മ​ണ്ണും മെ​റ്റ​ലുമി​ട്ട് ഉ​റ​പ്പി​ച്ച് ചെ​ല്ലി​യൊ​ഴു​ക്കം റോ​ഡ് ഗ​താ​ഗ​തയോ​ഗ്യ​മാ​ക്കി
Saturday, May 25, 2024 7:16 AM IST
കോ​ട്ട​യം: മ​ഴ​യി​ല്‍ പൂ​ര്‍ണ​മാ​യും ത​ക​ര്‍ന്ന ചെ​ല്ലി​യൊ​ഴു​ക്കം റോ​ഡ് മ​ണ്ണും മെ​റ്റ​ലും ഇ​ട്ട് ഉ​റ​പ്പി​ച്ച് ഗ​താ​ഗ​ത യോ​ഗ്യ​മാ​ക്കി അ​ധി​കൃ​ത​ര്‍. കോ​ട്ട​യം ന​ഗ​ര​മ​ധ്യ​ത്തി​ലെ വി​വി​ധ പ്ര​ദേ​ശ​ങ്ങ​ളെ ബ​ന്ധി​പ്പി​ക്കു​ന്ന ചെ​ല്ലി​യൊ​ഴു​ക്കം റോ​ഡ് ക​ഴി​ഞ്ഞ​ദി​വ​സ​ങ്ങ​ളി​ല്‍ പെ​യ്ത ശ​ക്ത​മാ​യ മ​ഴ​യി​ല്‍ പൂ​ര്‍ണ​മാ​യും ത​ക​ര്‍ന്നി​രു​ന്നു. ഡി​സി ബു​ക്‌​സി​ന് സ​മീ​പ​ത്തു​നി​ന്നു​മു​ള്ള പ്ര​വേ​ശ​ന​ഭാ​ഗ​മാ​ണ് ക​ന​ത്ത മ​ഴ​യി​ല്‍ വെ​ള്ളം കു​ത്തി​യൊ​ലി​ച്ച് ത​ക​ര്‍ന്ന​ത്.

ര​ണ്ടു​മാ​സം മു​മ്പ് ജ​ല്‍ജീ​വ​ന്‍ മി​ഷ​ന്‍ പ​ദ്ധ​തി​ക്കാ​യി കു​ഴി​ച്ച​ശേ​ഷം മ​ണ്ണി​ട്ടു മൂ​ടി​യ​താ​യി​രു​ന്നു​വെ​ങ്കി​ലും മൂ​ന്ന് ദി​വ​സം മു​മ്പ് പൈ​പ്പ് ഇ​ട്ട ഭാ​ഗ​ത്തെ മ​ണ്ണ് മാ​റ്റി മെ​റ്റ​ല്‍ ഇ​ട്ട​താ​ണ്. ക​ന​ത്ത​ മ​ഴ​യി​ല്‍ വെ​ള്ളം കു​ത്തി​യൊ​ലി​ച്ച​പ്പോ​ള്‍ മ​ണ്ണും മെ​റ്റ​ലും ഒ​പ്പം അ​ല്പം ബാ​ക്കി​യു​ണ്ടാ​യി​രു​ന്ന ടാ​റിം​ഗും ത​ക​ര്‍ന്നു യാ​ത്ര തീ​ര്‍ത്തും അ​സാ​ധ്യ​മാ​യി മാ​റി​യ​ത്. ഇ​തോ​ടെ കാ​ല്‍ന​ട യാ​ത്ര പോ​ലും അ​തീ​വ ദു​ഷ്‌​ക​ര​മാ​യി മാ​റി​യി​രു​ന്നു.

ബൈ​ക്ക് യാ​ത്രി​ക​ന്‍ ക​ഴി​ഞ്ഞ​ദി​വ​സം അ​പ​ക​ട​ത്തി​ല്‍പ്പെ​ടു​ക​യും കാ​ര്‍ റോ​ഡി​ലെ കു​ഴി​യി​ല്‍ വീ​ഴു​ക​യും ചെ​യ്തി​രു​ന്നു. ഇ​ന്ന​ലെ​യാ​ണ് അ​ധി​കൃ​ത​ര്‍ റോ​ഡി​ലെ കു​ഴി​ക​ള്‍ മ​ണ്ണും, മെ​റ്റ​ലും ഇ​ട്ട് ഉ​റ​പ്പി​ച്ച് ഗ​താ​ഗ​ത​യോ​ഗ്യ​മാ​ക്കി​യ​ത്. ചെ​റു​വാ​ഹ​ന​ങ്ങ​ള്‍ ന​ഗ​ര​ത്തി​ലെ കു​രു​ക്കി​ല്‍പ്പെ​ടാ​തെ കെ.​കെ. റോ​ഡ്, ഗു​ഡ്‌​ഷെ​പ്പേ​ര്‍ഡ് റോ​ഡ് എ​ന്നി​വി​ട​ങ്ങ​ളി​ലേ​ക്ക് പോ​കാ​ന്‍ ആ​ശ്ര​യി​ക്കു​ന്ന റോ​ഡി​ല്‍ ചെ​റി​യ​മ​ഴ​യി​ല്‍ പോ​ലും ക​ന​ത്ത​വെ​ള്ള​ക്കെ​ട്ടാ​ണ്. കൂ​ടാ​തെ ഓ​ട നി​റ​ഞ്ഞ് മ​ലി​ന​ജ​ല​വും റോ​ഡി​ല്‍ നി​റ​യും.


റോ​ഡി​ല്‍ വെ​ളി​ച്ചം വേ​ണ​മെ​ന്ന്

ചെ​ല്ലി​യൊ​ഴു​ക്കം റോ​ഡി​ലൂ​ടെ സ​ന്ധ്യ​ക​ഴി​ഞ്ഞാ​ല്‍ യാ​ത്ര​ചെ​യ്യാ​ൻ സ​മീ​പ​വാ​സി​ക​ള്‍ക്കു​പോ​ലും മ​ടി​യാ​ണ്. പേ​രി​ന് പോ​ലും തെ​രു​വുവി​ള​ക്കില്ല. സ​മീ​പ​വീ​ടു​ക​ളി​ല്‍നി​ന്നു​ള്ള വെ​ളി​ച്ചം കൂ​രി​രു​ട്ടാ​കു​ന്ന​തോ​ടെ അ​ണ​യും. പി​ന്നീ​ട് വാ​ഹ​ന​ത്തി​ന്‍റെ വെ​ളി​ച്ച​ത്തി​ന്‍റെ സ​ഹാ​യ​ത്തോ​ടെ വേ​ണം ചെ​ല്ലി​യൊ​ഴു​ക്കം റോ​ഡ് ക​ട​ക്കാ​ന്‍.

വാ​ഹ​ന​ത്തി​ലെ ഹെ​ഡ്‌​ലൈ​റ്റി​ന്‍റെ പ്ര​കാ​ശ​ത്തി​ല്‍ മു​ന്നി​ലെ കു​ഴി​യോ കു​ഴി​യു​ടെ ആ​ഴ​മോ ഡ്രൈ​വ​ർ​ക്ക് അ​റി​യാ​ന്‍ സാ​ധി​ക്കി​ല്ല.

കാ​ല​ങ്ങ​ളാ​യി പ്ര​ദേ​ശ​വാ​സി​ക​ള്‍ അ​നു​ഭ​വി​ക്കു​ന്ന ദു​രി​ത​മാ​ണ് വെ​ളി​ച്ച​മി​ല്ലാ​യ്മ. വ​ഴി​വി​ള​ക്കി​ന്‍റെ കാ​ര്യം അ​ധി​കൃ​ത​രോ​ട് പ​ല​ത​വ​ണ ഉ​ന്ന​യി​ച്ചെ​ങ്കി​ലും ആ​രും ഗൗ​നി​ക്കു​ന്നി​ല്ലെ​ന്നാ​ണ് പ്ര​ദേ​ശ​വാ​സി​ക​ളു​ടെ​യും യാ​ത്ര​ക്കാ​രു​ടെ​യും പ​രാ​തി.

Copyright @ 2022 , Rashtra Deepika Ltd.