഷത വഹിച്ചു.
എരുമേലി: സെന്റ് തോമസ് എൽപി സ്കൂളിൽ പ്രവേശനോത്സവം നടത്തി. ബലൂണുകളും മധുരപലഹാരങ്ങളും പഠനോപകരണങ്ങളും നൽകിയാണ് അധ്യാപകർ കുട്ടികളെ സ്വീകരിച്ചത്. ഹെഡ്മിസ്ട്രസ് സിസ്റ്റർ റെജി സെബാസ്റ്റ്യൻ, മാനേജർ സിസ്റ്റർ അലീസിയ, വാർഡ് അംഗം ഷാനവാസ്, പിടിഎ പ്രസിഡന്റ് ബിനോയ്, സീനിയർ അധ്യാപിക ലൗലി പി. ജേക്കബ് തുടങ്ങിയവർ നേതൃത്വം നൽകി.
എരുമേലി: സെന്റ് തോമസ് ഹൈസ്കൂളിൽ പ്രവേശനോത്സവം നടത്തി. സ്കൂൾ മാനേജർ ഫാ. വർഗീസ് പുതുപ്പറമ്പിൽ, പ്രിൻസിപ്പൽ ജെ.പി. സെൻ, ഹെഡ്മിസ്ട്രസ് മേഴ്സി ജോൺ, പിടിഎ പ്രസിഡന്റ് സോയൂസ് പി. തോമസ്, സീനിയർ അസിസ്റ്റന്റ് റജി ഏബ്രഹാം തുടങ്ങിയവർ പ്രസംഗിച്ചു.
എരുമേലി: കുട്ടികളുടെ എണ്ണം വർധിച്ചതിന്റെ ആവേശത്തിൽ തുമരംപാറയിലെ ഗവൺമെന്റ് ട്രൈബൽ എൽപി സ്കൂൾ. ഇന്നലെ പ്രവേശനോത്സവത്തിൽ എത്തിയത് 65 കുട്ടികൾ. പഞ്ചായത്ത് വൈസ് പ്രസിഡന്റ് ബിനോയ് ഇലവുങ്കൽ പ്രവേശനോത്സവം ഉദ്ഘാടനം ചെയ്തു. പിടിഎ പ്രസിഡന്റ് അനിത സുരേഷ്, പഞ്ചായത്തംഗം പ്രകാശ് പള്ളിക്കൂടം തുടങ്ങിയവർ പങ്കെടുത്തു.
പൊൻകുന്നം: ഉരുളികുന്നം എസ്ഡിഎൽപി സ്കൂളിലെ പ്രവേശനോത്സവം ജില്ലാ പഞ്ചായത്തംഗം ജോസ്മോൻ മുണ്ടയ്ക്കൽ ഉദ്ഘാടനം ചെയ്തു. മാനേജർ ഇ.ആർ. സുശീലൻ പണിക്കർ അധ്യക്ഷത വഹിച്ചു.
എലിക്കുളം: എംജിഎം യുപി സ്കൂളിൽ പ്രവേശനോത്സവം വാർഡംഗം ദീപ ശ്രീജേഷ് ഉദ്ഘാടനം ചെയ്തു. മാനേജർ ആർ. രാജേഷ് കൊടിപ്പറമ്പിൽ, സി. മനോജ്, ജോയി ജോസഫ്, കെ.എ. അമ്പിളി, ഗ്രേസിക്കുട്ടി തുടങ്ങിയവർ പ്രസംഗിച്ചു.
എലിക്കുളം: സെന്റ് മാത്യൂസ് സ്കൂളിൽ പാമ്പാടി ബ്ലോക്കുതല പ്രവേശനോത്സവം ബ്ലോക്ക് പഞ്ചായത്ത് പ്രസിഡന്റ് മറിയാമ്മ ഏബ്രഹാം ഉദ്ഘാടനം ചെയ്തു. എലിക്കുളം പഞ്ചായത്ത് പ്രസിഡന്റ് എസ്. ഷാജി അധ്യക്ഷത വഹിച്ചു. എഇഒ പി.എച്ച്. ഷൈലജ, മാനേജർ ഫാ. അഗസ്റ്റിൻ പുതുപ്പറമ്പിൽ, പ്രേമ ബിജു, സെൽവി വിൽസൺ, മാത്യൂസ് പെരുമനങ്ങാട്ട്, ദീപ ശ്രീജേഷ്, റീബി വർഗീസ് എന്നിവർ പ്രസംഗിച്ചു.