കോട്ടയം: വളരെ ആസൂത്രിതമായി നടപ്പാക്കുന്ന നരഹത്യയെന്നു സംശയിക്കപ്പെടുന്ന രീതിയിലേക്കാണ് മണിപ്പുര്‍ സംഭവവികാസങ്ങള്‍ എത്തിക്കൊണ്ടിരിക്കുന്നത്. ഒരു ജനാധിപത്യ രാജ്യത്ത് നടക്കാന്‍ പാടില്ലാത്ത പലതും മണിപ്പുരില്‍ സംഭവിച്ചുകൊണ്ടിരിക്കുന്നു. എത്രയും പെട്ടെന്ന് മണിപ്പുര്‍ സര്‍ക്കാരിനെ പിരിച്ചുവിട്ട് ജനങ്ങളുടെ ജീവനും സ്വത്തിനും ഗോത്രവര്‍ഗക്കാരുടെ ആചാരാനുഷ്ഠാനങ്ങള്‍ക്കും വിശ്വാസത്തിനും സംരക്ഷണം നല്‍കാന്‍ കേന്ദ്രസര്‍ക്കാര്‍ തയ്യാറാവണമെന്ന് കത്തോലിക്ക കോണ്‍ഗ്രസ് ചങ്ങനാശേരി അതിരൂപത സമിതി ആവശ്യപ്പെട്ടു.
കത്തോലിക്ക കോണ്‍ഗ്രസ് ചങ്ങനാശേരി അതിരൂപത പ്രസിഡന്‍റ് പി.പി. ജോസഫ് അധ്യക്ഷത വഹിച്ചു. ഡയറക്ടര്‍ ഫാ. സെബാസ്റ്റ്യന്‍ ചാമക്കാല ഉദ്ഘാടനം ചെയ്തു. ജനറല്‍ സെക്രട്ടറി ബിജു സെബാസ്റ്റ്യന്‍, ട്രഷറര്‍ ബാബു വള്ളപ്പുര, ഗ്ലോബല്‍സമിതി ഭാരവാഹികളായ രാജേഷ് ജോണ്‍, വര്‍ഗീസ് ആന്‍റണി, അതിരൂപത ഭാരവാഹികളായ ലിസി ജോസ്, ഷെയിന്‍ ജോസഫ്, സി.ടി. തോമസ്, ജോര്‍ജുകുട്ടി മുക്കത്ത്, ജോയ് പാറപ്പുറം, ടോമിച്ചന്‍ മേത്തശേരി, ജേക്കബ് നിക്കോളാസ്, മിനി ജയിംസ്, ജാന്‍സണ്‍ ജോസഫ്, ഷിജി ജോണ്‍സണ്‍, ബിനു ഡൊമിനിക്, സേവ്യര്‍ തോമസ് കൊണ്ടോടി, ജോസ് ജോണ്‍ വെങ്ങാന്തറ, പി.സി. അനിയന്‍കുഞ്ഞ്, ജോസ് ജയിംസ് കണ്ണന്തറ, സെബാസ്റ്റ്യന്‍ പുല്ലാട്ടുകാല, കെ.എസ്. ആന്‍റണി, ജോസി കല്ലുകളം, ജിനോ ജോസഫ്, ചാണ്ടി ഫിലിപ്പ് എന്നിവര്‍ പ്രസംഗിച്ചു.