ആ​പ്പാ​ഞ്ചി​റ​യി​ലേ​ക്കു വ​രൂ, ട്രെ​യി​നു​ക​ൾ ഓ​ടു​ന്ന​ത് ക​ണ്ടു​നി​ല്‍ക്കാം
Wednesday, November 29, 2023 7:15 AM IST
ക​ടു​ത്തു​രു​ത്തി: ആ​പ്പാ​ഞ്ചി​റ​യി​ലേ​ക്കു വ​രൂ, ട്രെ​യി​നു​ക​ൾ ഓ​ടു​ന്ന​ത് ക​ണ്ടു​നി​ല്‍ക്കാം. ആ​പ്പാ​ഞ്ചി​റ​യി​ലെ വൈ​ക്കം റോ​ഡ് റെ​യി​ല്‍വേ സ്റ്റേ​ഷ​നി​ല്‍ എല്ലാ സൗകര്യങ്ങളും ഉണ്ടെങ്കിലും ട്രെ​യി​നു​ക​ള്‍ക്കു സ്റ്റോ​പ്പി​ല്ല. ഓ​ഫീ​സ് സ​മ​യ​ത്ത​ട​ക്കം നി​ര​വ​ധി ട്രെ​യി​നു​ക​ള്‍ ഇ​ര​ട്ട​പ്പാ​ത​യി​ലൂ​ടെ സ​ഞ്ച​രി​ക്കു​മ്പോ​ഴും ആ ​കാ​ഴ്ച കാ​ണാ​നേ നാ​ട്ടു​കാ​ര്‍ക്ക് യോ​ഗ​മു​ള്ളൂ. രാ​വി​ലെ 7.30ന്‍റെ പാ​ല​രു​വി എ​ക്‌​സ്പ്ര​സി​നു​ശേ​ഷം 10.30 വ​രെ​യു​ള്ള ഏ​റ്റ​വും തി​ര​ക്കേ​റി​യ സ​മ​യ​ത്ത് ഇ​വി​ടെ എ​റ​ണാ​കു​ളം ഭാ​ഗ​ത്തേ​ക്കു​ള്ള ഒ​രു ട്രെ​യി​ന്‍ പോ​ലും നി​ർ​ത്തി​ല്ല. 10.30ന്‍റെ മെ​മു​വാ​ക​ട്ടെ തി​ര​ക്കേ​റി​യ തി​ങ്ക​ളാ​ഴ്ച സ​ര്‍വീ​സ് ന​ട​ത്തു​ന്നു​മി​ല്ല.

വേ​ണാ​ട്, പ​ര​ശു​റാം തു​ട​ങ്ങി പ​ക​ല്‍ മാ​ത്രം സ​ര്‍വീ​സ് ന​ട​ത്തു​ന്ന സ്ലീ​പ്പ​ര്‍ കോ​ച്ചു​ക​ളി​ല്ലാ​ത്ത ട്രെ​യി​നു​ക​ള​ട​ക്കം നി​ര​വ​ധി ട്രെ​യി​നു​ക​ളാ​ണ് ഈ ​സ​മ​യം ഇ​തു​വ​ഴി എ​റ​ണാ​കു​ളം ഭാ​ഗ​ത്തേ​ക്ക് ക​ട​ന്നു​പോ​കു​ന്ന​തെ​ങ്കി​ലും വൈ​ക്കം റോ​ഡി​ല്‍ സ്റ്റോ​പ്പി​ല്ല. ഇ​തു​മൂ​ലം എ​റ​ണാ​കു​ളം ഭാ​ഗ​ത്തേ​ക്കു​ള്ള യാ​ത്ര​യ്ക്കു ത​ട​സ​മു​ണ്ടാ​കു​ന്ന​തി​നൊ​പ്പം വൈ​ക്കം, ക​ടു​ത്തു​രു​ത്തി ഭാ​ഗ​ങ്ങ​ളി​ലേ​ക്ക് വി​ദ്യാ​ഭ്യാ​സ​ത്തി​നും ജോ​ലി​ക്കും മ​റ്റ് ആ​വ​ശ്യ​ങ്ങ​ള്‍ക്കു​മാ​യി ച​ങ്ങ​നാ​ശേ​രി, കോ​ട്ട​യം ഭാ​ഗ​ങ്ങ​ളി​ല്‍നി​ന്ന് എ​ത്തി​ച്ചേ​രു​ന്ന​തി​നും ബു​ദ്ധി​മു​ട്ടു​ന്നു.

ഇ​വി​ടെ നി​ര്‍ത്താ​തെ പോ​കു​ന്ന പ​ത്തി​ന് എ​റ​ണാ​കു​ള​ത്ത് എ​ത്തേ​ണ്ട വേ​ണാ​ട് എ​ക്‌​സ്പ്ര​സ് 30 മി​നി​റ്റോ​ള​മാ​ണ് ദി​വ​സ​വും എ​റ​ണാ​കു​ളം ഔ​ട്ട​റി​ല്‍ നി​ര്‍ത്തി​യി​ടു​ന്ന​ത്. മെ​യി​ന്‍ ലൈ​നി​ല്‍ ഐ​ല​ന്‍ഡ് പ്ലാ​റ്റ് ഫോ​മു​ക​ളോ​ട് കൂ​ടി​യ വൈ​ക്കം റോ​ഡി​ല്‍ ഒ​രു മി​നി​ട്ട് സ്റ്റോ​പ്പ് അ​നു​വ​ദി​ച്ചാ​ലും മ​റ്റു യാ​ത്ര​ക്കാ​ർ​ക്കു ബു​ദ്ധി​മു​ട്ടോ, ട്രെ​യി​ന്‍സ​മ​യ​ത്തി​നു മാ​റ്റ​മോ വേ​ണ്ടി വ​രി​ല്ല.

തി​രു​വ​ന​ന്തു​ര​ത്തേ​ക്ക് വൈ​ക്കം, ക​ടു​ത്തു​രു​ത്തി ഉ​ൾ​പ്പെ​ടെ​യു​ള്ള പ്ര​ദേ​ശ​ങ്ങ​ളി​ലെ ജ​ന​ങ്ങ​ള്‍ക്കു യാ​ത്ര ചെ​യ്യ​ണ​മെ​ങ്കി​ല്‍ രാ​വി​ലെ കോ​ട്ട​യ​ത്തെ​ത്തി​യെ ട്രെ​യി​ന്‍ യാ​ത്ര ചെ​യ്യാ​നാ​കൂ. രാ​വി​ലെ എ​റ​ണാ​കു​ള​ത്തു​നി​ന്ന് പു​റ​പ്പെ​ട്ട് തൊ​ട്ട​ടു​ത്ത സ്റ്റേ​ഷ​നു​ക​ളാ​യ തൃ​പ്പൂ​ണി​ത്തു​റ, മു​ള​ന്തു​രു​ത്തി, പി​റ​വം റോ​ഡ് തു​ട​ങ്ങി​യ എ​ല്ലാ സ്റ്റേ​ഷ​നു​ക​ളി​ലും നി​ര്‍ത്തി തി​രു​വ​ന​ന്ത​പു​രം വ​രെ മാ​ത്രം പോ​കു​ന്ന വ​ഞ്ചി​നാ​ട് എ​ക്‌​സ്പ്ര​സി​നും വൈ​ക്കം റോ​ഡി​ല്‍ സ്റ്റോ​പ്പി​ല്ല.

രാ​വി​ലെ 8.49നു​ള്ള മ​ധു​ര എ​ക്‌​സ്പ്ര​സ് പോ​യാ​ല്‍ പി​ന്നീ​ട് ഉ​ച്ച​യ്ക്കു​ശേ​ഷം 2.25നു​ള്ള കൊ​ല്ലം മെ​മു​വി​നു മാ​ത്ര​മാ​ണ് കോ​ട്ട​യം ഭാ​ഗ​ത്തേ​ക്ക് ഇ​വി​ടെ സ്റ്റോ​പ്പു​ള്ള​ത്. അ​തു​പോ​ലെ വൈ​കു​ന്നേ​രം 5.20നു​ള്ള എ​റ​ണാ​കു​ളം പാ​സ​ഞ്ച​ര്‍ ക​ഴി​ഞ്ഞാ​ല്‍ പി​ന്നെ രാ​ത്രി 9.45നു​ള്ള ഗു​രു​വാ​യൂ​ര്‍ എ​ക്‌​സ്പ്ര​സ് മാ​ത്ര​മാ​ണ് വൈ​ക്ക​ത്ത് നി​റു​ത്തു​ന്ന ട്രെ​യി​ന്‍.


കോ​ഴി​ക്കോ​ട്, ക​ണ്ണൂ​ര്‍, കാ​സ​ര്‍ഗോ​ട് ഭാ​ഗ​ങ്ങ​ളി​ലേ​ക്കു​ള്ള ഒ​രു ട്രെ​യി​നു​പോ​ലും ഇ​വി​ടെ സ്റ്റോ​പ്പി​ല്ല. വേ​ണാ​ട്, വ​ഞ്ചി​നാ​ട്, പ​ര​ശു​റാം എ​ക്‌​സ്പ്ര​സ് ട്രെ​യി​നു​ക​ള്‍ക്കു വൈ​ക്ക​ത്ത് സ്റ്റോ​പ്പ് അ​നു​വ​ദി​ക്ക​ണ​മെ​ന്നു​ള്ള ആ​വ​ശ്യ​ത്തി​ന് വ​ര്‍ഷ​ങ്ങ​ളു​ടെ പ​ഴ​ക്ക​മു​ണ്ട്.

വൈ​ക്കം റോ​ഡി​ല്‍ റെ​യി​ല്‍വേ റി​സ​ര്‍വേ​ഷ​ന്‍ കൗ​ണ്ട​ര്‍ ആ​രം​ഭി​ക്ക​ണം: പൗ​ര​സ​മി​തി

ക​ടു​ത്തു​രു​ത്തി: വൈ​ക്കം റോ​ഡി​ല്‍ റെ​യി​ല്‍വേ റി​സ​ര്‍വേ​ഷ​ന്‍ കൗ​ണ്ട​ര്‍ ആ​രം​ഭി​ക്ക​ണ​മെ​ന്ന് ആ​പ്പാ​ഞ്ചി​റ പൗ​ര​സ​മി​തി യോ​ഗം ആ​വ​ശ്യ​പ്പെ​ട്ടു. വൈ​ക്കം റോ​ഡ് റെ​യി​ല്‍വേ സ്റ്റേ​ഷ​നി​ല്‍ ശ​ബ​രി​മ​ല സ്പെ​ഷ​ല്‍ ട്രെ​യി​ന്‍ നി​ര്‍ത്തു​ന്ന സാ​ഹ​ച​ര്യ​ത്തി​ല്‍ തീ​ര്‍ഥാ​ട​ക​ര്‍ക്കും റി​സ​ര്‍വേ​ഷ​ന്‍ കൗ​ണ്ട​ര്‍ വ​രു​ന്ന​ത് ഉ​പ​കാ​ര​മാ​കും.

തീ​ര്‍ഥാ​ട​ക​രു​ടെ ഇ​ട​ത്താ​വ​ള​ങ്ങ​ളാ​യ ക്ഷേ​ത്ര​ങ്ങ​ളി​ല്‍ ദ​ര്‍ശ​നം ന​ട​ത്തി​യ​ശേ​ഷം വ​രിക​യും പോ​വു​ക​യും ചെ​യ്യു​ന്ന​വ​ര്‍ക്ക് റി​സ​ര്‍വേ​ഷ​ന്‍ സൗ​ക​ര്യം ആ​വ​ശ്യ​മാ​ണ്. വൈ​ക്കം റോ​ഡി​ല്‍ സ്റ്റോ​പ്പു​ള്ള കേ​ര​ള എ​ക്സ്പ്ര​സി​ലെ​യും മ​റ്റ് എ​ക്സ്പ്ര​സ് ട്രെ​യി​നു​ക​ളു​ടെ​യും യാ​ത്ര​ക്കാ​ര്‍ക്കും ഇ​തു ഗു​ണ​ക​ര​മാ​കും.

വൈ​ക്കം, മീ​ന​ച്ചി​ല്‍ താ​ലൂ​ക്കു​ക​ളി​ലെ യാ​ത്ര​ക്കാ​ര്‍ക്ക് ഏ​റെ സൗ​ക​ര്യ​പ്ര​ദ​മാ​യ റി​സ​ര്‍വേ​ഷ​ന്‍ കൗ​ണ്ട​ര്‍ ആ​രം​ഭി​ക്ക​ണ​മെ​ന്ന് പൗ​ര​സ​മി​തി ഏ​റെ​ക്കാ​ല​മാ​യി ആ​വ​ശ്യ​പ്പെ​ടു​ന്ന​താ​ണ്. മു​ന്‍വ​ര്‍ഷ​ങ്ങ​ളി​ലെ പോ​ലെ അ​ഷ്ട​മി ഉ​ത്സ​വം പ്ര​മാ​ണി​ച്ച് വൈ​ക്കം റോ​ഡ് റെ​യി​ല്‍വേ സ്റ്റേ​ഷ​നി​ല്‍ എ​ക്സ്പ്ര​സ് ട്രെ​യി​നു​ക​ള്‍ക്ക് സ്റ്റോ​പ്പ് അ​നു​വ​ദി​ക്ക​ണ​മെ​ന്നും പൗ​ര​സ​മി​തി​യോ​ഗം ആ​വ​ശ്യ​പ്പെ​ട്ടു.

അ​ഷ്ട​മി ഉ​ത്സ​വ​ത്തി​ന് വി​വി​ധ വി​വി​ധ ദേ​ശ​ങ്ങ​ളി​ല്‍നി​ന്നും എ​ത്തു​ന്ന ഭ​ക്ത​ര്‍ക്ക് ഏ​റെ സൗ​ക​ര്യ​പ്ര​ദ​മാ​ണ് വൈ​ക്കം റോ​ഡി​ലെ സ്റ്റോ​പ്പ്. പൗ​ര​സ​മി​തി പ്ര​സി​ഡ​ന്‍റ് പി.​ജെ. തോ​മ​സ് യോ​ഗ​ത്തി​ല്‍ അ​ധ്യ​ക്ഷ​ത വ​ഹി​ച്ചു. അ​ബ്ബാ​സ് ന​ട​യ്ക്ക​മ്യാ​ലി​ല്‍, ച​ന്ദ്ര​ബോ​സ് ഭാ​വ​ന, കു​ഞ്ഞു​കു​ഞ്ഞ് പു​ള്ളോ​ന്‍കാ​ലാ​യി​ല്‍, ജോ​സ​ഫ് തോ​പ്പി​ല്‍, ജ​യിം​സ് പാ​റ​യ്ക്ക​ല്‍, മേ​രി​ക്കു​ട്ടി ചാ​ക്കോ, രാ​ജീ​വ് ചെ​റു​വേ​ലി​ല്‍, കെ.​എം. ജോ​ര്‍ജ്, ഷാ​ജി കാ​ലാ​യി​ല്‍, എ​ന്‍.​ടി. മ​ണി​യ​പ്പ​ന്‍ എ​ന്നി​വ​ര്‍ പ്ര​സം​ഗി​ച്ചു.

Copyright @ 2022 , Rashtra Deepika Ltd.