പാലാ: പുത്തനുടുപ്പുകളും ബാഗുമായി അക്ഷരമുറ്റത്ത് കാല്വച്ച കുരുന്നുകള്ക്ക് ആകാംക്ഷ പകര്ന്ന് പ്രവേശനത്സവം വര്ണാഭമായി. ക്ലാസ് മുറികള് വര്ണക്കടലാസുകളാലും ബലൂണുകളാലും അലങ്കരിച്ചിരുന്നു. പ്രിയപ്പെട്ട കുരുന്നുകള്ക്ക് ആശംസകളെഴുതാന് അധ്യാപകരും മാതാപിതാക്കന്മാരും മത്സരിച്ചു. സ്കൂളിന്റെ പടികടന്നെത്തിയ നവാഗതരെ മിഠായികളും ബലൂണുകളും തലപ്പാവുകളും നല്കി അധ്യാപകരും പിടിഎയും സ്വീകരിച്ചു.
പുലിയന്നൂര് ഗവണ്മെന്റ് സ്കൂളില് സംഘടിപ്പിച്ച പാലാ വിദ്യാഭ്യാസ ഉപജില്ലാ പ്രവേശനോത്സവം മാണി സി. കാപ്പന് ഉദ്ഘാടനം ചെയ്തു. പുതിയ കുരുന്നുകളെ പെന്സിലിന്റെ വലിയ രൂപവും ബലൂണുകളും നല്കിയാണ് മാണി സി. കാപ്പനും മുത്തോലി പഞ്ചായത്ത് പ്രസിഡന്റ് രൺജിത്ത് ജി. മീനാഭവന്, മെംബര്മാരായ രാജന് മുണ്ടമറ്റം, ആര്യ സബിന് എന്നിവരും ചേര്ന്ന് സ്വീകരിച്ചത്.
പാലാ നഗരസഭാതല പ്രവേശനോത്സവത്തിന്റെ ഉദ്ഘാടനം പാലാ സെന്റ് മേരീസ് എല്പി സ്കൂളില് നഗരസഭാധ്യക്ഷ ജോസിന് ബിനോ ഉദ്ഘാടനം ചെയ്തു. എല്കെജി, യുകെജി എന്നിവിടങ്ങിളിലേയ്ക്ക് 120 കുട്ടികളും ഒന്നാം ക്ലാസിലേക്ക് 70 കുട്ടികളും ഇവിടെ പ്രവേശനം നേടി.
കുറവിലങ്ങാട്: പതിവുള്ള മഴപോലും മാറ്റി മനോഹരിയായിനിന്ന പ്രകൃതിക്കൊപ്പം ചിരിച്ചുകളിച്ച് വിദ്യാലയങ്ങള് പുതിയ അധ്യയനവര്ഷത്തിലേക്ക് പ്രവേശിച്ചു. കൊടിതോരണങ്ങളും ബലൂണുകളും നിറച്ച് വലിയ ആഘോഷമായിരുന്നു പലയിടങ്ങളിലും പ്രവേശനോത്സവം. അധ്യാപകരും മുതിര്ന്ന വിദ്യാര്ഥികളും ചേര്ന്ന് പുതുതലമുറക്കാരെ വരവേറ്റു. മധുപലഹാരങ്ങളും ശീതളപാനീയങ്ങളുമൊരുക്കിയാണ് വിദ്യാലങ്ങള് നവാഗതരെ സ്വീകരിച്ചത്.
സ്കൂളുകള് പലതും നിറംമാറ്റിയും ചിത്രങ്ങള് വരച്ചും കൂടുതല് മനോഹരിയായി മാറിയിരുന്നു. കോളജുകളില് വലിയ ആഘോഷങ്ങളൊന്നുമുണ്ടായില്ലെങ്കിലും ഇടവേളയ്ക്കു ശേഷം സഹപാഠികള് ഒരുമിച്ചതിന്റെ സന്തോഷം പ്രകടമായിരുന്നു.
ഉഴവൂര് പഞ്ചായത്തുതല പ്രവേശനോത്സവം മോനിപ്പള്ളി ഗവ. എന്എസ്എസ് എല്പി സ്കൂളില് നടത്തി. പഞ്ചായത്ത് പ്രസിഡന്റ് ഇന് ചാര്ജ് ഏലിയാമ്മ കുരുവിള ഉദ്ഘാടനം ചെയ്തു. കടപ്ലാമറ്റം പഞ്ചായത്തുതല പ്രവേശനോത്സവം പഞ്ചായത്ത് പ്രസിഡന്റ് ത്രേസ്യാമ്മ സെബാസ്റ്റ്യന് ഉദ്ഘാടനം ചെയ്തു. പഠനോപകരണവിതരണം, ലഹരിവിരുദ്ധ പ്രതിജ്ഞ, പാഠപുസ്തക വിതരണം എന്നിവയും നടത്തി.
അരുവിത്തുറ: സ്കൂള് പ്രവേശനോത്സവത്തിന്റെ രൂപതാതല ഉദ്ഘാടനം സെന്റ് ജോര്ജ് ഹയര് സെക്കന്ഡറി സ്കൂളില് കോര്പറേറ്റ് സെക്രട്ടറി ഫാ. ബെര്ക്കുമാന്സ് കുന്നുംപുറം നിര്വഹിച്ചു. സ്കൂള് മാനേജര് റവ. ഡോ.അഗസ്റ്റിന് പാലയ്ക്കാപ്പറമ്പില് അധ്യക്ഷത വഹിച്ചു. മുനിസിപ്പല് കൗണ്സിലര് ഫാത്തിമ സുഹാന, പിടിഎ പ്രസിഡന്റ് ഷിനു ജോസഫ്, ട്രസ്റ്റി പ്രിന്സ് പോര്ക്കാട്ടില്, ഹെഡ്മാസ്റ്റര് ജോബെറ്റ് തോമസ്, സന്തോഷ് തോമസ് എന്നിവര് പ്രസംഗിച്ചു.
പ്രവിത്താനം: സെന്റ് മൈക്കിള്സ് ഹയര് സെക്കൻഡറി സ്കൂള് പ്രവേശനോത്സവം ളാലം ബ്ലോക്ക് പഞ്ചായത്ത് മെംബര് ലിസമ്മ ബോസ് ഉദ്ഘാടനം ചെയ്തു. സ്കൂള് മാനേജര് ഫാ. ജോര്ജ് വേളൂപ്പറമ്പില് അധ്യക്ഷത വഹിച്ചു. പഞ്ചായത്ത് മെംബര് സ്മിത ഗോപാലകൃഷ്ണന്, പ്രിന്സിപ്പല് സിസ്റ്റര് ജെസി, ഹെഡ്മാസ്റ്റര് വി.ജെ. അജി, പിടിഎ പ്രസിഡന്റ് വി.കെ. ജോസഫ്, എംപിടിഎ പ്രസിഡന്റ് ജാന്സി ജോസഫ്, സ്റ്റാഫ് സെക്രട്ടറി ജോജിമോന് ജോസ് എന്നിവര് പ്രസംഗിച്ചു.
ചേന്നാട്: പുതിയ അധ്യായന വർഷത്തിൽ ലഹരിക്കെതിരേ പോരാട്ടം പ്രഖ്യാപിച്ചും ജൈവ കൃഷി പ്രോത്സാഹിപ്പിച്ചും ചേന്നാട് സെന്റ് മരിയ ഗൊരേത്തീസ് ഹൈസ്കൂൾ ഒരുക്കിയ പ്രവേശനോത്സവം വേറിട്ടതായി. ഒരു മദ്യകുപ്പിയിൽ ചുറ്റിക്കിടക്കുന്ന രൂപം സ്കൂളിന്റെ മുന്പിൽ സ്ഥാപിച്ചായിരുന്നു പ്രവേശനോത്സവം തുടങ്ങിയത്. ലഹരി പെയോഗിക്കരുതെന്നും ജീവിതയാത്രയിൽ ലഹരിക്കെതിരേ പോരാടുമെന്നും വിദ്യാർഥികൾ പ്രതിജ്ഞയെടുത്തു. തുടർന്ന് പ്രതീകാത്മക വള്ളത്തിൽ വിഷമില്ലാത്ത നാടൻ വിഭവങ്ങളായ ചക്ക, മാങ്ങ, പൈനാപ്പിൾ, നാളികേരം, പച്ചക്കറികൾ എന്നിവ നിറച്ച് പുതിയ വർഷത്തിലേക്ക് പ്രവേശിക്കാം എന്ന സന്ദേശം നൽകി വിദ്യാർഥികൾ വള്ളം തുഴഞ്ഞത് വിസ്മയ കാഴ്ചയായി. ഹെഡ്മിസ്ട്രിസ് സിസ്റ്റർ സിസി എസ്എച്ച്, പിടിഎ വൈസ് പ്രസിഡന്റ് രതീഷ്, സീനാ ജോസഫ്, ലിൻസി സെബാസ്റ്റ്യൻ, ജിസാ ജെയ്സൺ എന്നിവർ നേതൃത്വം നൽകി.
വാകക്കാട്: അന്താരാഷ്ട്ര ചെറുധാന്യ വര്ഷത്തില് മില്ലറ്റ് പ്രവേശനോത്സവമൊരുക്കി വാകക്കാട് സെന്റ് പോള്സ് എല്പി സ്കൂള്. പ്രവേശനോത്സവത്തിനെത്തിയ കുഞ്ഞുങ്ങളെ മില്ലറ്റ് വിഭവങ്ങളും മില്ലറ്റ് തൈകളും നൽകിയാണു സ്വീകരിച്ചത്. സ്കൂളിന്റെ ശതാബ്ദി വര്ഷത്തിലാണു ചെറുധാന്യങ്ങളുടെ പ്രാധാന്യം കുട്ടികള്ക്ക് മനസിലാക്കുന്നതിനായി വ്യത്യസ്തമായ പ്രവേശനോത്സവമൊരുക്കിയത്. സ്കൂള് മാനേജര് ഫാ. മൈക്കിള് ചീരാംകുഴി അധ്യക്ഷത വഹിച്ച യോഗം വാര്ഡ് അംഗം അലക്സ് ടി. ജോസഫ് ഉദ്ഘാടനം ചെയ്തു. പിടിഎ പ്രസിഡന്റ് ജോര്ജുകുട്ടി അലക്സ്, ഹെഡ്മിസ്ട്രസ് സിസ്റ്റർ ടെസി ജോര്ജ് എന്നിവര് പ്രസംഗിച്ചു.