മൂ​ന്നാ​റി​ൽ തു​ട​ർ​ച്ച​യാ​യ ര​ണ്ടാം ദി​വ​സ​വും ക​ടു​വ അ​ഞ്ചു പ​ശു​ക്ക​ളെ കൊ​ന്നു
Monday, October 3, 2022 10:40 PM IST
മൂന്നാ​ര്‍: കാ​ടി​റ​ങ്ങു​ന്ന ക​ടു​വ ഇ​ന്ന​ല​യും തൊ​ഴു​ത്തി​ൽ കെ​ട്ടി​യി​രു​ന്ന അ​ഞ്ചു പ​ശു​ക്ക​ളെ കൊ​ന്നു. തു​ട​ർ​ച്ച​യാ​യ ര​ണ്ടാം ദി​വ​സ​മാ​ണ് ക​ടു​വ പ​ശു​ക്ക​ളെ കൊ​ല്ലു​ന്ന​ത്.

ക​ഴി​ഞ്ഞ ദി​വ​സം ക​ടു​വ അ​ഞ്ചു പ​ശു​ക്ക​ളെ കൊ​ല്ലു​ക​യും ഒ​രു പ​ശു​വി​നെ ആ​ക്ര​മി​ച്ച് പ​രി​ക്കേ​ൽ​പ്പി​ക്കു​ക​യും ചെ​യ്തി​രു​ന്നു. ഇ​തി​നു പി​ന്നാ​ലെ​യാ​ണ് ഇ​ന്ന​ലെ​യും കെ​ഡി​എ​ച്ച്പി ക​മ്പ​നി​യു​ടെ ന​മ​യ​ക്കാ​ട് എ​സ്റ്റേ​റ്റി​ലെ ഈ​സ്റ്റ് ഡി​വി​ഷ​നി​ല്‍ അ​ഞ്ചു പ​ശു​ക്ക​ളെ ക​ടു​വ കൊ​ന്ന​ത്.

ക​ഴി​ഞ്ഞ ദി​വ​സം പ​ശു​ക്ക​ള്‍ കൊ​ല്ല​പ്പെ​ട്ട വീ​ടു​ക​ള്‍​ക്കു സ​മീ​പം ത​ന്നെ​യാ​ണ് ഇ​ന്ന​ല​യും തൊ​ഴു​ത്തി​ല്‍ കെ​ട്ടി​യി​ട്ടി​രു​ന്ന പ​ശു​ക്ക​ളെ കൊ​ന്ന​ത്. തൊ​ഴി​ലാ​ളി​ക​ളാ​യ വി​ല്‍​സ​ണ്‍, പ​ള​നി​സാ​മി, വേ​ല്‍​മു​രു​ക​ന്‍, അ​ന്തോ​ണി എ​ന്നി​വ​രു​ടെ പ​ശു​ക്കാ​ണ് കൊ​ല്ല​പ്പെ​ട്ട​ത്. പ​ള​നി​സാ​മി​യു​ടെ മൂ​ന്നു പ​ശു​ക്ക​ളും ഒ​രു ക​ന്നു​ക്കു​ട്ടി​യും വേ​ല്‍​മു​രു​ക​ന്‍റെ ഒ​രു പ​ശു​വു​മാ​ണ് കൊ​ല്ല​പ്പെ​ട്ട​ത്. ക​ടു​വാ ആ​ക്ര​മ​ണ​ത്തി​നെ​തി​രെ എ​സ്‌​റ്റേ​റ്റു മേ​ഖ​ല​ക​ളി​ല്‍ തൊ​ഴി​ലാ​ളി​ക​ളു​ടെ പ്ര​തി​ഷേ​ധ​വും ശ​ക്ത​മാ​വു​ക​യാ​ണ്.
സം​ഭ​വ സ്ഥ​ല​ത്ത് എ​ത്തി​യ വ​നം വ​കു​പ്പ് ഉ​ദ്യോ​ഗ​സ്ഥ​രോ​ട് വ​ന്യ​ജീ​വി​ക​ളി​ല്‍ നി​ന്നും ത​ങ്ങ​ള്‍​ക്ക് സു​ര​ക്ഷ​യൊ​രു​ക്ക​ണ​മെ​ന്ന് തൊ​ഴി​ലാ​ളി​ക​ള്‍ ആ​വ​ശ്യ​പ്പെ​ട്ടു. ക​ഴി​ഞ്ഞ ദി​വ​സം പ​ശു​ക്ക​ളെ ന​ഷ്ട​പ്പെ​ട്ട​വ​ര്‍​ക്ക് ന​ഷ്ട​പ​രി​ഹാ​രം ന​ല്‍​കു​ന്ന​ത​ട​ക്ക​മു​ള്ള ന​ട​പ​ടി​ക​ള്‍ ത്വ​രി​ത ഗ​തി​യി​ലാ​ക്കി​യി​ട്ടു​ണ്ട്. ക​ഴി​ഞ്ഞ ദി​വ​സം ച​ത്ത പ​ശു​വി​ന്‍റെ ജ​ഡ​വു​മാ​യി റോ​ഡ് ഉ​പ​രോ​ധ​മ​ട​ക്ക​മു​ള്ള പ്ര​തി​ഷേ​ധ പ​രി​പാ​ടി​ക​ള്‍ ന​ട​ന്നി​രു​ന്നു.

ച​ത്ത ക​ന്നു​കാ​ലി​ക​ളു​ടെ പോ​സ്റ്റ്‌​മോ​ര്‍​ട്ടം ന​യ​മ​ക്കാ​ട് എ​സ്‌​റ്റേ​റ്റി​ല്‍ വെ​റ്റ​റി​ന​റി സ​ര്‍​ജ​ന്‍ ഡോ. ​നി​ഷാ റേ​ച്ച​ലി​ന്‍റെ നേ​തൃ​ത്വ​ത്തി​ല്‍ ന​ട​ത്തി. വ​ന്യ​ജീ​വി ആ​ക്ര​മ​ണ​ത്തി​ല്‍ പ​ക​ച്ച തൊ​ഴി​ലാ​ളി​ക​ളെ ആ​ശ്വ​സി​പ്പി​ക്കു​ന്ന​തി​ന് ഉ​ദ്യോ​ഗ​സ്ഥ​രും ജ​ന​പ്ര​തി​നി​ധി​ക​ളു​മാ​യ നി​ര​വ​ധി പേ​ര്‍ എ​സ്‌​റ്റേ​റ്റി​ലെ​ത്തി. ഡി​എ​ഫ്ഒ വി.​വി​നോ​ദ്, ദേ​വി​കു​ളം റെ​യി​ഞ്ച് ഫോ​റ​സ്റ്റ് ഓ​ഫീ​സ​ര്‍ എ​ന്നി​വ​ര്‍ വ​ന്യ​ജീ​വി​ക​ളു​ടെ ആ​ക്ര​മ​ണ​ത്തി​ല്‍ നി​ന്നും സം​ര​ക്ഷ​ണം ന​ല്‍​കാ​നു​ള്ള ന​ട​പ​ടി​ക​ള്‍ സ്വീ​ക​രി​ക്കു​മെ​ന്ന് ഉ​റ​പ്പു ന​ല്‍​കി.

Copyright @ 2022 , Rashtra Deepika Ltd.