സാമൂഹ്യവിരുദ്ധർ മാലിന്യം തള്ളി; ശുചീകരിക്കാൻ റെസിഡന്റ്സ് അസോസിയേഷൻ
1429784
Sunday, June 16, 2024 10:22 PM IST
കുറവിലങ്ങാട്: റോഡിന്റെ വശങ്ങൾ ശുചീകരിച്ച് റെസിഡന്റ്സ് അസോസിയേഷൻ. കളത്തൂർ റെസിഡന്റ്സ് വെൽഫയർ അസോസിയേഷനാണ് മഴക്കാല പൂർവ ശുചീകരണത്തിന്റെ ഭാഗമായി കാണക്കാരി-തോട്ടുവ റോഡിൽ പാറമടക്കുളത്തിന്റെ സമീപം റോഡിന്റെ ഇരുവശങ്ങളും വൃത്തിയാക്കി മാതൃകയായത്. ഈ ഭാഗത്ത് മത്സ്യാവശിഷ്ടങ്ങളടക്കം നിക്ഷേപിച്ച സാഹചര്യത്തിലാണ് ശുചീകരണം ആവശ്യമായി വന്നത്.
അസോസിയേഷൻ പ്രസിഡന്റ് സിറിയക് ജേക്കബ്, ജനറൽ സെക്രട്ടറി കെ.സി. ഉണ്ണിക്കൃഷ്ണൻ, പി.ജെ. മൈക്കിൾ, പി.സി. സുരേഷ്കുമാർ, പി.സി. സുഭാഷ് കുമാർ, വി.കെ. അനിൽ, അമ്പിളി ശ്രീനി, പി.എസ്. സദാനന്ദൻ, ഷാജിമോൻ ജോസഫ്, സന്ധ്യ സുരേഷ്, ജയ സ്മിത, ലതി അനിൽ സ്വപ്ന, ശാലിനി, ഫെബി ഭാസ്കരൻ എന്നിവർ നേതൃത്വം നൽകി.