അ​വ​ലോ​ക​ന​യോ​ഗം ന​ട​ത്തി; പ​രാ​തി​ക​ൾ പ​രി​ഹ​രി​ക്കും
Wednesday, November 29, 2023 12:39 AM IST
പൊ​ൻ​കു​ന്നം: ചി​റ​ക്ക​ട​വ് പ​ഞ്ചാ​യ​ത്തി​ൽ ശ​ബ​രി​മ​ല തീ​ർ​ഥാ​ട​ന​വു​മാ​യി ബ​ന്ധ​പ്പെ​ട്ട് അ​വ​ലോ​ക​ന​യോ​ഗം ന​ട​ത്തി. വി​വി​ധ വ​കു​പ്പു​ക​ളു​ടെ ഉ​ദ്യോ​ഗ​സ്ഥ​രു​ടെ സാ​ന്നി​ധ്യ​ത്തി​ൽ ചേ​ർ​ന്ന യോ​ഗ​ത്തി​ൽ പ​ഞ്ചാ​യ​ത്ത് പ്ര​സി​ഡ​ന്‍റ് സി.​ആ​ർ. ശ്രീ​കു​മാ​ർ അ​ധ്യ​ക്ഷ​ത വ​ഹി​ച്ചു.

പ​ഞ്ചാ​യ​ത്ത് സ്വീ​ക​രി​ച്ച ന​ട​പ​ടി​ക​ൾ യോ​ഗ​ത്തി​ൽ വി​ശ​ദീ​ക​രി​ച്ചു. വി​വി​ധ വ​കു​പ്പു​ക​ൾ ചെ​യ്യേ​ണ്ട കാ​ര്യ​ങ്ങ​ൾ ച​ർ​ച്ച​യാ​യ​തി​നൊ​പ്പം മു​ൻ​വ​ർ​ഷം നി​ർ​ദേ​ശി​ച്ചി​ട്ടും ന​ട​പ്പാ​കാ​തെ പോ​യ​വ വി​മ​ർ​ശ​ന​ങ്ങ​ൾ​ക്കി​ട​യാ​ക്കി.

സീ​ബ്രാ​ലൈ​നു​ക​ളി​ല്ല

ദേ​ശീ​യ​പാ​ത, പൊ​ൻ​കു​ന്നം - എ​രു​മേ​ലി റോ​ഡ് എ​ന്നി​വി​ട​ങ്ങ​ളി​ൽ ആ​വ​ശ്യ​മാ​യ സീ​ബ്രാ​ലൈ​നു​ക​ളി​ല്ല, ഉ​ള്ള​വ മാ​ഞ്ഞു​പോ​യി തു​ട​ങ്ങി​യ കാ​ര്യ​ങ്ങ​ൾ 2022ൽ ​പൊ​തു​മ​രാ​മ​ത്ത് വ​കു​പ്പ്, ദേ​ശീ​യ​പാ​താ​വി​ഭാ​ഗം, കെ​എ​സ്ടി​പി എ​ന്നി​വ​യെ അ​റി​യി​ച്ചി​രു​ന്നു​വെ​ങ്കി​ലും ന​ട​പ​ടി​യെ​ടു​ത്തി​ല്ലെ​ന്നാ​ണ് ആ​ക്ഷേ​പം. സ്ഥ​ലം എം​എ​ൽ​എ​യാ​യ ചീ​ഫ് വി​പ്പ് ഡോ.​എ​ൻ. ജ​യ​രാ​ജി​നും മു​ഖ്യ​മ​ന്ത്രി​ക്കും ഇ​തു​സം​ബ​ന്ധി​ച്ച് പ​രാ​തി ന​ൽ​കാ​ൻ തീ​രു​മാ​നി​ച്ചു.

പൈ​പ്പ് പൊ​ട്ട​ലും റോ​ഡ് ത​ക​ർ​ച്ച​യും

പൈ​പ്പ് പൊ​ട്ട​ൽ​മൂ​ലം ത​ക​ർ​ന്ന റോ​ഡു​ക​ൾ ലെ​വ​ൽ ചെ​യ്തു ന​ൽ​കി​യി​ല്ലെ​ന്നാ​ണ് ജ​ല​അ​ഥോ​റി​റ്റി​യോ​ടു​ള്ള പ​രാ​തി. മ​ണ​ക്കാ​ട്ട് അ​മ്പ​ലം ഭാ​ഗം, മ​ണ്ണം​പ്ലാ​വ് ബാ​ങ്ക്പ​ടി എ​ന്നി​വി​ട​ങ്ങ​ളി​ലെ അ​തോ​റി​റ്റി ജോ​ലി​ക​ളി​ലാ​ണ് വി​മ​ർ​ശ​നം. കു​ഴി​ക​ൾ വേ​ണ്ട​വി​ധം നി​ക​ത്തി ടാ​റിം​ഗ് ന​ട​ത്തി​യി​ല്ല. മൂ​ന്നു​ദി​വ​സ​ത്തി​നു​ള്ളി​ൽ ഇ​വ പൂ​ർ​ത്തീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ടു.

തെ​രു​വു​വി​ള​ക്കും ദി​ശാ​ബോ​ർ​ഡു​ക​ളും

തീ​ർ​ഥാ​ട​ന മു​ന്നൊ​രു​ക്ക​മാ​യി തെ​രു​വു​വി​ള​ക്കു​ക​ൾ സ്ഥാ​പി​ച്ചു​വെ​ന്നും ഇ​ട​ത്താ​വ​ള​ങ്ങ​ളാ​യ മ​ണ​ക്കാ​ട്ട് ദേ​വീ​ക്ഷേ​ത്രം, ചി​റ​ക്ക​ട​വ് മ​ഹാ​ദേ​വ ക്ഷേ​ത്രം, ചെ​റു​വ​ള്ളി ദേ​വീ​ക്ഷേ​ത്രം എ​ന്നി​വി​ട​ങ്ങ​ളി​ലേ​ക്കു വേ​സ്റ്റ് ബി​ന്നു​ക​ൾ വി​ത​ര​ണം ചെ​യ്യു​മെ​ന്നും പ​ഞ്ചാ​യ​ത്ത് പ്ര​സി​ഡ​ന്‍റ്് വി​ശ​ദീ​ക​രി​ച്ചു.

പ​ഞ്ചാ​യ​ത്ത് തീ​ർ​ഥാ​ട​ന​പാ​ത​ക​ളി​ൽ ദി​ശാ​ബോ​ർ​ഡു​ക​ളും അ​പ​ക​ട മു​ന്ന​റി​യി​പ്പ് ബോ​ർ​ഡു​ക​ളും സ്ഥാ​പി​ച്ചു. പൊ​ൻ​കു​ന്ന​ത്ത് വ​ള​രെ​യ​ധി​കം വാ​ഹ​ന​ത്തി​ര​ക്ക് അ​നു​ഭ​വ​പ്പെ​ടു​ന്ന​തി​നാ​ൽ ആ​ളു​ക​ൾ പ്ര​ധാ​ന​റോ​ഡു​ക​ളി​ൽ പ്ര​ഭാ​ത സ​വാ​രി ന​ട​ത്തു​ന്ന​ത് ഒ​ഴി​വാ​ക്ക​ണ​മെ​ന്നു നി​ർ​ദേ​ശി​ച്ചു.

ജ​ന​റ​ൽ ആ​ശു​പ​ത്രി സ​ജ്ജം

കാ​ഞ്ഞി​ര​പ്പ​ള്ളി ജ​ന​റ​ൽ ആ​ശു​പ​ത്രി​യി​ൽ അ​യ്യ​പ്പ​ഭ​ക്ത​ർ​ക്കു മു​ൻ​ഗ​ണ​ന ന​ൽ​കു​ന്നു​ണ്ടെ​ന്ന് ആ​ശു​പ​ത്രി അ​ധി​കൃ​ത​ർ അ​റി​യി​ച്ചു. എ​ക്സ്-​റേ മെ​ഷീ​ൻ ക​ഴി​ഞ്ഞ ദി​വ​സം ക​ത്തി​ന​ശി​ച്ചു. ആ​വ​ശ്യ​മാ​യ കി​ട​ക്ക​ക​ൾ, എ​ക്സ്റേ യൂ​ണി​റ്റ് എ​ന്നി​വ ഉ​ട​ൻ ല​ഭ്യ​മാ​ക്കു​ന്ന​തി​നു വാ​ഴൂ​ർ ബ്ലോ​ക്ക് പ​ഞ്ചാ​യ​ത്തി​നോ​ട് ആ​വ​ശ്യ​പ്പെ​ടാ​ൻ തീ​രു​മാ​നി​ച്ചു.

രാ​ജേ​ന്ദ്ര മൈ​താ​നം, പൊ​ൻ​കു​ന്നം ബ​സ് സ്റ്റാ​ൻ​ഡ് എ​ന്നി​വി​ട​ങ്ങ​ളി​ൽ തെ​രു​വു​വി​ള​ക്കു​ക​ൾ സ്ഥാ​പി​ക്കും. താ​ത്ക്കാ​ലി​ക ക​ട​ക​ൾ​ക്കു മ​ണ്ഡ​ല​കാ​ല​ത്ത് ലൈ​സ​ൻ​സ് അ​നു​വ​ദി​ക്കും. ചി​റ​ക്ക​ട​വ് അ​മ്പ​ലം ക​വ​ല​യി​ൽ കാ​ത്തി​രി​പ്പു​കേ​ന്ദ്ര​ത്തി​നു മു​ൻ​പി​ൽ ത​ന്നെ ബ​സു​ക​ൾ നി​ർ​ത്തി യാ​ത്ര​ക്കാ​രെ ക​യ​റ്റു​ക​യും ഇ​റ​ക്കു​ക​യും ചെ​യ്യ​ണ​മെ​ന്നു നി​ർ​ദേ​ശി​ച്ചു. പ​ഞ്ചാ​യ​ത്ത് പ​രി​ധി​യി​ൽ വ​ഴി​യോ​ര​ത്തു​ള്ള മു​ഴു​വ​ൻ കൊ​ടി​മ​ര​ങ്ങ​ളും നീ​ക്കം ചെ​യ്യും.