തൈ ഒരു കോടി; ഒന്നും‌ വേരു പിടിച്ചില്ല!
Thursday, May 26, 2022 10:33 PM IST
തൊ​ടു​പു​ഴ: ഫ​ല​വൃ​ക്ഷ​ങ്ങ​ളു​ടെ വ്യാ​പ​ന​ത്തി​നാ​യി സം​സ്ഥാ​ന സ​ർ​ക്കാ​ർ ന​ട​പ്പാ​ക്കി​യ ഒ​രു​ കോ​ടി ഫ​ല വൃ​ക്ഷ തൈ​ക​ൾ പ​ദ്ധ​തി കാ​ര്യ​മാ​യി വേ​രു​പി​ടി​ക്കാ​തെ പോ​യി. നി​ർ​വ​ഹ​ണ​ത്തി​ലെ പി​ഴ​വു​ക​ൾ മൂ​ല​മാ​ണ് ജ​ന​ങ്ങ​ൾ​ക്കു പ്രയോജനം ല​ഭി​ക്കാ​തെ​പോ​യ​ത്.

ആ​ദ്യ​ഘ​ട്ട​ത്തി​ൽ​ത​ന്നെ കൃ​ഷി​ഭ​വ​നു​ക​ളി​ൽ ഇ​റ​ക്കി​യി​രി​ക്കു​ന്ന ആ​യി​ര​ക്ക​ണ​ക്കി​നു തൈകൾ കൃത്യമായി വിതരണം ചെയ്യപ്പെടാതെ കെ​ട്ടി​ക്കി​ട​ന്ന് ന​ശി​ച്ചി​രു​ന്നു. കൃ​ഷി​ഭൂ​മി​ക്ക് അ​നു​യോ​ജ്യ​മാ​യ ഫ​ല​വൃ​ക്ഷ​ത്തൈ​ക​ൾ കൃ​ഷി​വ​കു​പ്പ് ത​ദ്ദേ​ശ സ്ഥാ​പ​ന​ങ്ങ​ളു​ടെ സ​ഹ​ക​ര​ണ​ത്തോ​ടെ ന​ട്ടു​പി​ടി​പ്പി​ക്കാ​നാ​യി​രു​ന്നു പ​ദ്ധ​തി.

വീ​ട്ടു​വ​ള​പ്പു​ക​ൾ​ക്കു പു​റ​മെ പാ​ത​യോ​ര​ങ്ങ​ൾ, പൊ​തു​സ്ഥ​ല​ങ്ങ​ൾ, സ​ർ​ക്കാ​ർ കെ​ട്ടി​ട വ​ള​പ്പു​ക​ൾ, സ്കൂ​ൾ കോ​ന്പൗ​ണ്ടു​ക​ൾ, വി​നോ​ദ സ​ഞ്ചാ​ര​കേ​ന്ദ്ര​ങ്ങ​ൾ എ​ന്നി​വി​ട​ങ്ങ​ളി​ൽ ന​ട്ടു​പി​ടി​പ്പി​ക്കാ​നും ല​ക്ഷ്യം​വ​ച്ചു. എ​ന്നാ​ൽ, ഇ​വി​ട​ങ്ങ​ളി​ലൊ​ന്നും ന​ട്ടു​പി​ടി​പ്പി​ച്ചി​ല്ലെ​ന്നു മാ​ത്ര​മ​ല്ല ഫ​ല​ങ്ങ​ൾ ഉ​ത്പാ​ദി​പ്പി​ച്ചു ക​ർ​ഷ​ക​ർ​ക്കു വ​രു​മാ​നം ക​ണ്ടെ​ത്താ​മെ​ന്ന ല​ക്ഷ്യ​വും പാഴായി.

12 ഇനം തൈകൾ

പ്ലാ​വ്, മാ​വ്, മാ​ത​ളം, പ​നീ​ർ​ചാ​ന്പ, റം​ബൂ​ട്ടാ​ൻ, അ​വ​ക്കാ​ഡോ, ഓ​റ​ഞ്ച്, ക​ട​ച്ച​ക്ക, മാം​ഗോ​സ്റ്റി​ൻ, ചാ​ന്പ, പ​പ്പാ​യ, നേ​ന്ത്ര​ൻ​വാ​ഴ, ഞാ​ലി​പ്പൂ​വ​ൻ വാ​ഴ, നാ​ര​കം, മു​രി​ങ്ങ, പാ​ഷ​ൻ ഫ്രൂ​ട്ട്, പേ​ര, ആ​ത്ത, വാ​ള​ൻ​പു​ളി, കു​ടം​പു​ളി, ക​റി​വേ​പ്പി​ല തു​ട​ങ്ങി 21 ഇ​നം ഫ​ല​വൃ​ക്ഷ​ത്തൈ​ക​ൾ വി​ത​ര​ണം ചെ​യ്യാ​നാ​യി​രു​ന്നു പ​ദ്ധ​തി. ഇ​തി​ൽ ഗ്രാ​ഫ്റ്റ് ചെ​യ്ത തൈ​ക​ൾ വേ​ണ​മെ​ങ്കി​ൽ ക​ർ​ഷ​ക​ർ വി​ല ന​ൽ​ക​ണം.

2020 - 2021 വ​ർ​ഷ​മാ​യി​രു​ന്നു പ​ദ്ധ​തി​യു​ടെ കാ​ല​യ​ള​വ്. പ​ദ്ധ​തി പ്ര​കാ​രം ഒ​രു വ​ർ​ഷ​ത്തി​നു​ള്ളി​ൽ സം​സ്ഥാ​ന​ത്ത് ഒ​രു​കോ​ടി ഫ​ല​വൃ​ക്ഷ​ത്തൈ​ക​ൾ ന​ടാ​നാ​യി​രു​ന്നു ല​ക്ഷ്യ​മി​ട്ട​ത്.

വരുമാനം സ്വപ്നം

ഹൈ​ബ്രീ​ഡ് ഇ​ന​ത്തി​ലു​ള്ള തൈ​ക​ൾ ന​ൽ​കു​ക​വ​ഴി ക​ർ​ഷ​ക​ർ​ക്കു വ​രു​മാ​നം ഉ​റ​പ്പു​ന​ൽ​കു​ന്ന​താ​യി​രു​ന്നു പ​ദ്ധ​തി. എ​ന്നാ​ൽ, ന​ൽ​കി​യ​താ​ക​ട്ടെ ഗു​ണ​നി​ല​വാ​ര​മി​ല്ലാ​ത്ത​തും കൃ​ഷി​ക്കാ​ർ​ക്ക് വ​രു​മാ​നം ഉ​റ​പ്പു ന​ൽ​കാ​ത്ത​തും മി​ക്ക കൃ​ഷി​യി​ട​ത്തി​ലും സാ​ധാ​ര​ണ കാ​ണു​ന്ന തൈ​ക​ളു​മാ​യി​രു​ന്നു. അ​തി​നാ​ൽ പ​ദ്ധ​തി​യു​ടെ ഉ​ദ്ദേ​ശ​ല​ക്ഷ്യം​ത​ന്നെ പാ​ളി.

ഇ​തി​നു പു​റ​മെ ഓ​രോ കൃ​ഷി​ഭ​വ​നി​ലും ക​ർ​ഷ​ക​രു​ടെ ആ​വ​ശ്യ​മ​നു​സ​രി​ച്ച​ല്ല തൈ​ക​ൾ എ​ത്തി​ച്ച​ത്. ആ​യി​ര​ക്ക​ണ​ക്കി​ന് തൈ​ക​ൾ ഫാ​മു​ക​ളി​ൽ​നി​ന്നു നേ​രി​ട്ട് കൃ​ഷി​ഭ​വ​നു​ക​ളി​ൽ എ​ത്തി​ക്കു​ക​യാ​യി​രു​ന്നു. ഇ​ത് ഇ​റ​ക്കു​ന്ന​തി​നു​ള്ള കൂ​ലി പ​ഞ്ചാ​യ​ത്തു​ക​ൾ കൃ​ഷി​ഭ​വ​നു ന​ൽ​കും. ഇ​ത്ത​ര​ത്തി​ൽ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ ഫ​ണ്ട് ന​ൽ​കാ​ത്ത​യി​ട​ങ്ങ​ളി​ൽ തൈ​ക​ൾ തി​രി​ച്ച​യ​യ്ക്ക​രു​തെ​ന്ന നി​ബ​ന്ധ​ന ഉ​ള്ള​തി​നാ​ൽ ഉ​ദ്യോ​ഗ​സ്ഥ​ർ​ത​ന്നെ സ്വ​ന്തം പ​ണം മു​ട​ക്കി​യാ​ണ് തൈ​ക​ൾ ഇ​റ​ക്കി​യ​ത്.

സമയവും പാളി

കോ​വി​ഡ് കാ​ല​ത്ത് പ​ദ്ധ​തി ന​ട​പ്പി​ലാ​ക്കി​യ​തി​നാ​ൽ ക​ർ​ഷ​ക​ർ തൈ​ക​ൾ ഏ​റ്റു​വാ​ങ്ങാ​ൻ കൃ​ഷി​ഭ​വ​നു​ക​ളി​ലേ​ക്ക് എ​ത്തി​യ​തു​മി​ല്ല. ചു​രു​ക്കം​ചി​ല ക​ർ​ഷ​ക​ർ കു​രു​മു​ള​ക് കൃ​ഷി ചെ​യ്യാ​നു​ള്ള താ​ങ്ങു​കാ​ലെ​ന്ന നി​ല​യി​ൽ പ്ലാ​വി​ൻ തൈ​ക​ളും മ​റ്റും വാ​ങ്ങി​യി​രു​ന്നു.

പ​ദ്ധ​തി പ്രാ​വ​ർ​ത്തി​ക​മാ​ക്കി​യ​താ​യി ഉ​റ​പ്പു​വ​രു​ത്താ​ൻ ഓ​രോ കൃ​ഷി ഭ​വ​നു​ക​ളി​ലും ഇ​റ​ക്കി​യ തൈ​ക​ൾ കൈ​പ്പ​റ്റി​യ ക​ർ​ഷ​ക​രു​ടെ പേ​ര് വി​വ​ര​ങ്ങ​ൾ അ​വ​രു​ടെ ഒ​പ്പ് ശേ​ഖ​രി​ച്ച് കൃ​ഷി വ​കു​പ്പ് ഡ​യ​റ​ക്ട​റേ​റ്റി​ലേ​ക്ക് അ​യയ്​ക്ക​ണ​മെ​ന്നാ​യി​രു​ന്നു നി​ബ​ന്ധ​ന.

എ​ന്നാ​ൽ, വ​ള​രെ​ക്കു​റ​ച്ച് ക​ർ​ഷ​ക​രു​ടെ പേ​രു വി​വ​ര​ങ്ങ​ൾ മാ​ത്ര​മാ​ണ് ഡ​യ​റ​ക്ട​റേ​റ്റി​ലെ​ത്തി​യ​ത്. വേ​ണ്ട​ത്ര ആ​സൂ​ത്ര​ണ​മി​ല്ലാ​തെ പ​ദ്ധ​തി ന​ട​പ്പി​ലാ​ക്കി​യ​തി​നാ​ൽ സ​ർ​ക്കാ​രി​ന്‍റെ കോ​ടി​ക​ൾ വെ​ള്ള​ത്തി​ലാ​യെ​ന്നു ചുരുക്കം.